________________
प० १ अणंतजीवबीयसरूवं ] सुत्तागमे
२७७
गारा । से तं जलरुहा ॥ ४३-१ ॥ से किं तं कुहणा ? कुहणा अणेगविहा पन्नत्ता । तंजहा - आए, काए, कुहणे, कुणक्के, दव्वहलिया, सप्फाए, सज्झाए, छत्तोए, वंसी, गहिया, कुरए । जेयावन्ने तहप्पगारा । सेत्तं कुहणा । णाणाविहसंठाणा रुक्खाणं एगजीविया पत्ता । खंधा वि एगजीवा तालसरलणालिएरीणं ॥ १ ॥ जह सगलसरिसवाणं सिलेसमिस्साण वट्टिया वट्टी । पत्तेयसरीराणं तह होन्ति सरीरसंघाया ॥ २ ॥ जह वा तिलपप्पडिया बहुएहिं तिलेहि संहया संती । पत्तेयसरीराणं तह होंति सरीरसंघाया ॥ ३ ॥ सेत्तं पत्तेयसरीरबायरवणस्स इकाइया ॥ ४३-२ ॥ से किं तं साहारणसरीरबायरवणस्स इकाइया ? साहारणसरीरबायरवणस्सइकाइया अणेगविहा पन्नत्ता । तंजहा— अवए पणए सेवालें लोहिणी [जाणिया ] थिहू थिभगा | अस्सकन्न साँहकन्नी सिउंढि तत्तो मुसुंदी य ॥ १ ॥ रुरुकुण्डरिया जीरू छीरविराली तहेव किट्टी य | हालिद्दा सिंगबेरे य आलुगा मूलए इय ॥ २ ॥ कंबूया कन्नुक्कड महुपोवलई तहेव महुसिंगी । णीरुहॉ सप्पसुगंधा छिन्नरुहा चेव बीयरुहा || ३ || पाढा मियवालुंकी महुररसा चेव रायवल्ली य । पउमा य माढरी दंती चंडी किद्वित्ति यावरा ॥ ४ ॥ मासपणि मुग्गपण्णी जीवियरसहे य रेणुया चेव । काओली खीरकाओली तहा भंगी नही इय ॥ ५ ॥ किमिरासि भद्दमुत्था णंगलई पेलुगा इय । किण्हे पउले य हढे हरतणुया चेव लोयाणी ॥ ६ ॥ कण्हकंदे वजे सूरणकंदे तहेव खलूडे । एए अनंतजीवा यावन्ने तहाविहा ॥ ७ ॥ तणमूलकंदमूले सीमूलेत्ति यावरे । संखिज्जमसंखिज्जा बोधव्वाणंतजीवाय ॥ ८ ॥ सिंघाडगस्स गुच्छो अणेगजीवो उ होइ नायव्वो । पत्ता पत्तेयजीया दोन्नि य जीवा फले भणिया ॥ ९ ॥ जस्स मूलस्स भग्गस्स समो भंगो पदीसइ । अणंतजीवे उ से मूले जेयावन्ने तहाविहा ॥ १० ॥ जस्स कंदस्स भग्गस्स समो भंगो पदीसइ । अनंतजीवे उसे कंदे जेयावन्ने तहाविहा ॥ ११ ॥ जस्स खंधस्स भग्गस्स समो भंगो पदीसइ । अनंतजीवे उसे खंधे जेयावन्ने तहाविहा ॥ १२ ॥ जीसे. तयाए भग्गा समो भंगो पदीसए । अनंतजीवा तया सा उ जेयावन्ना तहाविहा | ॥ १३ ॥ जस्स सालस्स भग्गस्स समो भंगो पदीसए । अनंतजीवे य से साले जेयावने तहाविहा ॥ १४ ॥ जस्स पवालस्स भग्गस्स समो भंगो पदीसए । अनंतजीवे पवाले से जेयावन्ने तहाविहा ॥ १५ ॥ जस्स पत्तस्स भग्गस्स समो भंगो पदीसए । अनंतजीवे उसे पत्ते जेयावन्ने तहाविहा ॥ १६ ॥ जस्स पुप्फस्स भग्गस्स समो भंगो पदीसए । अनंतजीवे उसे पुप्फे जेयावन्ने तहाविहा ॥ १७ ॥ जस्स फलस्स भग्गस्स समो भंगो पदीसए । अनंतजीवे फले से उ जेयावन्ने तहाविहा ॥ १८ ॥ जस्स बीयस्स भग्गस्स समो भंगो पदीसए । अनंतजीवे उसे बीए जेया
