________________
सुत्तागमे
११४४
[अणुओगदारसुत्तं तहा जाव थणियकुमाराणं ताव भाणियव्वा । पुढविकाइयाणं भंते ! केवइया ओरालियसरीरा पण्णत्ता ? गोयमा ! दुविहा पण्णत्ता । तंजहा-बद्धलया य १ मुक्केल्या य २ । एवं जहा ओहिया ओरालियसरीरा तहा भाणियव्वा । पुढविकाइयाणं भंते ! केवइया वेउव्वियसरीरा पण्णत्ता ? गोयमा ! दुविहा पण्णत्ता। तंजहा-बद्धेल्लया य १ मुक्केल्लया य २ । तत्थ णं जे ते बद्धेल्लया ते णं णत्थि । मुक्केल्लया जहा ओहियाणं ओरालियसरीरा तहा भाणियव्वा । आहारगसरीरा वि एवं चेव भाणियव्वा । तेयगकम्मसरीरा जहा एएसिं चेव ओरालियसरीरा तहा भाणियव्वा । जहा पुढविकाइयाणं एवं आउकाइयाणं तेउकाइयाण य सव्वसरीरा भाणियव्वा । वाउकाइयाणं भंते ! केवइया ओरालियसरीरा पण्णत्ता ? गोयमा ! दुविहा पण्णत्ता। तंजहा-बद्धेल्या य १ मुक्केलया य २ । जहा पुढविकाइयाणं ओरालियसरीरा तहा भाणियव्वा । वाउकाइयाणं० केवइया वेउब्धियसरीरा पण्णत्ता ? गोयमा ! दुविहा पण्णत्ता । तंजहाबद्धलगा य १ मुक्केलगा य २ । तत्थ णं जे ते बद्धलगा ते णं असंखिजा, समए समए अवहीरमाणा खेत्तपलिओवमस्स असंखिजइभागमेत्तेणं कालेणं अवहीरंति, नो चेव णं अवहिया सिया। मुक्केलगा वेउव्वियसरीरा आहारगसरीरा य जहा पुढविकाइयाणं तहा भाणियव्वा । तेयगकम्मसरीरा जहा पुढविकाइयाणं तहा भाणियव्वा । वणस्सइकाइयाणं ओरालियवेउव्वियआहारगसरीरा जहा पुढविकाइयाणं तहा भाणियव्वा । वणस्सइकाइयाणं भंते ! केवइया तेयगसरीरा पण्णत्ता ? गोयमा दुविहा पण्णत्ता । जहा ओहिया तेयगकम्मसरीरा तहा वणस्सइकाइयाण वि तेयगकम्मगसरीरा भाणियव्वा । बेइंदियाणं भंते ! केवइया ओरालियसरीरा पण्णत्ता ? गोयमा ! दुविहा पण्णत्ता । तंजहा-बधेल्या य १ मुकेल्लया य २ । तत्थ णं जे ते बलिया ते णं असंखिजा, असंखिज्जाहिं उस्स प्पिणी
ओसप्पिणीहिं अवहीरंति कालओ, खेत्तओ असंखेज्जाओ सेढीओ पयरस्स असंखिजइभागो, तासि णं सेढीणं विक्खंभसूई असंखेजाओ जोयणकोडाकोडीओ, असंखिजाई सेढिवग्गमूलाई, बेइंदियाणं ओरालियबद्धेल्लएहिं पयरं अवहीरइ असंखिज्जाहिं उस्सप्पिणीओसप्पिणीहिं कालओ, खेत्तओ अंगुलपयरस्स आवलियाए असंखिज्जइभागपडिभागेणं । मुक्केलया जहा ओहिया ओरालियसरीरा तहा भाणियव्वा । वेउव्वियआहारगसरीरा बद्धेल्लया नत्थि । मुक्केलया जहा ओहिया ओरालियसरीरा तहा भाणियव्वा । तेयगकम्मगसरीरा जहा एएसिं चेव ओरालियसरीरा तहा भाणियव्वा । जहा बेइंदियाणं तहा तेइंदियचउरिंदियाण वि भाणियव्वा । पंचिंदियतिरिक्खजोणियाण वि ओरालियसरीरा एवं चेव भाणियव्वा । पंचिंदियति
