________________
सूरियाभनिग्गमणं] सुत्तागमे उवागच्छित्ता सीहासणवरगए पुरत्थाभिमुहे सण्णिसण्णे। तए णं तस्स सूरियाभस्स देवस्स चत्तारि सामाणियसाहस्सीओ तं दिव्वं जाणविमाणं अणुपयाहिणीकरेमाणा उत्तरिलेणं तिसोवाणपडिरूवएणं दुरूहति दुरूहित्ता पत्तेयं पत्तेयं पुव्वणत्थेहिं भद्दासणेहिं णिसीयंति, अवसेसा देवा य देवीओ य तं दिव्वं जाणविमाणं जाव दाहिणिलेणं तिसोवाणपडिरूवएणं दुरूहंति दुरूहित्ता पत्तेयं पत्तेयं पुव्वणत्थेहिं भद्दासणेहिं निसीयंति । तए णं तस्स सरियाभस्स देवस्स तं दिव्वं जाणविमाणं दुरूढस्स समाणस्स अट्ठ मङ्गलगा पुरओ अहाणुपुव्वीए संपत्थिया, तंजहा-सोत्थियसिरिवच्छ जाव दप्पणा । तयणंतरं च णं पुण्णकलसभिंगार दिव्वा य छत्तपडागा सचामरा दसणरइया आलोयदरिसणिज्जा वाउ यविजयवेजयंतीपडागा ऊसिया गगणतलमणुलिहन्ती पुरओ अहाणुपुवीए संपत्थिया । तयणंतरं च णं वेरुलियभिसंतविमलदण्डं पलम्बकोरंटमल्लदामोवसोभियं चंदमंडलनिभं समुस्सियं विमलमायवत्तं पवरसीहासणं च मणिरयणभत्तिचित्तं सपायपीढं सपाउयाजोयसमाउत्तं बहुकिंकरामरपरिग्गहियं पुरओ अहाणुपुव्वीए संपत्थियं । तयणंतरं च णं वइरामयवलट्ठसंठियसुसिलिट्ठपरिघट्टमट्ठसुपइट्ठिए विसिढे अणेगवरपंचवण्णकुडभीसहस्सुस्सिए परिमंडियाभिरामे वाउ यविजयवेजयंतीपडागच्छत्ताइच्छत्तकलिए तुंगे गगणतलमणुलिहंतसिहरे जोयणसहस्समूसिए महइमहालए महिंदज्झए पुरओ अहाणुपुव्वीए संपत्थिए । तयणंतरं च णं सुरूवणेवत्थपरिकच्छिया सुसजा सव्वालंकारभूसिया महया भडचडगरपहगरेणं पंच अणीयाहिवइणो पुरओ अहाणपुव्वीए संपत्थिया । [तयणंतरं च णं बहवे आभिओगिया देवा देवीओ य सएहिं सएहिं रूवेहिं, सएहिं सएहिं विसेसेहिं, सएहिं सएहिं विदेहिं, सएहिं सएहिं णेज्जाएहिं, सएहिं सएहिं णेवत्थेहिं पुरओ अहाणुपुव्वीए संपत्थिया] तयणंतरं च णं सूरियाभविमाणवासिणो बहवे वेमाणिया देवा य देवीओ य सव्विड्डीए जाव रवेणं सृरियाभं देवं पुरओ पासओ य मग्गओ य समणुगच्छंति ॥ १६ ॥ तए णं से सरियामे देवे तेणं पञ्चाणीयपरिखित्तेणं वइरामयवट्टलट्ठसंठिएणं जाव जोयणसहस्समूसिएणं महइमहालएणं महिंदज्झएणं पुरओ कडिजमाणेणं चउहिं सामाणियसहस्सेहिं जाव सोलसहिं आयरक्खदेवसाहस्सीहिं अन्नेहि य बहहिं सूरियाभविमाणवासीहिं वेमाणिएहिं देवेहिं देवीहि य सद्धिं संपरिबुडे सव्विड्डीए जाव रवेणं सोहम्मस्स कप्पस्स मज्झंमज्झेणं तं दिव्वं देविड्डिं दिव्वं देवजुई दिव्वं देवाणुभावं उवलालेमाणे उवलालेमाणे उवदंसेमाणे उवदंसेमाणे पडिजागरेमाणे पडिजागरेमाणे जेणेव सोहम्मस्स कप्पस्स उत्तरिले णिजाणमग्गे तेणेव उवागच्छद, जोयणसयसाहस्सिएहिं विग्गहेहिं ओवयमाणे वीईवयमाणे
