________________
१७६
सुत्तागमे
[ जीवाजीवाभिगमे
समुग्गगा वइरामई अग्गलाओ अग्गलपासाया वइरामई आवत्तणपेढिया अंकुत्तरपासए णिरंतरियघणकवाडे भित्तीसु चेव भित्तीगुलिया छप्पण्णा तिण्णि होंति गोमाणसी तत्तिया णाणामणिरयणवालरूव गली लट्ठियसालिभंजियागे वइरामए कूडे रययामए उस्सेहे सव्वतवणिज्जमए उल्लोए णाणामणिरयणजालपंजरमणिवंसगलोहियक्खपडिवंसगरययभोम्मे अंकामया पक्खबाहाओ जोइरसामया वंसा वंसक - वेलुगा यरययामई पट्टियाओ जायरूवमई ओहाडणी वइरामई उवरि पुञ्छणी सव्वसेयरययामए छायणे अंकमयकणगकूडतवणिज्जथुभियाए सेए संखतलविमल'णिम्मलदहिघणगोखीरफेणरययणिगरप्पगासे तिलगरयणद्धचंदचित्ते णाणामणिमयदामालं किए अंतो य बहिं च सण्हे तवणिज्जरइलवालुयापत्थडे सुहप्फासे सस्सि
रूवे पासाई ४ ॥ विजयस दारस्स उभओ पासिं दुहओ णिसीहियाए दो दो चंद कलसपरिवाडीओ पण्णत्ताओ, ते णं चंदणकलसा वरकमलपइडाणा सुरभिवरवारिपsिyण्णा चंदणकयचच्चागा आबद्धकंठेगुणा परमुप्पलपिहाणा सव्वरयणामया अच्छा सण्हा जाव पडिरूवा महया महया महिंदकुंभसमाणा पण्णत्ता समणाउसो ! ॥ विजयस्स णं दारस्स उभओ पासिं दुहओ णिसीहियाए दो दो नागदंतपरिवाडीओ, ते णं णागदंतगा मुत्ताजालंतरूसियहेमजालगवक्खजालखिं खिणीघंटाजालपरिक्खित्ता अब्भुग्गया अभिणिसिद्धा तिरियं सुसंपगहिया अहेपण्णगद्धरुवा पण गवसंठाणसंठिया सव्वरयणामया अच्छा जाव पडिरूवा महया महया गयदंतसमाणा प० समणाउसो ! ॥ तेसु णं णागदंतसु बहवे किन्हसुत्तबद्धवग्घारियमलदामकलावा जाव सुक्किलसुत्तबद्धवग्वारियमलदामकलावा ॥ ते णं दामा तवणिज्जलंबूसगा सुवण्णपयरगमंडिया णाणामणिरयणविविहहारद्धहार ( उवसोभियसमुदया) जाव सिरीए अई अईव उवसोभेमाणा उवसोभेमाणा चिट्ठति ॥ तेसि णं णागदंतगाणं उवरिं अण्णाओ दो दो णागदंतपरिवाडीओ पण्णत्ताओ, तेसि णं णागदंतगाणं मुत्ताजालंतरूसिया तहेव जाव समणाउसो ! । तेसु णं णागदंतएसु बहवे रययामया 'सिक्कया पण्णत्ता, तेसु णं रययामएसु सिक्कएसु ब० वेरुलियामईओ धूवघडीओ पण्णत्ताओ, तंजहा - ताओ णं धूवघडीओ कालागुरुपवरकुंदरुक्कतुरुक्क धूव मघमघंतगं"बुद्धयाभिरामाओ सुगंधवरगंधगंधियाओ गंधवट्टिभूयाओ ओरालेणं मणुणेण घाणमणणिव्वुइकरेणं गंधेणं तप्पएसे सव्वओ समंता आपूरेमाणीओ आपूरेमाणीओ अई अईव सिरीए जाव चिद्वंति ॥ विजयस्स णं दारस्स उभओ पासिं दुहओ
सीहियाए दो दो सालिभंजियापरिवाडीओ पण्णत्ताओ, ताओ णं सालभंजियाओ लीलट्ठियाओ सुपयट्ठियाओ सुअलंकियाओ णाणागारवसणाओ णाणामरूपिणद्धाओ
