________________
णमोऽत्थु णं समणस्स भगवओ णायपुत्तमहावीरस्स
सुत्तागमे
तत्थ णं
अणुओगदारसुत्तं नाणं पंचविहं पण्णत्तं । तंजहा—आभिणिबोहियनाणं १ सुयनाणं २ ओहिनाणं ३ मणपज्जवनाणं ४ केवलनाणं ५॥ १ ॥ तत्थ चत्तारि नाणाई ठप्पाइं ठवणिज्जाई, णो उद्दिसिज्जति,' णो समुद्दिसिजंति, णो अणुण्णविनंति । मुयनाणस्स उद्देसो, समुद्देसो, अणुण्णा, अणुओगो य पवत्तइ ॥ २ ॥ जइ सुयनाणस्स उद्देसो, समुद्देसो, अणुण्णा, अणुओगो य पवत्तइ, किं अंगपविट्ठस्स उद्देसो, समुद्देसो, अणुण्णा, अणुओगो य पबत्तइ ? किं अंगबाहिरस्स उद्देसो, समुद्देसो, अणुण्णा, अणुओगो य पवत्तइ ? अंगपविट्ठस्स वि उद्देसो जाव पवत्तइ, अणंगपविट्ठस्स वि उद्देसो जाव पवत्तइ । इमं पुण पठ्ठवणं पडुच्च अणंगपविट्ठस्से अणुओगो ॥ ३ ॥ जइ अणंगपविठ्ठस्स अणुओगो, किं कालियस्स अणुओगो ? उकालियस्स अणुओगो ? कालियस्स वि अणुओगो, उक्कालियस्स वि अणुओगो । इमं पुण पढवणं पडुच्च उकालियस्स अणुओगो ॥ ४ ॥ जइ उकालियस्स अणुओगो, किं आवस्सगस्स अणुओगो ? आवस्सगवरित्तस्स अणुओगो ? आवस्सगस्स वि अणुओगो, आवस्सगवदरित्तस्स वि अणुओगो। इमं पुण पट्ठवणं पड्डुच आवस्सगस्स अणुओगो ॥ ५ ॥ जइ आवस्तगस्स अणुओगो, किं णं अंगं ? अंगाई ? सुयखंधो ? सुयखंधा ? अज्झयणं ? अज्झयणाई ? उद्देसो ? उद्देसा ? आवस्यं णं नो अंगं, नो अंगाई, सुयखंधो, नो मुयखंधा, नो अज्झयणं, अज्झयणाई, नो उद्देसो, नो उद्देसा ॥ ६ ॥ तम्हा आवस्मयं निक्खिविस्सामि, सुयं निक्सिविस्सामि, खंध निक्खिविस्सामि, अज्झयणं निविखविस्सामि । गाहा-जत्थ य जं जाणेजा, निक्वेवं निक्खिवे निरवसेसं । जत्थ वि य न जाणेजा, चउकगं निक्खिये तत्थ ॥१॥ ७ ॥ से किं नं आवस्मयं ? आवस्मयं चम्विहं पण्णनं । तंजहानामावस्मयं १ ठवणावस्मयं २ दव्यावस्सयं ३ भावावस्मयं ४ ॥ ८ ॥ से किं तं नामावस्मयं ? नामावस्मयं---
पाढतरं-१ उद्दिसति । २ समुद्दिति । ३ अंगबाहिरस्स वि । ४ अंगवाहिरस्स । ५ अंगवाहिरस्स । ६ आवस्मयं किं । ७ आवस्सयस्त ।
