________________
३२४
सुत्तागमे
[पण्णवणासुत्तं अप्पा वा ४ ? गोयमा ! सव्वत्थोवा बायरतेउकाइया पज्जत्तया, बायरतेउकाइया अपज्जत्तया असंखेजगुणा । एएसि णं भंते ! बायरवाउकाइयाणं पज्जत्तापजत्ताणं क्यरे कयरेहितो अप्पा वा ४ ? गोयमा ! सव्वत्थोवा बायरवाउकाइया पज्जत्तया, बायरवाउकाइया अपजत्तया असंखेजगुणा । एएसि णं भंते ! बायरवणस्सइकाइयाणं पज्जत्तापजत्ताणं कयरे कयरेहितो अप्पा वा ४ ? गोयमा ! सव्वत्थोवा बायरवणस्सइकाइया पजत्तया, बायरवणस्सइकाइया अपजत्तया असंखेज्जगुणा। एएसि णं भंते ! पत्तेयसरीरबायरवणस्सइकाइयाणं पजत्तापज्जत्ताणं कयरे कयरेहितो अप्पा वा ४ ? गोयमा ! सव्वत्थोवा पत्तेयसरीरबायरवणस्सइकाइया पजत्तया, पत्तेयसरीरबायरवणस्सइकाइया अपज्जत्तया असंखेजगुणा । एएसि णं भंते ! बायरनिओयाणं पजत्तापज्जत्ताणं कयरे कयरेहितो अप्पा वा ४ ? गोयमा ! सव्वत्थोवा बायरनिओया पजत्ता, बायरनिओया अपजत्ता असंखेजगुणा । एएसि णं भंते ! बायरतसकाइयाणं पज्जत्तापजत्ताणं कयरे कयरेहितो अप्पा वा ४ ? गोयमा ! सव्वत्थोवा बायरतसकाइया पज्जत्ता, बायरतसकाइया अपजत्ता असंखेजगुणा ॥ १६५ ॥ एएसि णं भंते ! बायराणं बायरपुढवीकाइयाणं बायरआउकाइयाणं बायरतेउकाइयाणं बायरवाउकाइयाणं बायरवणस्सइकाइयाणं पत्तेयसरीरबायरवणस्सइकाइयाणं बायरनिओयाणं बायरतसकाइयाणं पजत्तापजत्ताणं कयरे कयरेहितो अप्पा वा ४ ? गोयमा ! सव्वत्थोवा बायरतेउकाइया पज्जत्तया, बायरतसकाइया पजत्तया असंखेजगुणा, बायरतसकाइया अपजत्तया असंखेजगुणा, पत्तेयसरीरबायरवणस्सइकाइया पजत्तया असंखेजगुणा, बायरनिओया पजत्तया असंखेज्जगुणा, बायरपुढवीकाइया पज्जत्तया असंखेजगुणा, बायरआउकाइया पजत्तया असंखेजगुणा, बायरवाउकाइया पज्जत्तया असंखेजगुणा, बायरतेउकाइया अपजत्तया असंखेजगुणा, पत्तेयसरीरबायरवणस्सइकाइया अपजत्तया असंखेजगुणा, बायरनिओया अपजत्तया असंखेज्जगुणा, बायरपुढवीकाइया अपज्जत्तया असंखेजगुणा, बायरआउकाइया अपजत्तया असंखेजगुणा, बायरवाउकाइया अपजत्तया असंखेजगुणा, बायरवणस्सइकाइया पज्जत्तया अणंतगुणा, बायरवणस्सइकाइया अपजत्तया असंखेजगुणा, बायरअपजत्तया विसेसाहिया, बायरा विसेसाहिया ॥ १६६ ॥ एएसि णं भंते ! सुहुमाणं सुहुमपुढवीकाइयाणं सुहुमआउकाइयाणं सुहुमतेउकाइयाणं सुहुमवाउकाइयाणं सुहुमवणस्सइकाइयाणं सुहुमनिओयाणं बायराणं बायरपुढवीकाइयाणं बायरआउकाइयाणं बायरतेउकाइयाणं बायरवाउकाइयाणं बायरवणस्सइकाइयाणं पत्तेयसरीरबायरवणस्सइकाइयाणं बायरनिओयाणं तसकाइयाण य कयरे कयरेहिंतो अप्पा वा ४ ? गोयमा ! सव्वत्थोवा
