________________
प० २१ संठाणा ]
सुता
कइविहे पन्नत्ते ? गोयमा ! दुविहे पन्नत्ते । तंजहा - संमुच्छिममणूस पंचिंदियओरालियसरीरे य गब्भवकंतियमणूस पंचिंदियओरा लियसरीरे य । गब्भवक्कंतियमणूसपंचिंदियओरालियसरीरे णं भंते ! कइविहे पन्नत्ते ? गोयमा ! दुविहे पन्नत्ते । तंजहापज्जत्तगगब्भवक्कंतियमणूसपंचिंदियओरालियसरीरे य अपज्जत्तगगब्भवकंतियमणूसपंचिंदियओरालियसरीरे य ॥ ५६९ ॥ ओरालियसरीरे णं भंते! किंसंठिए पन्नत्ते ? गोयमा ! णाणासंठाणसंठिए पन्नत्ते | एगिंदियओरालियस रीरे० किंसंठिए पन्नत्ते ? गोयमा ! णाणासंठाणसंठिए पन्नते । पुढविकाइयएगिंदियओरालियसरीरे ० किंसंठिए पन्नत्ते ? गोयमा ! मसूरचंदसंठाणसंठिए पत्ते । एवं सुहुमपुढविका - इयाण वि बायराण वि एवं चेव, पज्जत्तापज्जत्ताण वि एवं चेव, आउक्वाइयएगिंदियओरालियासरीरे णं भंते ! किंसंठिए पन्नत्ते ? गोयमा ! थिबुयबिंदुसंठाणसंठिए पन्नत्ते । एवं सुहुमबायरपज्जत्तापज्जत्ताण वि । उक्काइयएगिंदियओरालियसरीरे णं भंते ! किंसंठिए पन्नत्ते ? गोयमा ! सूईकलावसंठाणसंठिए पन्नत्ते । एवं सुहुमबायरपज्जत्तापज्जत्ताण वि। वाउक्काइयाण वि पडागासंठाणसंठिए, एवं सुहुमबायरपज्जत्तापज्जत्ताण वि । वणप्फइकाइयाणं णाणासंठाणसंठिए पन्नत्ते, एवं सुहुमबायरपज्जत्तापज्जत्ताण वि । बेइंदियओरालियसरीरे णं भंते ! किंसंठाणसंठिए पन्नत्ते ? गोयमा ! हुंडठाणसंठिए पन्नत्ते, एवं पज्जत्तापजत्ताण वि, एवं तेइंदियचउरिंदियाण वि । पंचिंदियतिरिक्खजोणियओरालियसरीरे णं भंते! किंसंठाणसंठिए पन्नत्ते ? गोयमा ! छव्विहसंठाणसंठिए पन्नत्ते । तंजहा - समचउरंससंठाणसंठिए वि जाव हुंडसंठाणसंठिए वि, एवं पज्जत्तापज्जत्ताण वि ३ । संमुच्छिमतिरिक्खजोणियपचिंदियओरालियस रीरे णं भंते! किंसंठाणसंठिए पन्नत्ते ? गोयमा ! हुंडसंठाणसंठिए पन्नत्ते, एवं पज्जत्तापजत्ताण वि । गब्भवक्कंतियतिरिक्खजोणियपंचिंदियओरालिय सरीरे णं भंते ! किंसंठाणसंठिए पन्नत्ते ? गोयमा ! छव्विहसंठाणसंठिए पन्नत्ते । तंजहा - समचउरंस ० जाव हुंडठाणसंठिए । एवं पज्जत्तापज्जत्ताण वि ३ । एवमेए तिरिक्खजोणियाणं ओहियाणं णव आलावगा । जलयरतिरिक्खजोणियपंचिंदियओरालि यसरीरे णं भंते ! किंसंठाणसंठिए पन्नत्ते ? गोयमा ! छव्विहसंठाणसंठिए पन्नत्ते । तंजहा - समचउरंसे जाव हुंडे, एवं पज्जत्तापज्जत्ताण वि। संमुच्छिमजलयरा हुंडसंठाणसंठिया, एएसिं चेव पज्जत्ता अपज्जत्ता वि एवं चेव । गब्भवक्कंतियजलयरा छव्विहसंठाणसंठिया, एवं पज्जत्तापज्जत्ताण वि । एवं थलयराण वि णव सुत्ताणि, एवं चउप्पयथलयराण वि उरपरिसप्पथलयराण वि भुयपरिसप्पथलयुराण वि । एवं खहयराण वि णव सुत्ताणि, णवरं सव्वत्थ संमुच्छिमा हुंडसंठाणसंठिया भाणियव्वा, इयरे
४६७
