Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 998

९४६
सुत्तागमे
[ णायाधम्मकाओ
कोडुंवियमंतिमहामंतिगणगदोवा रियअमच्चचेडपीढमद्दनगरनिगमसेट्ठितेणावइसत्यवाहदूयसंधिवालसद्धिं संपरिवुडे धवलमहामेहनिग्गए विव गहगणदिप्पंतरिक्खतारागणाण मज्झे सति व्व पियदंसणे नरवई मज्जणघराओ पडिनिक्खमइ २ त्ता जेणेव बाहिरिया उवद्वाणसाला तेणेव उवागच्छइ २ त्ता सीहासणवरगए पुरत्याभिमुहे सन्निसणे । तए णं से सेणिए राया अप्पणो अदूरसामंते उत्तरपुरच्छिमे दिखीभाए अट्ठ भद्दासणाई सेयवत्यपच्चत्थुयाई सिद्धत्यमंगलोवयारकयसंतिक्रम्माई रयावेइ २ ता ( अप्पणो अदूरसामंते) नाणामणिरयणमंडियं अहियपेच्छणिजरूवं महग्घवरपट्टणुग्गयं सहबहुभत्तिसयचित्त (ट्ठा ) ठाणं ईहामियउसभतुरयनरमगरविहगवालगकिन्नररुल्सरभचमरकुंजरवणलयपउमलयभत्तिचित्तं सुखचियवरकणगपवरपेरंतदेसभागं अभितरियं जवणियं अंछावेइ २ त्ता अ (च्छ ) त्थरगमउ अमसूरगउच्छइयं धवलवत्थपचत्थुयं विसिहं अंगसुहफासयं सुमय्यं धारिणीए देवीए भद्दासणं यावेइ २ ता कोवियपुरिसे सहावेइ २ ता एवं वयासी - खिप्पामेव भो देवाणुप्पिया ! अहंगमहानिमित्तसुत्तत्थपाढए विविहसत्यकुसले सुमिणपाढए सद्दावेह २ त्ता एयमाणत्तिय खिप्पामेव पचप्पिह । तए णं ते कोडुंवियपुरिसा सेणिएणं रन्ना एवं चुत्ता संमाणा हट्ठतुट्ठ जाव हियया करयलपरिग्गहिय दसनहं सिरसावत्तं मत्थए अंजलिं कट्टु एवं देवो तहत्ति आणाए विणणं वयणं पडिसुर्णेति २ त्ता सेणियस्स रन्नो अंतियाओ पडिनिक्खमंत २ त्ता रायगिहस्स नयरस्स मज्यंमज्झेणं जेणेव सुमिणपाढगगिहाणि तेणेव उवागच्छंति २ त्ता सुमिणपाढए सद्दावेति । तए णं ते सुमिणपाढगा सेणियस्स रन्नो कोडुंवियपुरिसेहिं सच्ाविया समाणा हट्टतुट्ठ जाव हियया व्हाया अप्पमहग्घाभरणालंकियसरीरा हरिया लियसिद्धत्थयकयमुद्धाणा सएहिं सएहिं गिहेहिंतो पडिनिक्खमंत २त्ता रायगिहस्स नयरस्स मज्झमज्झेणं जेणेव सेणियम्स रण्णो भवणव (डे) डिंसगदुवारे तेणेव उवागच्छंति २ त्ता एगयओ मि (ल) लायंति २ त्ता सेणियस्स रन्नो भवणवडिंसगदुवारेणं अणुपविसंति २त्ता जेणेव बाहिरिया उवाणसाला जेणेव सेणिए राया तेणेव उवागच्छति २ त्ता सेणियं रायं जएणं विजएणं वद्धावेति, सेणिएणं रन्ना अच्चियवंदियपूइयमाणिय सक्कारियसम्माणिया समाणा पत्तेयं २ पुव्वन्नत्थेनु भद्दासणेसु निसीयंति । तए णं सेणिए राया जवणियंतरियं धारिणि देवि ठवे २ त्ता पुप्फफलपडिपुण्णहत्थे परेणं विणएणं ते सुमिणपाढए एवं वयासी - एवं खल देवाणुप्पिया ! धारिणी देवी अज्ज तंति तारिसगंसि सयणिज्जति जाव महासुमिणं पाक्षित्ता णं पडिबुद्धा, तं एवस्स णं देवाणुप्पिया ! उरालस्स जाव सस्सिरीयस्स महानुमिणस्स के मन्ने कहाणे फलवित्तिविसेसे भविस्सइ ? । तए णं ते सुमिणपाढगा