________________
सुत्तागमे
[अणुओगदारसुत्तं होजा, असंखेजइभागे होजा, नो संखेजेसु भागेसु होज्जा, नो असंखेजेसु भागेसु होजा । एवं अवत्तव्वगदव्वाणि वि भाणियव्वाणि ॥ ८८ ॥ णेगमववहाराणं आणुपुव्वीदव्वाइं कयरंमि भावे होजा ? किं उदइए भावे होज्जा ? उवसमिए भावे होजा ? खइए भावे होजा ? खओवसमिए भावे होज्जा ? पारिणामिए भावे होजा ? सन्निवाइए भावे होज्जा ? णियमा साइपारिणामिए भावे होज्जा । अणाणुपुव्वीदव्वाणि अवत्तव्वगदव्वाणि य एवं चेव भाणियब्वाणि ॥ ८९ ॥ एएसिं भंते ! णेगमववहाराणं आणुपुव्वीदव्वाणं अणाणुपुव्वीदव्वाणं अवत्तव्वगदव्वाण य दव्वठ्ठयाए पएसठ्ठ. याए दव्वट्ठपएसट्टयाए कयरे कयरेहितो अप्पा वा बहुया वा तुला वा विसेसाहिया वा ? गोयमा! सव्वत्थोवाइं गमववहाराणं अवत्तव्वगदव्वाई दव्वट्ठयाए, अणाणुपुव्वीदव्वाइं दव्वट्ठयाए विसेसाहियाई, आणुपुव्वीदव्वाइं दव्वट्ठयाए असंखेजगुणाई। पएसठ्ठयाए-णेगमववहाराणं सव्वत्थोवाइं अणाणुपुत्वीदव्वाइं पएसट्टयाए, अवत्तव्यगदव्वाइं पएसट्टयाए विसेसाहियाई, आणुपुत्वीदव्वाइं पएसठ्ठयाए अणंतगुणाई। दव्वट्ठपएसट्ठयाए-सव्वत्थोवाइं णेगमववहाराणं अवत्तव्वगदव्वाइं दव्वयाए, अणाणुपुव्वीदव्वाइं दव्वट्ठयाए अपएसठ्ठयाए विसेसाहियाई, अवत्तव्वगदव्वाइं पएसट्टयाए विसेसाहियाई, आणुपुत्वीदव्वाइं दव्वट्ठयाए असंखेजगुणाई, ताई चेव पएसट्टयाए अणंतगुणाई । सेत्तं अणुगमे । सेत्तं णेगमववहाराणं अणोवणिहिया दव्वाणुपुव्वी ॥ ९० ॥ से किं तं संगहस्स अणोवणिहिया दव्वाणुपुव्वी ? संगहस्स अणोवणिहिया दव्वाणुपुव्वी पंचविहा पण्णत्ता । तंजहा-अट्ठपयपरूवणया १ भंगसमुक्त्तिणया २ भंगोवदंसणया ३ समोयारे ४ अणुगमे ५॥ ९१ ॥ से किं तं संगहस्स अट्टपत्यपरूवणया ? संगहस्स अट्ठपयपख्वणया-तिपएसिए आणुपुव्वी, चउप्पएसिए आणुपुव्वी जाव दसपएसिए आणुपुव्वी, संखिजपएसिए आणुपुव्वी, असंखिजपएसिए आणुपुव्वी, अणंतपएसिए आणुपुव्वी, परमाणुपोग्गले अणाणुपुव्वी, दुपएसिए अवत्तव्वए । सेत्तं संगहस्स अट्ठपयपरूवणया ॥ ९२ ॥ एयाए णं संगहस्स अट्ठपयपरूवणयाए किं पओयणं ? एयाए णं संगहस्स अट्ठपयपरूवणयाए भंगसमुक्तित्तणया कजइ । से किं तं संगहस्स भंगसमुक्त्तिणया ? संगहस्स भंगसमुक्त्तिणया-अस्थि आणुपुत्वी १ अत्थि अणाणुपुव्वी २ अत्थि अवत्तव्वए ३ अहवा अत्थि आणुपुव्वी य अणाणुपुव्वी य ४ अहवा अत्थि आणुपुव्वी य अवत्तव्वए य ५ अहवा अस्थि अणाणुपुव्वी य अवत्तव्वए य ६ अहवा अत्थि आणुपुव्वी य अणाणुपुवी य अवत्तव्वए य ७ एवं सत्तभंगा । सेत्तं संगहस्स भंगसमुक्त्तिणया। एयाए णं संगहस्स भंगसमुक्त्तिणयाए किं पओयणं ? एयाए णं संगहस्स भंगसमुक्त्तिणयाए भंगोवदं
