________________
वि०प० स० ३४-१ उ०२] सुत्तागमे
९२३ पकरेंति, से केणटेणं भंते! एवं वुच्चइ अत्थेगइया तुलढिईया जाव वेमायविसेसाहियं कम्मं पकरेंति ? गोयमा ! एगिंदिया चउव्विहा पन्नत्ता, तंजहा-अत्थेगइया समाउया समोववनगा १, अत्थेगइया समाउया विसमोववन्नगा २, अत्थेगइया विसमाउया समोववन्नगा ३, अत्थेगइया विसमाउया विसमोववन्नगा ४ । तत्थ णं जे ते समाउया समोववनगा ते गं तुलढ़िईया तुल्लविसेसाहियं कम्मं पकरेंति १, तत्थ णं जे ते समाउया विसगोववन्नगा ते णं तुलट्ठिईया वेमायविसेसाहियं कम्म पकरेंति २, तत्थ णं जे ते विसमाउया समोववन्नगा ते णं वेमायट्टिईया तुलविसेसाहियं कम्मं पकरेंति ३, तत्थ णं जे ते विसमाउया विसमोववन्नगा ते णं वेमायढिईया वेमायविसेसाहियं कम्मं पकरेंति ४ । से तेणढेणं गोयमा ! जाव वेमायविसेसाहियं कम्मं पकरेति ॥ सेवं भंते । २ त्ति जाव विहरइ ॥ ८५० ॥ ३४-१-१॥ कइविहा णं भंते ! अगंतरोववन्नगा एगिदिया प० ? गोयमा ! पंचविहा अणं. तरोववन्नगा एगिदिया प०, तंजहा-पुढविकाइया दुयाभेदो जहा एगिदियसएसु जाव वायरवणस्सइकाइया य, कहिन्नं मंते ! अणंतरोववनगाणं वायरपुढविकाइयाणं ठाणा प० ? गोयमा ! सट्टाणेणं अट्ठमु पुढवीसु, तं०-रयणप्पभाए जहा ठाणपए जाच दीवेसु समुद्देसु एत्य णं अणतरोववन्नगाणं वायरपुढविकाइयाणं ठाणा प०, उववाएणं सव्वलोए समुग्धाएणं सव्वलोए सट्ठाणेणं लोगस्स असंखेजइभागे, अणंतरोववन्नगसहुमपुढविकाइया णं एगविहा अविसेसमणाणत्ता सव्वलोए परियावन्ना प० समणाउसो!, एवं एएणं कमेणं सव्चे एगिदिया भाणियव्वा, सट्ठा(णेणं)णाई सव्वेसि जहा ठाणपए तेसिं पजत्तगाणं वायराणं उववायसमुग्घायसहाणाणि जहा तेसिं चेव अपज्जत्तगाणं, बायराणं सुहुमाणं सव्वेसि जहा पुढविकाइयाणं भणिया तहेव भाणियव्वा जाव वणस्सइकाइयत्ति । -अणंतरोववन्नगसुहुमपुढविकाइयाणं भते ! कइ कम्मप्पगडीओ प० ? गोयमा ! अट्ठ कम्मप्पगडीओ पन्नत्ताओ एवं जहा एगिदियसएसु अणंतरोववन्नगउद्देसए तहेव पन्नत्ताओ तहेव वंधति तहेव वेदेति जाव अणतरोववनगा वायरवणस्सइकाइया । अणंतरोववन्नगएगिंदिया णं भंते । कओ उववज्जति० ? जहेव ओहिए उद्देसओ भणिओ तहेव । अणंतरोववन्नगएगिदियाणं भंते ! कइ समुग्घाया प० ? गोयमा ! दोन्नि समुग्घाया प०, तं०-यणासमुग्घाए य कसायसमुग्घाए य । अणंतरोववन्नगएगिदिया णं भंते ! कि तुल्लढ़िईया तुलविसेसाहियं कम्मं पकरेंति पुच्छा तहेव, गोयमा । अत्थेगइया तुलहिईया तुल्लविसेसाहियं कम्मं पकरेति अत्थेगइया तुल्लट्ठिया वेमायविसेसाहियं कम्मं पकरेति, से केणटेणं भंते ! जाव वेमायविसेसाहियं कम्मं पकरेंति ? गोयमा ! अणंतरोववन्नगा एगि
