________________
सुत्तागमे
[ जीवाजीवाभिगमे
अणंतगुणा ॥ एएसि णं भंते ! मणुस्सणपुंसगाणं कम्मभूमिणपुंसगाणं अकम्मभूमिणपुंसगाणं अंतरदीवगाण य कयरे कयरेहिंतो अप्पा वा ४ ? गोयमा ! सव्वत्थोवा अंतरदीवगअकम्मभूमगमणुस्सणपुंसगा देवकुरुउत्तरकुरुअ कम्मभूमग० दोवि संखेज्जगुणा एवं जाय पुव्वविदेह अवरविदेह कम्म० दोवि संखेज्जगुणा ॥ एएसि णं भंते ! णेरइयणपुंसगाणं रयणप्पभापुढविनेरइयनपुंसगाणं जाव अहेसत्तमापुढविणेरइयणपुंसगाणं तिरिक्खजोणियणपुंसगाणं एगिंदियतिरिक्खजोणियनपुंसगाणं पुढविकाइयएगिंदियति रिक्खजोणियणपुंसगाणं जाव वणस्सइकाइय० बेइंदियतेइंदियचउरिंदियपंचिंदियतिरिक्खजोणियणपुंसगाणं जलयराणं थलयराणं खहयराणं मणुस्सणपुंसगाणं कम्मभूमिगाणं अकम्मभूमिगाणं अंतरदीवगाण य कयरे २ हिंतो अप्पा वा ४ ? गोमा ! सव्वत्थोवा आहेसत्तमपुढविणेरइयणपुंसगा छपुढ विनेरइयनपुंसगा असंखेज्ज० जाव दोच्चपुढविणेरइयणपुं० असंखे० अंतरदीवगमणुस्सणपुंसगा असंखेज्जगुणा, देवकुरुउत्तरकुरुअकम्मभूमग० दोवि संखेज्जगुणा जाव पुव्वविदेह अवरविदेहकम्मभूमगमणुस्सणपुंसगा दोवि संखेज्जगुणा, रयणप्पभापुढविणेर इयणपुंसगा असंखे० खहयरपंचेंदियति रिक्खजोणियनपुंसगा असं० थलयर० संखेज • जलयर० संखे जगुणा चाउरिंदियतिरिक्खजोणिय • विसेसाहिया तेइंदिय० विसे० बेइंदिय० विसे० तेउका - इयएगिंदिय० असं० पुढविकाइयए गिंदिय० विसेसाहिया आउक्काइय० विसे० वाउकाइय० विसेसा • वणस्सइकाइयएगिंदियतिरिक्खजोणियणपुंसगा अनंतगुणा ॥ ६० ॥
पुंसगवेयस्स णं भंते! कम्मस्स केवइयं कालं बंधठिई पन्नत्ता ? गोयमा ! जह० सागरोवमस्त दोन सत्तभागा पलिओवमस्स असंखेज्जइभागेण ऊणगा उक्को० वीसं सागरोवनकोडाकोडीओ, दोण्णि य वाससहस्साइं अबाहा, अबाहूणिया कम्मठिई कम्मणिसेगो । णपुंसगवेए णं भंते ! किंपगारे पण्णत्ते ? गोयमा ! महाणगरदाहसमाणे पण्णत्ते समणाउसो !, से तं णपुंसगा ॥ ६१ ॥ एएसि णं भंते ! इत्थीणं पुरिसाणं नपुंसगाण य कयरेर हिंतो अप्पा वा ४ ? गोयमा ! सव्वत्थोवा पुरिसा इत्थीओ संखे० णपुंसगा अनंत० । एएसि णं भंते! तिरिक्खजोणित्थीणं तिरिक्खजोणियपुरिसाणं तिरिक्खजोणियणपुंसगाण य कयरे २ हिंतो अप्पा वा ४ ? गोयमा ! सव्वत्थोवा तिरिक्खजोणियपुरिसा तिरिक्खजोणित्थीओ असंखे० तिरिक्खजो० णपुंसगा अनंतगुणा ॥ एएसि णं भंते! मणुस्सित्थीणं मणुस्तपुरिसाणं मसणपुंसगाण य कयरे २ हिन्तो अप्पा वा ४ ? गोयमा ! सव्व० मणुस्सपुरिसा मस्सित्थीओ संखे० मणुस्सणपुंसगा असंखेज्जगुणा ॥ एएसि णं भंते! देवित्थीणं देवपुरिसाणं णेरइयणपुंसगाण य कयरे २ हिंतो अप्पा वा ४ ? गोयमा ! सव्वत्थोवा
१२८
