________________
प० १ बेइंदियसरुवपुच्छा ]
तामे
पत्तेयं केसरा मिंजा ॥ ४५ ॥ वेणुनलइक्खुवाडियसमासइक्खू य इक्कडे रंडे । करकर सुंठि विहंगू तणाण तह पव्वगाणं च ॥ ४६ ॥ अच्छि पव्वं पलिमोडओ य एगस्स होंति जीवस्स । पत्तेयं पत्ताइं पुप्फाई अणेगजीवाई ॥ ४७ ॥ पुस्सफलं कालिंगं तुंबं तउसेलवालुवालुंकं । घोसाडयं पंडालं तिंदूयं चेव तेंदूसं ॥ ४८ ॥ विंटससारतया • एयाई हवंति एगजीवस्स । पत्तेयं पत्ताई सकेसरमकेसरं मिंजा ॥ ४९ ॥ सप्फाए सज्झाए उव्वेहलिया य कुहणकुंदुके । एए अनंतजीवा कुंदुक्के होइ भयणा उ ॥५०॥ बीए जोणिब्भूए जीवो वक्कमइ सो व अन्नो वा । जोऽवि य मूले जीवो सोऽवि य पत्ते पढमया ॥ ५१ ॥ सव्वोऽवि किसलओ खलु उग्गममाणो अनंतओ भणिओ । सो चेव विवडुंतो होइ परित्तो अणंतो वा ॥ ५२ ॥ समयं वकंताणं समयं तेसिं सरीरनिव्वत्ती । समयं आणुग्गहणं समयं ऊसासनीसासो ॥ ५३ ॥ इक्कस्स उ जं गहणं बहूण साहारणाण तं चेव । जं बहुयाणं गहणं समासओ तं पि इक्स्स ॥५४॥ साहारणमाहारो साहारणमाणुपाणगहणं च । साहारणजीवाणं साहारणलक्खणं एयं ॥ ५५ ॥ जह अयगोलो धंतो जाओ तत्ततवणिज्जसंकासो । सव्वो अगणिपरिओ निगोयजीवे तहा जाण ॥ ५६ ॥ एगस्स दोण्ह तिण्ह व संखिजाण व न पासिउं सक्का । दीसंति सरीराई निगोयजीवाणऽणंताणं ॥ ५७ ॥ लोगागासपए से निगोयजीव ठवेहि इक्किकं । एवं मविज्जमाणा हवंति लोगा अनंता उ ॥ ५८ ॥ लोगागासपए से परित्तजीवं ठवेहि इक्किक्कं । एवं मविज्जमाणा हवंति लोगा असंखिज्जा ॥ ५९ ॥ पत्तेया पज्जत्ता पयरस्स असंखभागमित्ता उ । लोगाऽसंखा पज्जत्तयाण साहारणमणंता ॥ ६० ॥ एएहिं सरीरेहिं पच्चक्खं ते परूविया जीवा । सुहुमा आणागिज्झा चक्खुप्फासं न ते इंति ॥ ६१ ॥ जेयावन्ने तहप्पगारा । ते समासओ दुविहा पन्नत्ता । तंजहा - पज्जत्तगा य अपज्जत्तगा य । तत्थ णं जे ते अपजतगा ते णं असंपत्ता । तत्थ णं जे ते पज्जत्तगा तेसि णं वन्नादेसेणं गंधादेसेणं रसादेसेणं फासादेसेणं सहस्सग्गसो विहाणाई, संखिज्जाई जोणिप्पमुहसय सहस्साइं । "प्रज्जत्तगणिस्साए अपज्जत्तगा वक्कमंति । जत्थ एगो तत्थ सिय संखिज्जा, सिय अर्स - खिज्जा, सिय अनंता । एएसि णं इमाओ गाहाओ अणुगंतव्वाओ तंजहा - कंदा य कंदमूला य, रुक्खमूला इयावरे । गुच्छा य गुम्मा वल्ली य, वेणुयाणि तणाणि य ॥ १ ॥ उप्पल संघाडे हढ़े य सेवाल किण्हए पणए । अवए य कच्छ भाणी कंदुक्के गूणवीसइमे ॥ २ ॥ तयछल्लीपवालेसु पत्तपुप्फफलेसु य । मूलग्गमज्झबीएसु जोणी कस्सइ कित्तिया ॥ ३ ॥ सेत्तं साहारणसरीरबायरवणस्स इकाइय़ा । सेत्तं बायर वणस्सइकाइया । सेत्तं वणरसइकाइया । सेत्तं एगिंदिया ॥४३-३॥ से किं तं बेइंदिया ?
२७९
