________________
९०३
वि०प० स० २८ उ० २] सुत्तागमे पढमतइया भंगा, बेइंदियतेइंदियचउरिंदियाणं एवं चेव नवरं सम्मत्ते ओहिनाणे आभिणिवोहियनाणे सुयनाणे एएसु चउसुवि ठाणेसु तइओ भंगो, पंचिंदियतिरिक्खजोणियाणं सम्मामिच्छत्ते तइओ भंगो, सेसेसु पदेसु सव्वत्थ पढमतइया भंगा, मणुस्साणं सम्मामिच्छत्ते अवेदए अकसाइम्मि य तइओ भंगो, अलेस्स केवलनाण अजोगी य न पुच्छिति, सेसपदेसु सव्वत्थ पढमतइया भंगा, वाणमंतरजोइसियवेमाणिया जहा नेरइया । नाम गोयं अंतराइयं च जहेव नाणावरणिज तहेव निरवसेसं । सेवं भंते ! २ त्ति जाव विहरइ ॥ ८१६ ॥ छव्वीसइमे बंधिसए एयारहमो उद्देसो समत्तो ॥ छब्बीसइमं वधिसयं समत्तं ॥
जीवा णं भंते! पावं कम्मं किं करिंसु करेन्ति करिस्संति १, करिंसु करेंति न करिस्संति २, करिंसु न करेंति करिस्संति ३, करिसु न करेंति न करिस्संति ४ ? गोयमा ! अत्थेगइए करिंसु करेंति करिस्संति १, अत्थेगइए करिंसु करेंति न करिस्संति २, अत्थेगइए करिंसु न करेंति करिस्संति ३, अत्थेगइए करिंसु न करेंति न करिस्संति ४ । सलेस्से णं भंते ! जीवे पावं कम्मं एवं एएणं अभिलावणं जच्चेव बंधिसए वत्तव्वया सच्चेव निरवसेसा भाणियव्वा, तहेव नवदंडगसंगहिया एकारस उद्देसगा भाणियव्वा ॥ ८१७ ॥ सत्तावीसइम कारसुगसयं समत्तं ।।
जीवा णं भंते ! पावं कम्मं कहिं समजिणिंसु कहिं समायरिंसु ? गोयमा ! सव्वेवि ताव तिरिक्खजोणिएसु होजा १ अहवा तिरिक्खजोणिएसु य नेरइएसु य होजा २ अहवा तिरिक्खजोणिएसु य मणुस्सेसु य होजा ३ अहवा तिरिक्खजोणिएसु य देवेसु य होजा ४ अहवा तिरिक्खजोणिएसु य नेरइएसु य मणुस्सेसु य होजा ५ अहवा तिरिक्खजोणिएसु य नेरइएसु य देवेसु य होज्जा ६ अहवा तिरिक्खजोणिएसु य मणुस्सेसु य देवेसु य होज्जा ७ अहवा तिरिक्खजोणिएसु य नेरइएसु य मणुस्सेसु य देवेसु य होजा ८ । सलेस्सा णं भंते ! जीवा पावं कम्म कहिं समन्जिणिसु कहिं समायरिसु ? एवं चेव, एवं कण्हलेस्सा जाव अलेस्सा, कण्हपक्खिया सुक्कपक्खिया एवं जाव अणागारोवउत्ता । नेरइया णं भंते ! पावं कम्म कहिं समन्जिणिंसु कहिं समायरिंसु ? गोयमा ! सव्वेवि ताव तिरिक्खजोणिएसु होजत्ति एवं चेव अट्ट भंगा भाणियव्वा, एवं सव्वत्थ अट्ठ भंगा, एवं जाव अणागारोवउत्तावि, एवं जाव वेमाणियाणं, एवं नाणावरणिजेणवि दंडओ; एवं जाव अंतराइएणं, एवं एए जीवादीयां वेमाणियपज्जवसाणा नव दंडगा भवंति । सेवं भंते ! २ ति जाव विहरइ ॥ ८१८ ॥ २८११॥ अणंतरोववन्नगा णं भंते ! नेरइया पावं कम्मं कहि समन्जिणिंसु कहिं समायरिंसु ? गोयमा! सव्वेवि ताव तिरिक्खजोणिएसु होजा,
