________________
सुत्तागमे
३९८
[पण्णवणासुत्तं यण्णवणी णं एसा भासा, ण एसा भासा मोसा ? हंता गोयमा ! जाईइ इस्थिपण्णवणी, जाईइ पुमपण्णवणी, जाईइ णपुंसगपण्णवणी पण्णवणी णं एसा भासा, ‘ण एसा भासा मोसा ॥ ३८० ॥ अह भंते ! मंदकुमारए वा मंदकुमारिया वा जाणइ बुयमाणे-अहमेसे बुयामीति ? गोयमा ! णो इणढे समढे, णण्णत्थ सण्णिणो। अह भंते ! मंदकुमारए वा मंदकुमारिया वा जाणइ आहारं आहारेमाणे-अहमेसे आहारमाहारेमित्ति ? गोयमा ! णो इणढे समढे, णण्णत्थ सण्णिणो । अह भंते ! मंदकुमारए वा मंदकुमारिया वा जाणइ-अयं मे अम्मापियरो? गोयमा ! णो इणढे समढे, णण्णत्थ सण्णिणो। अह भंते ! मंदकुमारए वा मंदकुमारिया वा जाणइ-अयं मे अइराउलो, अयं मे अइराउलेत्ति ? गोयमा ! णो इणढे समढे, 'णण्णत्थ सण्णिणो । अह भंते ! मंदकुमारए वा मंदकुमारिया वा जाणइ-अयं मे भट्टिदारए, अयं मे भट्टिदारएत्ति ? गोयमा ! णो इणढे समढे, णण्णत्थ सण्णिणो ॥ ३८१ ॥ अहं भंते ! उट्टे गोणे खरे घोडए अए एलए जाणइ बुयमाणे-अहमेसे बुयामि? गोयमा ! णो इणढे समढे, णण्णत्थ सण्णिणो । अह भंते ! उट्टे जाव एलए जाणइ आहारं आहारेमाणे-अहमेसे आहारेमि ? गोयमा ! णो इणढे समझे, णण्णत्थ सण्णिणो । अह भंते ! उट्टे गोणे खरे घोडए अए एलए जाणइ-अयं मे अम्मापियरो? गोयमा ! णो इणढे समठे, णण्णत्थ सण्णिणो । अह भंते ! उट्टे जाव एलए जाणइ-अयं मे अइराउलेत्ति ? गोयमा ! णो इणढे समढे, णण्णत्थ सण्णिणो । अह भंते ! उट्टे जाव एलए जाणइ-अयं मे भट्टिदारए २ ? गोयमा ! णो इणढे समढे, ·णण्णत्थ सण्णिणो ॥ ३८२ ॥ अह भंते ! मणुस्से महिसे आसे हत्थी सीहे वग्घे विगे दीविए अच्छे तरच्छे परस्सरे सियाले विराले सुणए कोलसुणए कोकंतिए ससए चित्तए चिल्ललए जेयावन्ने तहप्पगारा सव्वा सा एगवऊ ? हंता गोयमा ! मणुस्से जाव चिल्ललए जेयावन्ने तहप्पगारा सव्वा सा एगवऊ । अह भंते ! मणुस्सा जाव चिल्ललगा जेयावन्ने तहप्पगारा सव्वा सा बहुवऊ ? हंता गोयमा ! मणुस्सा जाव चिल्ललगा ''सव्वा सा बहुवऊ ॥ ३८३ ॥ अह भंते ! मणुस्सी महिसी वलवा हत्थिणिया सीही वग्घी विगी दीविया अच्छी तरच्छी परस्सरा रासभी सियाली विराली सुणिया कोलसुणिया कोकंतिया ससिया 'चित्तिया चिल्ललिया जेयावन्ने तहप्पगारा सव्वा सा इत्थिवऊ ? हंता गोयमा ! मणुस्सी जाव चिल्ललिगा जेयावन्ने तहप्पगारा सव्वा सा इत्थिवऊ। अह भंते ! मणुस्से जाव चिल्ललए जेयावन्ने तेहप्पगारा सव्वा सा पुमवऊ ? हंता गोयमा ! मणुस्से महिसे जाव चिल्ललए जेयावन्ने तहप्पगारा सव्वा सा पुमवऊ। अह भंते !
