Suttagame 02

SR No.: 010591
Original Sutra Author: N/A
Author: Fulchand Maharaj
Publisher: Sutragam Prakashan Samiti
Publication Year: 1954
Total Pages: 1300
Language: Prakrit
Classification: Book_Devnagari, Agam, Canon, agam_aupapatik, agam_rajprashniya, agam_jivajivabhigam, agam_pragyapana, agam_suryapragnapti, agam_chandrapragnapti, agam_jambudwipapragnapti, & agam_ni
File Size: 93 MB

Page 1106

अ० २९ वायणाफलं]
सुत्तागमे
१०३१
निजरेइ ॥५॥ निंदणयाए णं भंते ! जीवे किं जणयइ ? निंदणयाए णं पच्छाणुतावं जणयइ । पच्छाणुतावेणं विरज्जमाणे करणगुणसेढिं पडिवज्जइ । करणगुणसेढीपडिवन्ने य णं अणगारे मोहणिज कम्मं उग्घाएइ ॥ ६ ॥ गरहणयाए णं भंते ! जीवे किं जणयइ ? गरहणयाए णं अपुरस्कार जणयइ । अपुरकारगए णं जीवे अप्पसत्थेहितो जोगेहिंतो नियत्तेइ, पसत्थे य पडिवज्जइ। पसत्थजोगपडिवन्ने य णं अणगारे अणंतघाइपज्जवे खवेइ ॥ ७ ॥ सामाइएणं भंते ! जीवे किं जणयइ ? सामाइएणं सावजजोगविरइं जणयइ॥८॥चउव्वीसत्थएणं भंते ! जीवे किं जणयइ ? चउव्वीसत्थएणं दसणविसोहिं जणयइ ॥ ९ ॥ वंदणएणं भंते ! जीवे किं जणयइ ? वंदणएणं नीयागोयं कम्म खवेइ । उच्चागोयं कम्मं निबंधइ । सोहग्गं च णं अपडिहयं आणाफलं निव्वत्तेइ । दाहिणभावं च णं जणयइ ॥ १० ॥ पडिक्कमणेणं भंते ! जीवे किं जणयइ ? पडिक्कमणेणं वयछिद्दाणि पिहेइ । पिहियवयछिद्दे पुण जीवे निरुद्धासवे असबलचरित्ते अट्ठसु पबयणमायासु उवउत्ते अपुहत्ते सुप्पणिहिए विहरइ ॥ ११ ॥ काउस्सग्गेणं भंते ! जीवे किं जणयइ ? काउस्सग्गेणं तीयपडप्पन्नं पायच्छित्तं विसोहेइ । विसुद्धपायच्छित्ते य जीवे निव्वुयहियए ओहरियभरुव्ब भारबहे पसत्यशाणोवगए सुहमुहेणं विहरइ ॥ १२ ॥ पञ्चक्खाणेणं भंते ! जीवे किं जणयइ ? पच्चक्खाणेणं आसवदाराइं निरंभइ । पखाणेणं इच्छानिरोहं जणयइ। इच्छानिरोहं गए य णं जीवे सब्बदव्येनु विणीयतण्हे सीइभए विहरइ ॥ १३ ॥ थवथुइमंगलेणं भंते ! जीवे किं जणयइ ? थवथुइमंगलेणं नाणदंसणचरित्तबोहिलाभं जणयइ। नाणदंसणचरितबोहिलाभसंपन्ने य णं जीवे अंतकिरियं कम्पविमाणोववत्तियं आराहणं आराहेइ ॥ १४ ॥ कालपटिलेहणयाए णं भंते ! जीवे कि जणयइ ? कालपडिलेहणयाए णं नाणावरणिज कम्म खवेइ ॥ १५ ॥ पायच्छित्तकरणेणं भंते ! जीवे किं जणयइ ? पायच्छित्तकरणणं पावकम्मविसोहिं जणयइ, निरझ्यारे यावि भवद । सम्मं च णं पायच्छित्तं पडिबजमाणे मग्गं च मग्गफलं च विसोहेइ, आयारं च आयारफलं च आराहेइ ॥ १६ ॥ खमावणयाए णं भंते ! जीव किं जणयह ? खमा. वणयाए णं पल्हायणभावं जणयइ । पल्हायणभावमुबगए य सव्वपाणभूयजीवसत्तेमु मित्तीभावमुपाएइ । मित्तीभावमुवगा य जीवे भावविसोहि काऊण निभए भवद ॥ १७ ॥ सज्झाएणं भंते ! जीवे कि जणग्रह ? समाएणं नाणावरणिज कम्म खवेइ ॥ १८ ॥ वायणाए णं भंते ! जावे कि जणयद ? वायणाए णं निजरं जणयइ । मयस्स य अणुसजणाए अणासायणाए वए । मुयस्स अणुसजणाए अणासायणाए वमाणे तित्थधम्म अवलंबइ । तित्ययम्मं अवलंबमाणे महानिजरे