________________
१४६
सुत्तागमे
[जीवाजीवाभिगमे नेयव्वं गाहा-पोग्गलपरिणामे वेयणा य लेसा य नामगोए य । अरई भए य सोगे खुहापिवासा य वाही य ॥ १ ॥ उस्सासे अणुतावे कोहे माणे य मायलोभे य । चत्तारि य सण्णाओ नेरइयाणं तु परिणामे ॥ २ ॥ एत्थ किर अइवयंती नरवसभा केसवा जलयरा य । मंडलिया रायाणो जे य महारंभकोडंबी ॥ ३ ॥ भिन्नमुहुत्तो नरएसु होइ तिरियमणुएसु चत्तारि । देवेसु अद्धमासो उक्कोसविउव्वणा भणिया ॥ ४ ॥ जे पोग्गला अणिट्ठा नियमा सो तेसि होइ आहारो। संठाणं तु जहणं नियमा हुंडं तु नायव्वं ॥५॥ असुभा विउव्वणा खलु नेरइयाणं तु होइ सव्वेसिं। वेडव्वियं सरीरं असंघयणहुंडसंठाणं ॥ ६ ॥ अस्साओ उववण्णो अस्साओ चेव चयइ निरयभवं । सव्वपुढवीसु जीवो सव्वेसु ठिइविसेसेसुं ॥ ७ ॥ उववाएण व सायं नेरइओ देवकम्मुणा वावि । अज्झवसाणनिमित्तं अहवा कम्माणुभावेणं ॥ ८ ॥ नेरइयाणुप्पाओ उक्कोसं पंचजोयणसयाइं । दुक्खेणभिडुयाणं वेयणसयसंपगाढाणं ॥९॥ अच्छिनिमीलियमेत्तं नत्थि सुहं दुक्खमेव पडिबद्धं । नरए नेरइयाणं अहोनिसं पञ्चमाणाणं ॥१०॥ तेयाकम्मसरीरा सुहुमसरीरा य जे अपज्जत्ता। जीवेण मुक्कमेत्ता वच्चंति सहस्ससो भेयं ॥ ११ ॥ अइसीयं अइउण्हं अइतण्हा अइखुहा अइभयं वा । निरए नेरइयाणं दुक्खसयाई अविस्सामं ॥ १२ ॥ एत्थ य भिन्नमुहुत्तो पोग्गल असुहा य होइ अस्साओ। उववाओ उप्पाओ अच्छि सरीरा उ बोद्धव्वा ॥ १३ ॥ से तं नेरइया ॥ ९५ ॥ तइओ नेरइयउद्देसो समत्तो ॥
से किं तं तिरिक्खजोणिया ? तिरिक्खजोणिया पंचविहा पण्णत्ता, तंजहाएगिदियतिरिक्खजोणिया बेइंदियतिरिक्खजोणिया तेइंदियतिरिक्खजोणिया चउरिदियतिरिक्खजोणिया पंचिंदियतिरिक्खजोणिया य । से किं तं एगिदियतिरिक्खजोणिया ? २ पंचविहा पण्णत्ता, तंजहा—पुढविकाइयएगिंदियतिरिक्खजोणिया जाव वणस्सइकाइयएगिंदियतिरिक्खजोणिया । से किं तं पुढविक्काइयएगिदियतिरिक्खजोणिया ? २ दुविहा पण्णत्ता, तंजहा—सुहुमपुढविकाइयएगिंदियतिरिक्खजोणिया बाथरपुढविकाइयएगिदियतिरिक्खजोणिया य। से किं तं सुहुमपुढविकाइयएगिदियतिरि० ? २ दुविहा पण्णत्ता, तंजहा-पजत्तसुहुम० अपजत्तसुहुम० से तं सुहुम० । से किं तं बायरपुढविकाइय० ? २ दुविहा पण्णत्ता, तंजहा-पजत्तबायरपु० अपज्जत्तबायरपु०, से तं बाथरपुंढविकाइयएगिदिय०, से तं पुढवीकाइयएगिंदिय० । से किं तं आउक्काइयएगिदिय० ? २ दुविहा पण्णत्ता, एवं जहेव पुढविकाइयाणं तहेव, तेउकायभेदो एवं जाव वणस्सइकाइया से तं वणस्सइकाइयएगिदियतिरिक्ख० । से किं तं बेइंदियतिरिक्ख० १ २ दुविहा पण्णत्ता, तंजहा-पजत्तगबेइंदियति० अपजत्तग
