________________
सालभंजियावण्णणा] सुत्तागमे
सयकणगकूडतवणिजथूभियागा सेया संखतलविमलनिम्मलदहिघणगोखीरफेणश्ययणिगरप्पगासा तिलगरयणद्धचंदचित्ता नाणामणिदामालंकिया अंतो बहिं च सण्डा तवणिजवालयापत्थडा सुहफासा सस्सिरीयस्वा पासाईया दरिसणिज्जा अभिरुवा पडिरूबा ॥ २७ ॥ तेसि णं दाराणं उभओ पासे दुहओ निसीहियाए सोलस सोलस चंदणकलसपरिवाडीओ पन्नत्ताओ, ते णं चंदणकलसा वरकमलपइटाणा सुरभिवरवारिपडिपुण्णा चंदणकयचच्चागा आविद्धकंठेगुणा पउमुप्पलपिहाणा सव्वरयणामया अच्छा जाब पडिरूवा महया मह्या इंदकुंभसमाणा पन्नत्ता समणाउसो ! । तेसि णं दाराणं उभओ पासे दुहओ णिसीहियाए सोलस सोलस णागदन्तपरिवाडीओ पन्नत्ताओ, ते णं णागदंता मुत्ताजालंतरुसियहेमजालगवक्खजालखिखिणीघंटाजालपरिक्खित्ता अब्भुग्गया अभिणिसिट्ठा तिरियसुसंपरिग्गहिया अहेपन्नगद्धरूवा पन्नगद्धसंठाणसंठिया सव्ववयरामया अच्छा जाव पडिख्वा महया महया गयदंतसमाणा पन्नत्ता समणाउसो ! । तेसु णं णागदंतएसु वहवे किण्हसुत्तबद्धा वग्धारियमल्लदामकलावा णील लोहिय० हालिद्द० सुकिल्लसुत्तबद्धा वग्धारियमल्लदामकलावा, ते णं दामा तवणिजलंबूसगा सुवन्नपयरगमंडिया नाणाविहमणिरयणविविहहारउवसोभियसमुदया जाव सिरीए अईव अईव उवसोभेमाणा चिट्ठति । तेसि णं णागदंताणं उवरि अन्नाओ सोलस सोलस नागदंतपरिवाडीओ पन्नत्ता ते णं णागदंता तं चेव जाव गयदंतसमाणा पन्नत्ता समणाउसो ! तेलु णं णागदंतएसु बहवे रययामया सिक्कगा पन्नत्ता, तेसु णं रययामएमु सिक्कएसु बहवे वेरुलियामईओ धूवघडीओ प० ताओ णं धूवघडीओ कालागुरुपवरकुंदुरुक्कतुरुकधूवमघमचंतगंधुद्धयाभिरामाओ सुगंधवरगंधियाओ गंधवद्विभूयाओ ओरालेणं मणुण्णेणं मणहरेणं घाणमणणिव्वुइकरेणं गंधेणं ते पएसे सव्वओ समंता आपूरेमाणा आपूरेमाणा जाव चिट्ठति । तेसि णं दाराणं उभओ पासे दुहओ णिसीहियाए सोलस सोलस सालभंजियापरिवाडीओ पन्नत्ताओ, ताओ णं सालभंजियाओ लीलट्ठियाओ सुपइट्ठियाओ सुअलंकियाओ णाणाविहरागवसणाओ णाणामल्लपिणद्धाओ मुट्ठिगिज्झसुमज्झाओ आमेलगजमलजुयलवहियअन्भुन्नयपीणरइयसंठियपीवरपओहराओ रत्तावंगाओ असियकेसीओ मिडविसयपसत्थलक्खणसंवेल्लियग्गसिरयाओ ईसिं असोगवरपायवसमुट्ठियाओ वामहत्थरगहियग्गसालाओ ईसिं अद्धच्छिकडक्वचिट्ठिएणं लूसमाणीओ विव चक्षुल्लोयणलेसेहि य अन्नमन्नं खिज्जमाणीओ विव पुढविपरिणामाओ सासयभावमुवगयाओ चन्दाणणाओ चंदविलासिणीओ चंदद्धसमणिडालाओ चंदाहियसोमदंसणाओ उक्का विव उज्जोवेमाणाओ विजुघणमिरियसूरदिप्पंततेयअहिययरस
