________________
५०३ नंदापुक्खरिणी]
सुत्तागमे सभाए णं सुहम्माए उत्तरपुरथिमेणं एत्थ णं एगा महं उववायसभा पण्णत्ता जहा सुहम्मा तहेव जाव गोमाणसीओ उववायसभाएवि दारा मुहमंडवा सव्वं भूमिभागे तहेव जाव मणिफासो (सुहम्मासभावत्तव्वया भाणियव्वा जाव भूमीए फासो) ॥ तस्स णं बहुसमरमणिज्जस्स भूमिभागस्स बहुमज्झदेसभाए एत्थ णं एगा महं मणिपेढिया पण्णत्ता जोयणं आयामविक्खंभेणं अद्धजोयणं बाहल्लेणं सव्वमणिमई अच्छा जाव पडिरूवा, तीसे णं मणिपेढियाए उप्पि एत्थ णं एगे महं देवसयणिज्जे पण्णत्ते, तस्स णं देवसयणिज्जस्स वण्णओ. उववायसभाए णं उप्पिं अट्ठमगलगा झया छत्ताइछत्ता जाव उत्तिमागारा, तीसे णं उववायसभाए उत्तरपुरच्छिमेणं एत्थ णं एगे महं हरए पण्णत्ते, से णं हरए अद्धतेरसजोयणाई आयामेणं छकोसाइं जोयणाई विक्खंभेणं दस जोयणाई उव्वेडेणं अच्छे सण्हे वण्णओ जहेव गंदाणं पक्खरिणीणं जाव तोरणवण्णओ तम्स हरयम्स उत्तरपुत्थिमण एत्थ ण एगा महं अभिसेयसभा पण्णत्ता जहा सभासुहम्मा तं चेव निरवसेसं जाव गोमाणसीओ भूमिभाए उल्लोए तहेव ॥ तस्स णं बहसमरमणिज्जस्स भूमिभागस्स बहुमज्झदेसभाए एत्थ णं एगा महं मणिपेढिया पण्णत्ता जोयणं आयामविक्खंभेणं अद्धजोयणं बाहल्लेणं सव्वमणिमया अच्छा० ॥ तीसे णं मणिपेढियाए उप्पि एत्थ णं महं एगे सीहासणे पण्णत्ते, सीहासणवण्णओ अपरिवारो ॥ तत्थ णं विजयस्स देवस्स सुबहु आभिसेके भंडे संणिक्खित्ते चिट्ठइ, अभिसेयसभाए उप्पि अट्ठट्ठमंगलगा जाव उत्तिमागारा सोलसविहेहिं रयणेहिं उवसोभिया, तीसे णं अभिसेयसभाए उत्तरपुरत्थिमेणं एत्थ णं एगा महं अलंकारियसभा पण्णत्ता अभिसेयसभावत्तव्वया भाणियव्वा जाव गोमाणसीओ मणिपेढियाओ जहा अभिसेयसभाए उप्प साहासण (स)अपरिवारं ॥ तत्थ णं विजयस्स देवस्स सुबह अलंकारिए भंडे सनिक्खित्ते चिठ्ठइ, अलंकारिय० उप्पिं मंगलगा झया जाव (छत्ताइछत्ता) उत्तिमागारा ॥ तीसे ण अलकारियसहाए उत्तरपुरस्थिमेणं एत्थ णं एगा महं ववसायसभा पण्णत्ता, अभिसेयसभावत्तव्वया जाव सीहासणं अपरिवारं ॥ तपोस्थ णं विजयस्स देवस्स एगे महं पोत्थयरयणे संनिक्खित्ते चिइ, तस्स णं पोत्थयरयणस्स अयमेयारवे वण्णावासे पन्नत्ते, तंजहा--रिट्ठामईओ कंबियाओ रिययामयाई पत्तगाई] तवणिजमए दोर णाणामणिमए गंठी (अंकमयाइं पत्ताई) वेरुलियमए लिप्पासणे तवणिजमई संकला रिटामए छायणे रिटामया मसी वइरामई लेहणी रिटामयाइं अक्खराइं धम्मिए सत्थे ववसायसभाए णं उप्पिं अट्रमंगलगा झया छत्ताइछत्ता उत्तिमागारात । तीसे णं ववसायसभाए उत्तरपुरच्छिमेणं एत्थ णं एगा महं णंदापुक्खरिणी
