________________
स० ५० ३ पुरिसवे०] सुत्तागमे भागो, नोहुमनोबायरे साइए अपज्जवसिए, सुहुमस्स अंतरं बायरकालो, बायरस्स अंतरं सुहुमकालो, तइयस्स नोसुहुमणोबायरस्स अंतरं नत्थि । अप्पाबहु० सव्वत्थोवा नोसुहमनोबायरा बायरा अणंतगुणा सुहुमा असंखेजगुणा ॥ २५३ ॥ अहवा तिविहा सव्वजीवा पण्णत्ता, तंजहा—सण्णी असण्णी नोसण्णीनोअसण्णी, सन्नी णं भंते !• कालओ० ? गो०! जह० अंतो० उक्को० सागरोवमसयपुहुत्तं साइरेगं, असण्णी जह० अंतो० उको० वणस्सइकालो, नोसण्णीनोअसण्णी साइए अपज्जवसिए । सण्णिस्स अंतरं जह• अंतो० उक्को० वणस्सइकालो, असण्णिस्स अंतरं जह• अंतो० उक्को० सागरोवमसयपुहुत्तं साइरेगं, तइयस्स णत्थि अंतरं । अप्पाबहु० सव्वत्थोवा सण्णी नोसन्नीनोअसण्णी अणंतगुणा असण्णी अणंतगुणा ॥ २५४ ॥ अहवा तिविहा सव्वजीवा पण्णत्ता, तंजहाभवसिद्धिया अभवसिद्धिया नोभवसिद्धियानोअभवसिद्धिया, अणाइया सपज्जवसिया भवसिद्धिया, अणाइया अपज्जवसिया अभवसिद्धिया, साइया अपज्जवसिया नोभवसिद्धियानोअभवसिद्धिया। तिण्हंपि नत्थि अंतरं । अप्पाबहु० सव्वत्थोवा अभवसिद्धिया णोभवसिद्धियाणोअभवसिद्धिया अणंतगुणा भवसिद्धिया अणंतगुणा ॥२५५॥ अहवा तिविहा सव्व० प०, तंजहा--तसा थावरा नोतसानोथावरा, तसस्स णं भंते ! ०१ गोयमा ! जह० अंतो० उक्को० दो सागरोवमसहस्साइं साइरेगाई, थावरस्स संचिट्ठणा वणस्सइकालो, णोतसानोथावरा साइया अपज्जवसिया । तसस्स अंतरं वणस्सइकालो, थावरस्स अंतरं दो सागरोवमसहस्साइं साइरेगाई, णोतसणोथावरस्स णत्थि अंतरं । अप्पाबहु० सव्वत्थोवा तसा नोतसानोथावरा अणंतगुणा थावरा अणंतगुणा। से तं तिविहा सव्वजीवा पण्णत्ता ॥ २५६॥०॥ तत्थ णं जे ते एवमाहंसुचउव्विहा सव्वजीवा पण्णत्ता ते एवमाहंसु, तं०-मणजोगी वइजोगी कायजोगी अजोगी । मणजोगी णं भंते !०? गोयमा ! जह० एकं समयं उक्को० अंतो०, एवं वइजोगीवि, कायजोगी जह• अंतो० उक्को० वणस्सइकालो, अजोगी साइए. अपज्जवसिए । मणजोगिस्स अंतरं जहण्णेणं अंतोमुहुत्तं उक्को० वणस्सइकालो, एवं वइजोगिस्सवि, कायजोगिस्स जह० एकं समयं उक्को० अंतो०, अजोगिस्स णत्थि अंतरं । अप्पाबहु० सव्वत्थोवा मणजोगी वइजोगी असंखेजगुणा अजोगी अणंतगुणा कायजोगी अणंतगुणा ॥ २५७ ॥ अहवा चउन्विहा सव्वजीवा पण्णत्ता, तंजहा-इत्थिवेयगा पुरिसवेयगा नपुंसगवेयगा अवेयगा, इत्थिवेयए णं भंते ! इत्थिवेयएत्ति कालओ केवञ्चिरं होइ ? गोयमा ! (एगेण आएसेण०) पलियसयं दसुत्तरं अट्ठारस चोद्दस पलियपुहुत्तं, समओ जहण्णो, पुरिसवेयस्स जह० अंतो०
