________________
सुत्तागमे .
[दसासुयक्खंधो विहारेणं विहरमाणे जहन्नेणं एगाहं वा दुयाहं वा तियाहं वा उक्कोसेणं नव मासे विहरेज्जा, से तं नवमा उवासगपडिमा ॥ १४८॥ अहावरा दसमा उवासगपडिमा-सव्वधम्मरुई यावि भवइ जाव उद्दिट्ठभत्ते से परिण्णाए भवइ, से णं खुरमुंडए वा सिहाधारए वा, तस्स णं आभट्ठस्स समाभट्ठस्स वा कप्पंति दुवे भासाओ भासित्तए, जहा-जाणं वा जाणं अजाणं वा णो जाणं, से णं एयारूवेणं विहारेणं विहरमाणे जहन्नेणं एगाहं वा दुयाहं वा तियाहं वा उक्कोसेणं दस मासे विहरेजा, से तं दसमा उवासगपडिमा ॥ १४९ ॥ अहावरा एकाद]कारसमा उवासगपडिमा-सव्वधम्मरुई यावि भवइ जाव उद्दिट्ठभत्ते से परिण्णाए भवइ, से णं खुरमुंडए वा लुत्तसिरए वा गहियायारभंडगनेवत्थे, जारिसे समणाणं निग्गंथाणं धम्मे पण्णत्ते । तंजहा-सम्मं काएण फासेमाणे पालेमाणे पुरओ जुगमायाए पेहमाणे दह्ण तसे पाणे उद्दु पाए री(रि)एजा, साहठ्ठ पाए रीएजा, तिरिच्छं वा पायं कुटु रीएज्जा, सइ परक्कमे जा,] संजयामेव परक्कमेजा, नो उज्जुयं गच्छेजा, केवलं से नायए पेजबंधणे अवोच्छिन्ने भवइ, एवं से कप्पइ नायविहिं वइत्तए ॥ १५० ॥ तत्थ से पुव्वागमणेणं पुव्वाउत्ते चाउलोदणे पच्छाउत्ते भिलिंगसूवे, कप्पइ से चाउलोदणे पडि[ग]गाहित्तए, नो से कप्पइ भिलिंगसूवे पडिग्गाहित्तए । तत्थ [णं] से पुव्वागमणेणं पुव्वाउत्ते भिलिंगसूवे पच्छाउत्ते चाउलोदणे, कप्पइ से भिलिंगसूवे पडिग्गाहित्तए, नो से कप्पइ चाउलोदणे पडिग्गाहित्तए। तत्थ से पुव्वागमणेणं दोवि पुवाउत्ताई कप्पंति दोवि पडिग्गाहित्तए । तत्थ से पच्छागमणेणं दोवि पच्छाउत्ताई णो से कप्पंति दोवि पडिग्गाहित्तए । जे से तत्थ पुव्वागमणेणं पुव्वाउत्ते से कप्पइ पडिग्गाहित्तए । जे से तत्थ पुव्वागसणेणं पच्छाउत्ते से नो कप्पइ पडिग्गाहित्तए ॥ १५१ ॥ तस्स णं गाहावइकुलं पिंडवायपडियाए अणुप्पविट्ठस्स कम्पइ एवं वइत्तए “समणोवासगस्स पडिमापडिवनस्स भिक्खं दलयह" तं चेव एयारूवेणं विहारेणं विहरमाणे णं केइ पासित्ता वइज्जा-"केइ आउसो ! तुमं वत्तव्वं सिया” “समणोवासए पडिमापडिवन्नए अहमंसीति' वत्तव्वं सिया, से णं एयारूवेणं विहारेणं विहरमाणे जहन्नेणं एगाहं वा दुयाहं वा तियाहं वा उक्कोसेणं एकारस मासे विहरेजा, ए(गा)कारसमा उवासगपडिमा ॥ १५२ ॥ एयाओ खल ताओ थेरेहिं भगवंतेहिं एक्कारस उवासगपडिमाओ पण्णत्ताओ॥ १५३ ॥ त्ति-बेमि ॥ छ(ट्ठी)हा दसा समत्ता ॥६॥
सत्त[मी]मा दसा सुयं मे आउसं! तेणं भगवया एवमक्खायं, इह खलु थेरेहिं भगवंतेहिं बारस.
