________________
[ अणुओगदारसुतं
सरीरंगोवंगबंधणसंघायणसंघयणसंठाणअणेगबोंदिविंदसंघायविप्पमुक्के, खीगसुभणामे, खीणअसुभणामे, अणामे, निण्णामे, खीणणामे, सुभासुभणामकम्मविप्पमुक्के; खीणउच्च गए, खीणणीयागोए, अगोए, निग्गोए, खीणगोए, उच्चणीयगोत्तकम्मविप्पमु के; खीणदाणंतराए, खीणलाभंतराए, खीणभोगंतराए, खीणउवभोगंतराए, खीणवीरयंतराए, अनंतराए, निरंतराए, खीणंतराएं, अंतरायकम्मविप्पमुक्केः सिद्धे, बुद्धे, मुत्ते, परिणिव्वुए, अंतगडे, सव्वदुक्खप्पहीणे । सेत्तं खयनिप्पण्णे । सेत्तं खइए । से किं तं खओवसमिए ? खओवसमिए दुविहे पण्णत्ते । तंजहा - खओवसमे य १ खओवसमनिप्फण्णे य २ । से किं तं खओवस मे ? खओवसमे - चउन्हं घाइकम्माणं खओवसमेणं, तंजहा - णाणावर णिज्जस्स १ दंसणावरणिजस्स २ मोहणिज्जस्स ३ अंतरायस्स खओवसमेणं ४ । सेत्तं खओवसमे । से किं तं खओवसमनिप्फण्णे ? खओवसमनिप्फण्णे अणेगविहे पण्णत्ते । तंजहा - खओवसमिया आभिणिबोहियणाणलद्वी जाव खओवसमिया मणपज्जवणाणलद्धी, खओवसमिया मइअण्णा गलद्धी, खओवसमिया सुयअण्णाणलद्धी, खओवसमिया विभंगणाणलद्धी, खओवसमिया चक्बुदंसणलद्धी, खओवसमिया अचक्खुदंसणलद्धी, खओवसमिया ओहिदंसणलद्धी, एवं सम्म दंसणलद्धी मिच्छादंसणलद्धी सम्ममिच्छादंसणलद्धी, खओवसमिया सामाइयचरितलद्धी, एवं छेदोवट्ठावणलद्धी परिहारविसुद्धियलद्धी सुहुमसंपरायचरित्तलद्धी, एवं चरित्ताचरित्तलद्धी, खओवसमिया दाणलद्धी, एवं लाभलद्धी भोगलद्धी उवभोगलद्धी, खओवसमिया वीरियलद्वी, एवं पंडियवीरियलद्वी बालवीरियलद्वी बालपंडियवीर - यलद्धी, खओवसमिया सोइंदियलद्वी जाव फासिंदियलद्धी, खओवसमिए आयारंगधरे, एवं सुयगडंगधरे ठाणंगधरे समवायंगधरे विवाहपण्णत्तधरे णायाधम्मक हावरे उवासगदसा • अंतगडदसा० अणुत्तरोववाइयदसा • पण्हावागरणधरे विवागसुयधरे, खओवसमिए दिट्टिवायधरे, खओवस मिए णवपुव्वी जाव चउद्दसमुब्बी, खओवसमिए गणी, खओवसमिए वायए । सेत्तं खओवसमनिप्फण्णे । सेत्तं खओत्रसमिए । से किं तं पारिणामिए ? पारिणामिए दुविहे पण्णत्ते । जहा - साइपारिणामिए य १ अणाइपारिणामिए य २ । से किं तं साइपारिणामिए ? साइपारिणामिए अगविहे पण्णत्ते । जहा - गाहा - जुण्णसुरा जुण्णगुलो, जुण्णघयं जुण्णतंदुला चेव । अब्भा य अब्भरुक्खा, सण्णा गंधव्वणगरा य ॥ १ ॥ उक्कावाया, दिसादाहा, गज्जियं, विज्जू, णिग्घाया, जूवया, जक्खादित्ता, धूमिया, महिया, रउग्धाया, चंदोवरागा, सूरोवरागा, चंदपरिवेसा, सूरपरिवेसा, पडिचंदा, पडिसूरा, इंदवणू, उदगमच्छा, कविहसिया, अमोहा, वासा, वासधरा, गामा, णगरा, घरा, पव्वया,
०
१११२
