________________
२३४
सुत्तागमे [जीवाजीवाभिगमे संखेजगुणा गहा, संखेजगुणाओ तारगाओ ॥२०६॥ जोइसुद्देसओ समत्तो॥
कहि णं भंते ! वेमाणियाणं देवाणं विमाणा पण्णत्ता ? कहि णं भंते ! वेमाणिया देवा परिवसंति ?, जहा ठाणपए तहा सव्वं भाणियव्वं णवरं परिसाओ भाणियव्वाओ जाव सक्के० अन्नेसिं च बहूणं सोहम्मकप्पवासीणं देवाण य देवीण य जाव विहरइ ॥ २०७ ॥ सक्कस्स णं भंते ! देविंदस्स देवरन्नो कइ परिसाओ पन्नत्ताओ ? गोयमा! तओ परिसाओ पण्णत्ताओ, तंजहा–समिया चंडा जाया, अभितरिया समिया मज्झिमिया चंडा बाहिरिया जाया ॥ सक्कस्स णं भंते ! देविंदस्स देवरन्नो अभितरियाए परिसाए कइ देवसाहस्सीओ पण्णत्ताओ ? मज्झिमियाए परि० तहेव बाहिरियाए पुच्छा, गोयमा ! सकस्स देविंदस्स देवरन्नो अभितरियाए परिसाए बारस देवसाहस्सीओ पण्णत्ताओ मज्झिमियाए परिसाए चउदस देवसाहस्सीओ पण्णत्ताओ बाहिरियाए परिसाए सोलस देवसाहस्सीओ पण्णत्ताओ, तहा अभितरियाए परिसाए सत्त देवीसयाणि मज्झिमियाए० छ देवीसयाणि बाहिरियाए० पंच देवीसयाणि पन्नत्ताणि ॥ सक्कस्स णं भंते ! देविंदस्स देवरन्नो अभितरियाए परिसाए देवाणं केवइयं कालं ठिई पण्णत्ता ? एवं मज्झिमियाए बाहिरियाएवि, गोयमा ! सक्कस्स देविंदस्स देवरन्नो अभितरियाए परिसाए देवाणं पंच पलिओवमाइं ठिई पण्णत्ता, मज्झिमियाए परिसाए० चत्तारि पलिओवमाइं ठिई पण्णत्ता, वाहिरियाए परिसाए देवाणं तिन्नि पलिओवमाई ठिई पण्णत्ता, देवीणं ठिई-अभितरियाए परिसाए देवीणं तिन्नि पलिओवमाइं ठिई पण्णत्ता, मज्झिमियाए० दुन्नि पलिओवमाइं ठिई पण्णत्ता, बाहिरियाए परिसाए० एगं पलिओवमं ठिई पण्णत्ता, अट्ठो सो चेव जहा भवणवासीणं ॥ कहि णं भंते ! ईसाणगाणं देवाणं विमाणा पण्णत्ता ? तहेव सव्वं जाव ईसाणे एत्थ देविंदे देव० जाव विहरइ । ईसाणस्स णं भंते ! देविंदस्स देवरण्णो कइ परिसाओ पण्णत्ताओ ? गोयमा ! तओ परिसाओ पण्णत्ताओ, तंजहासमिया चंडा जाया, तहेव सव्वं णवरं अभितरियाए परिसाए दस देवसाहस्सीओ पण्णत्ताओ, मज्झिमियाए परिसाए बारस देवसाहस्सीओ०, बाहिरियाए० चउद्दस देवसाहस्सीओ०, देवीणं पुच्छा, अभितरियाए० णव देवीसया पण्णत्ता मज्झिमियाए परिसाए अट्ठ देवीसया पण्णत्ता बाहिरियाए परिसाए सत्त देवीसया पण्णत्ता, देवाणं ठिईपुच्छा, अभितरियाए परिसाए देवाणं सत्त पलिओवमाइं ठिई पण्णत्ता मज्झिमियाए० छ पलिओवमाइं० बाहिरियाए० पंच पलिओवमाइं ठिई पण्णत्ता। देवीणं पुच्छा, अभितरियाए० साइरेगाइं पंचप लिओवमाइं०, मज्झिमियाए परिसाए चत्तारि पलिओवमाइं ठिई पण्णत्ता, बाहिरियाए परिसाए तिण्णि पलिओवमाइं ठिई पण्णत्ता,
