________________
सुत्तागमे
[ नंदीसुतं
जणुग्गहे । सेत्तं वंजणुग्गहे ॥ २९ ॥ से किं तं अत्युग्गहे ? अत्युग्गहे छव्विहे पण्णत्ते, तंजहा—सोइंदियअत्युग्गहे, चक्खिदिय अत्थुग्गहे, घाणिदियअत्थुग्गहे, जिन्भिदियअत्युग्गहे, फासिंदियअत्युग्गहे, नोइंदियअत्युग्गहे ॥ ३० ॥ तस्स णं इमे एगट्टिया नाणाघोसा नाणावंजणा पंच नामधिज्जा भवंति, तंजहा-ओगेण्हणया, उवधारणया, सर्वणया, अवलंबणया, मेहा । सेत्तं उग्गहे ॥ ३१ ॥ से किं तं ईहा ? हा छव्विहा पण्णत्ता, तंजहा- सोइंदियईहा, चक्खिदियईहा, घाणिदियईहा, जिब्भिदियईहा, फासिंदियईहा, नोइंदियईहा । तीसे णं इमे एगडिया नाणाघोसा नाणावंजणा पंच नामधिज्जा भवंति, तंजहा - आभोगणया, मग्गणया, गवेसणया, चिंता, वीमंसा । सेत्तं ईहा ॥ ३२ ॥ से किं तं अवाए ? अवाए छव्विहे पण्णत्ते, तंजहा-सोइंदियअवाए, चक्खिदियअवाए, घाणिंदियअवाए, जिब्भिदियअवाए, फासिंदियअवाए, नोइंदियअवाए । तस्स णं इमे एगट्टिया नाणाधोसा नाणाचंजणा पंच नामधिज्जा भवन्ति, तंजहा-आउट्टणया, पच्चाउट्टणया, अवाए, बुद्धी, विष्णाणे । सेत्तं अवाए ॥ ३३ ॥ से किं तं धारणा ? धारणा छव्विहा पण्णत्ता, तंजहासोइंदियधारणा, चक्खिदियधारणा, घाणिदियधारणा, जिब्भिदियधारणा, फासिंदि - यधारणा, नोइंदियधारणा । तीसे णं इमे एगट्टिया नाणाघोसा नाणावंजणा पंच नामधिज्जा भवंति, तंजहा - धारणा, साधारणा, ठवणा, पट्टा, कोट्ठे । सेत्तं धारणा ॥ ३४ ॥ उग्गहे इक्कसमइए, अंतोमुहुत्तिया ईहा, अंतोमुहुत्तिए अवाए, धारणा संखेज्जं वा कालं असंखेजं वा कालं ॥ ३५ ॥ एवं अट्ठावीसइविहस्स आभिणिवो - हियमाणस्स वंजणुग्गहस्स परूवणं करिस्सामि पडिबोहगदिहंतेणं, मलगदितेण य । से किं तं पडिबोहगदितेणं ? पडिवोहगदितेणं से जहानामए केइ पुरिसे कंचि पुरिसं सुत्तं पडिवोहिजा, अमुगा अमुगत्ति, तत्थ चोयगे पन्नवयं एवं वयासी-किं एगसमयपविट्ठा पुग्गला गहणमागच्छंति ? दुसमयपविद्वा पुग्गला गहणमागच्छंति जाव दससमयपविट्ठा पुग्गला गहणमागच्छंति ? संखिज्जसमयपविद्वा पुग्गला गहण मागच्छंति ? असंखिज्जसमयपविट्ठा पुग्गला गहणमागच्छंति ?, एवं वयंतं atri पण्णव एवं वयासी - नो एगसमयपविट्ठा पुग्गला गहणमागच्छंति, नो दुसमयपविट्ठा पुग्गला गहणमागच्छंति जाव नो दससमयपविट्ठा पुग्गला गहणमागच्छंति, नो संखिज्जसमयपविट्ठा पुग्गला गहणमागच्छंति, असंखिज्जसमयपविद्वा पुग्गला गहणमागच्छंति, सेत्तं पडिबोहगदितेणं । से किं तं मलगदितेणं ? मलगदिनं तेणं से जहानामए केइ पुरिसे आवागसीसाओ मल्लगं गहाय तत्थेगं उदगबिंदुं पक्खेविज्जा, से नट्ठे, अण्णेवि पक्खित्ते, सेऽवि नट्ठे, एवं पक्खिप्पमाणेसु पक्खिप्पमाणेसु
१०७०
