________________
अंबडस्स लद्धी]
सुत्तागमे
कालं अणवकंखमाणाणं विहरित्तएत्तिका अण्णमण्णस्स अंतिए एयमढे पडिसुणंति अण्णमण्णस्स अंतिए० पडिसुणित्ता तिदंडए य जाव एगते एडेंति २ त्ता गंगं महाणइं ओगाहेंति २ त्ता वालुयासंथारयं संथरंति २ त्ता वालुयासंथारयं दुरुहंति २ त्ता पुरत्थाभिमुहा संपलियंकनिसन्ना करयल जाव कह एवं वयासी-णमोऽत्थु णं अरहंताणं जाव संपत्ताणं, नमोऽत्यु णं समणस्स भगवओ महावीरस्स जाव संपाविउकामस्स, नमोऽत्थु णं अम्मडस्स परिव्वायगस्स अम्हं धम्मायरियस्स धम्मोवएसगस्स, पुट्विं णं अम्हे अम्मडस्स परिव्वायगस्स अंतिए थूलगपाणाइवाए पच्चक्खाए जावज्जीवाए थूलए मुसावाए थूलए अदिण्णादाणे पञ्चक्खाए जावज्जीवाए सव्वे मेहुणे पच्चक्खाए जावजीवाए थूलए परिग्गहे पच्चक्खाए जावज्जीवाए इयाणिं अम्हे समणस्स भगवओ महावीरस्स अंतिए सव्वं पाणाइवायं पञ्चक्खामो जावजीवाए एवं जाव सव्वं परिग्गहं पच्चक्खामो जावजीवाए सव्वं कोहं माणं मायं लोहं पेज दोसं कलहं अब्भक्खाणं पेसुण्णं परपरिवायं अरइरई मायामोसं मिच्छादंसणसल्लं अकरणिज्ज जोगं पच्चक्खामो जावजीवाए सव्वं असणं पाणं खाइमं साइमं चउव्विहपि आहारं पच्चक्खामो जावज्जीवाए जंपि य इमं सरीरं इ8 कंतं पियं मणुण्णं मणामं थेजं वेसासियं संमयं बहुमयं अणुमयं भंडकरंडगसमाणं मा णं सीयं मा णं उण्हं मा णं खुहा मा णं पिवासा मा णं वाला मा णं चोरा मा णं दंसा मा णं मसगा मा णं वाइयपित्तियसंनिवाइयविविहा रोगायंका परीसहोवसग्गा फुसंतुत्तिकठ्ठ एयपि णं चरमेहिं ऊसासणीसासेहिं वोसिरामोत्तिक? संलेहणाझूसणाझूसिया भत्तपाणपडियाइक्खिया पाओवगया कालं अणवकंखमाणा विहरंति, तए णं ते परिवाया बहूइं भत्ताई अणसणाए छेदेन्ति छेदित्ता आलोइयपडिकता समाहिपत्ता कालमासे कालं किच्चा बंभलोए कप्पे देवत्ताए उववण्णा, तहिं तेसिं गई दससागरोवमाई ठिई पण्णत्ता, परलोगस आराहगा, सेसं तं चेव १३ ॥ ३८ ॥ बहुजणे णं भंते ! अण्णमण्णस्स एवमाइक्खइ एवं भासइ एवं परवेइ एवं खलु अंबडे परिव्वायए कंपिल्लपुरे णयरे घरसए आहारमाहरेइ, घरसए वसहिं उवेइ, से कहमेयं भंते ! एवं ? गोयमा ! जणं से बहुजणो अण्णमण्णस्स एवमाइक्खइ जाव एवं परूवेइ-एवं खलु अम्मडे परिव्वायए कंपिल्लपुरे जाव घरसए वसहिं उवेइ, सच्चे णं एसमढे, अहंपि णं गोयमा ! एवमाइक्खामि जाव एवं परूवेमि-एवं खलु अम्मडे परिव्वायए जाव वसहि उवेइ । से केणढेणं भंते ! एवं बुच्चइ-अम्मडे परिव्वायए जाव वसहिं उवेइ ? गोयमा! अम्मडस्स णं परिव्वाययस्स पगइभद्दयाए जाव विणीययाए छठंछटेणं अनिक्खित्तणं तवोकम्मेणं उर्दू बाहाओ पगिज्झिय २
