________________
सुत्तागमे
[दसवेयालियसुत्तं जो तं जीवियकारणा। वंतं इच्छसि आवेउं, सेयं ते मरणं भवे ॥ ७ ॥ अहं च भोगरायस्स, तं चऽसि अंधगवण्हिणो। मा कुले गंधणा होमो, संजमं निहुओ चर ॥ ८॥ जइ तं काहिसि भावं, जा जा दिच्छसि नारिओ। वायाविद्धोव्व हडो, अट्ठिअप्पा भविस्ससि ॥ ९ ॥ तीसे सो वयणं सोचा, संजयाइ सुभासियं । अंकुसेण जहा नागो, धम्मे संपडिवाइओ॥१०॥ एवं करेंति संबुद्धा, पंडिया पवियक्खणा। विणियति भोगेसु, जहा से पुरिसुत्तमो ॥ ११॥ त्ति-बेमि ॥ इति सामण्णपुव्वयं णाम दुइयमज्झयणं समत्तं ॥२॥
अह खुड्डियायारकहा णामं तइयमज्झयणं
-rosarcoसंजमे सुट्ठिअप्पाणं, विप्पमुक्काण ताइणं । तेसिमेयमणाइण्णं, निग्गंथाणं महेसिणं ॥१॥ उद्देसियं कीयगडं, नियागं अभिहडाणि य । राइभत्ते सिणाणे य, गंध मल्ले य वीर्यणे ॥ २॥ सन्निहीं गिहिमत्त य, रायपिंडे किमिच्छए। संवाही दंतपहोयणा य, संपुच्छणा देहपलोयणाँ य ॥ ३ ॥ अट्टाएँ य नालीए, छत्तस्सैं य धारणढाए । तेगिच्छे पाहणा पाए, समारंभं च जोइणो ॥ ४ ॥ सेज्जायरैपिण्डं च, आसंदीपलियंकएँ । गिहतरनिसेजों य, गायस्सुव्व?णाणि य ॥ ५ ॥ गिहिणो वेयविडियं, जा य आजीववत्तियों । तत्तानिव्वुडभोइत्तं, आउरस्सरणीणि य ॥ ६ ॥ मूलए सिंगबेरै य, उच्छुखंडे अनिव्वुडे । कंदै मूले य सच्चित्ते, फले बीए य आमए ॥ ७ ॥ सोवचले सिंधवे लोणे, रोमालोणे य आमए । सौमुद्दे पंसुखौरे य, कालीलोणे य आमए ॥ ८॥ धूवणेत्ति वमणे य, वत्थीकम्म विरेयणे । अंजणे दंतवणे य, गायभंग विभूसणे ॥ ९ ॥ सव्वमेयमणाइण्णं, निग्गंथाण महेसिणं। संजमम्मि य जुत्ताणं, लहुभूयविहारिणं ॥ १० ॥ पंचासवपरिणाया, तिगुत्ता छसु संजया। पंचनिग्गहणा धीरा, निग्गंथा उज्जुदंसिणो ॥ ११ ॥ आयावयंति गिम्हेसु, हेमंतेसु अवाउडा । वासासु पडिसंलीणा, संजया सुसमाहिया ॥ १२ ॥ परीसहरिऊदंता, धूयमोहा जिइंदिया । सव्वदुक्खप्पहीणट्ठा, पक्कमंति महेसिणो ॥ १३ ॥ दुक्कराई करित्ताणं, दुस्सहाई सहित्तु य । केइऽत्थ देवलोएसु, केइ सिझंति नीरया ॥ १४ ॥ खवित्ता पुव्वकम्माई, संजमेण तवेण य। सिद्धिमग्गमणुप्पत्ता, ताइणो परिणिव्वुडा ॥ १५॥ ति-बेमि ॥ इति खुड्डियायारकहा णामं तइयमज्झयणं समत्तं ॥३॥
-
-
