________________
९२८
सुत्तागमे
[भगवई
अणता वा उववजंति, दावरजुम्मतेओगेसु एकारस वा संखेजा वा असंखेजा वा अणंता वा उववजंति, दावरजुम्मदावरजुम्मेसु दस वा संखेज्जा वा असंखेजा वा अणंता वा उववजंति, दावरजुम्मकलिओगेसु नव वा संखेज्जा वा असंखेज्जा वा अगंता वा उववजंति, कलिओगकडजुम्मेसु चत्तारि वा संखेजा वा असंखेज्जा वा अणता वा उववनंति, कलिओगतेओगेसु सत्त वा संखेजा वा असंखेज्जा वा अणंता वा उववजति, कलिओगदावरजुम्मेसु छ वा संखेजा वा असंखेज्जा वा अणंता वा उववजति, झलिओगकलिओगएगिदिया णं भंते ! कओ उववजति ? उववाओ तहेव परिमाणं पंच वा संखेजा वा असंखेज्जा वा अणंता वा उववनंति सेस तहेव जाव अणंतखुत्तो । सेवं भंते ! सेवं भंते ! त्ति ॥ ८५५ ॥ ३५-१-१॥ पढमसमयकडजुम्म २ एगिदिया णं भंते ! कओ उववज्जति० ? गोयमा ! तहेव एवं जहेव पढमो उद्देसओ तहेव सोलसखुत्तो विइओवि भाणियव्वो, तहेव. सव्वं, नवरं इमाणि दस नाणत्ताणि-ओगाहणा जहन्नेणं अंगुलस्स असंखेज्जइ भागं उक्कोसेणवि अंगुलस्स असंखेज्जइभागं, आउयक्रम्मस्स नो वंधगा अवंधगा आउयस्स नो उदीरगा अणुदीरगा, नो उस्सासगा नो निस्सासगा नो उस्सासनिस्सासगा, सत्तविहबंधगा नो अट्ठविवंधगा। तेणं भंते ! पढमसमयकडजुम्म २एगिंदियत्ति कालओ केवच्चिरं होइ ? गोयमा ! एकं समयं, एवं ठिईएवि, समुग्घाया आइला दोन्नि, समोहया न पुच्छिति उव्वट्टणा न पुच्छिज्जइ, सेसं तहेव सव्वं निरवसेसं, सोलससुवि गमएसु जाव अणंतखुत्तो । सेवं भंते ! २ त्ति ॥ ८५६ ॥ ३५-१-२॥ अपढमसमयकडजुम्म २ एगिदिया णं भंते ! कओ उववज्जति०? एसो जहा पढमुद्देसो सोलसहिवि जुम्मेसु तहेव नेयम्बो जाव कलिओगकलिओगत्ताए जाव अणंतखुत्तो। सेवं भंते! २ ति॥३५-१-३॥ चरिमसमयकडजुम्म २ एगिंदिया णं भंते ! कओ उववजंति ? एवं जहेव पढमसमयउद्देसओ नवरं देवा न उववजति तेउलेस्सा न पुच्छिजति, सेसं तहेव । सेवं भंते ! सेवं भंते । त्ति ॥ ३५-१-४ ॥ अचरिमसमयकडजुम्म २ एगिंदिया णं भंते ! कओ उववजंति०? जहा (अ)पढमसमयउद्देसो तहेव निरवसेसो भाणियव्वो। सेवं भंते ! २ त्ति ॥ ३५-१-५॥ पढमपढमसमयकडजुम्म २ एगिदिया णं भंते ! कओ उववजति० ? जहा पढमसमयउद्देसओ तहेव निरवसेसं । सेवं भंते ! २ त्ति जाव विहरइ ॥ ३५-१-६॥ पढमअपढमसमयकडजुम्म २ एगिदिया णं भंते ! कओ उववति? जहा पढमसमयउद्देसओ तहेव भाणियव्यो । सेवं भंते ! २ त्ति ॥ ३५-१-७ ॥ पढमचरिमसमयकडजुम्म २ एगिंदिया णं भंते ! कओ
