________________
वि० प० स० ३४-१ उ० १] सुत्तागमे
९२१ पजत्तएसु य सुहुमवणस्सइकाइएसु अपज्जत्तएसु पजत्तएसु य वारससुवि ठाणेसु एएणं चेव कमेणं भाणियव्यो, सुहुमपुडविकाइओ (अ)पज्जत्तओ एवं चेव निरवसेसो वारसमुवि ठाणेसु उववाएयचो २४, एवं एएगं गमएणं जाव सुहुमवणस्सइकाइओ पजत्तओ सुहुमवणस्सइकाइएमु पज्जत्तएसु चेव भाणियव्वो ॥ अपजत्तसुहमपुढविकाइए णं भंते ! लोगस्स पुरच्छिमिल्ले चरिमते समोहए २ ता जे भविए लोगस्स दाहिणिल्ले चरिमंते अपज्जत्तसुहुमपुढविकाइएसु उववजित्तए से णं भंते | कइसमइएणं विग्गहेणं उववजेज्जा ? गोयमा ! दुसमइएण वा तिसमइएण वा चउसमइएण वा विग्गहेणं उववजेजा, से केणतुणं भते ! एवं वुच्चइ० ? एवं खलु गोयमा । मए सत्त सेढीओ पन्नत्ताओ, तंजहा-उजुआयया जाव अद्धचक्कवाला, एगओवंकाए सेढीए उववजमाणे दुसमइएणं विग्गहेणं उववजेजा दुहओवकाए सेढीए उववजमाणे जे भविए एगपयरंसि अणुसेढी(ए)ओ उववजित्तए से णं तिसमइएणं विग्गहेणं उववज्जेजा जे भविए विसे (ढीओ)ढिं उववजित्तए से णं चउसमइएणं विग्गहेगं उववजेजा से तेणटेणं गोयमा!०, एवं एएण गमएणं पुरच्छिमिल्ले चरिमते समोहए दाहिणिल्ले चरिमंते उववाएयव्बो जाव सुहुमवणस्सइकाइओ पज्जत्तओ सुहुमवणस्सइकाइएसु पजत्तएसु चेव, सव्वेसिं दुसमइओ तिसमइओ चउसमइओ विग्गहो भाणियव्वो। अपजत्तमुहमपुढविकाइए णं भंते ! लोगस्स पुरच्छिमिल्ले चरिमते समोहए २ ता जे भविए लोगस्स पञ्चच्छिमिल्ले चरिमंते अपज्जत्तसुहुमपुढविकाइयत्ताए उववजित्तए से णं भंते ! कइसमइएणं विग्गहेणं उववजेजा ? गोयमा । एगसमइएण वा दुसमइएण वा तिसमइएण वा चउसमइएण वा विग्गहेणं उववजेज्जा, से केणटेणं० ? एवं जहेव पुरच्छिमिल्ले चरिमंते समोहया पुरच्छिमिल्ले चेव चरिमंते उववाइया तहेव पुरच्छिमिल्ले चरिमंते समोहया पञ्चच्छिमिल्ले चरिमंते उववाएयव्वा सव्वे, अपज्जत्तसुहुमपुढविकाइए णं भंते ! लोगस्स पुरच्छिमिल्ले चरिमंते समोहए २ त्ता जे भविए लोगस्स उत्तरिल्ले चरिमंते अपजत्तसुहुमपुढविकाइयत्ताए उववजित्तए से णं भंते ! एवं जहा पुरच्छिमिल्ले चरिमंते समोहओ दाहिणिल्ले चरिमंते उववाइओ तहा पुरच्छिमिल्ले चरिमंते समोहओ उत्तरिल्ले चरिमंते उववाएयव्वो, अपजत्तसुहुमपुढविकाइए णं भंते ! लोगस्स दाहिणिल्ले चरिमते समोहए समोहणित्ता जे भविए लोगस्स दाहिणिल्ले चेव चरिमंते अपज्जत्तसुहुमपुढविकाइयत्ताए उववजित्तए एवं जहा पुरच्छिमिल्ले समोहओ पुरच्छिमिल्ले चेव उववाइओ तहेव दाहिणिल्ले समोहओ दाहिणिल्ले चेव उववाएयव्वो, तहेव निरवसेसं जाव सुहुमवणस्सइकाइओ पजत्तओ सुहुमवणस्सइकाइएसु चेव पजत्तएसु दाहिणिल्ले चरिमंते उववाइओ एवं दाहिणिल्ले
