________________
वि०प० स० २५ उ० ७] सुत्तागमे चा उज्जाणेसु वा जहा सोमिलुद्देसए जाव सेजासंथारगं उवसंपज्जित्ताणं विहरइ, सेत्तं विवित्तसयणासणसेवणया, सेत्तं पडिसंलीणया, सेत्तं वाहिरए तवे १ ॥ से किं तं अन्भितरए त ? अभितरए तवे छविहे प०, तं०-पायच्छित्तं विणओ वेयावचं तहेव सज्झाओ। झाणं विउसग्गो । से कि तं पायच्छित्ते ? पायच्छित्ते दसविहे प०, तं०-आलोयणारिहे जाव पारंचियारिहे, सेत्तं पायच्छित्ते । से किं तं विणए ? विणए सत्तविहे पन्नत्ते, तंजहा-नाणविणए दंसणविणए चरित्तविणए मणविणए वइविणए कायविणए लोगोवयारविणए, से किं तं नाणविणए ? नागविणए पंचविहे प०, तं०आभिणिवोहियनाणविणए जाव केवलनाणविणए, सेत्तं नाणविणए, से कि तं दसगविणए ? दंसणविणए दुविहे प०, तं०-सुस्सूसणाविणए य अणञ्चासायणाविणए य, से किं तं सुस्सूसणाविणए ? सुस्सूसणाविणए अणेगविहे प०, तं०-सक्कारेइ वा सम्माऐइ वा जहा चउद्दसमसए तइए उद्देसए जाव पडिसंसाह(र)णया, सेत्तं सुस्सूसणारविणए, से किं तं अणच्चासायणाविणए ? अणच्चासायणाविणए पणयालीसइविहे प०, तं०-अरिहंताणं अणचासायणया अरिहंतपन्नत्तस्स धम्मस्स अणच्चासायणया आयरियाणं अणचासायणया उवज्झायाणं अणच्चासायणया थेराणं अणचासायणया कुलस्स अणञ्चासायणया गणस्स अणचासायणया संघस्स अणच्चासायणया किरियाए अणच्चासायणया संभोगस्स अणचासायणया आभिणिवोहियनाणस्स अणञ्चासायणया जाव केवलनाणस्स अणञ्चासायणया १५, एएसिं चेव भत्तिवहुमाणेणं एएसिं चेव वन्नसंजलणया, सेत्तं अणचासायणयाविणए, सेत्तं दसणविणए, से किं तं चरित्तविणए ? चरित्तविणए पंचविहे प०, तं०-सामाइयचरित्तविणए जाव अहक्खायचरित्तविणए, सेत्तं चरित्तविणए, से किं तं मणविणए ? मणविणए दुविहे प०, तं०-पसत्थमणविणए य अपसत्थमणविणए य, से किं तं पसत्थमणविणए ? पसत्थमणविगए सत्तविहे ५०, तंजहा-अपावए असावजे अकिरिए निरुवनेसे अणण्हयकरे अच्छविकरे अभूयाभिसंकणे, सेत्तं पसत्यमणविणए, से किं तं अपसत्थमणविणए ? अप्पसत्थमणविगए सत्तविहे प०, तं०-पावए सावजे सकिरिए सउवक्नेसे अण्हयकरे छविकरे भूयाभिसंकणे, सेत्तं अप्पसत्थमणविणए, सेत्तं मणविणए, से कि तं वइविणए ? वइविणए दुविहे प०, तं०-पसत्थवइविणए य अप्पसत्थवइविणए य, से किं तं पसत्थवइविणए? पसत्थवइविणए सत्तविहे प०, तं०-अपावए जाव अभूयाभिसंकणे, सेत्तं पसत्थवइविणए, से किं तं अप्पसत्थवइविणए ? अप्पसत्यवइविणए सत्तविहे प०, तं०-पावए सावजे जाव भूयाभिसंकणे, सेत्त अप्पसत्यवइविणए, से तं वइविणए, से किं त कायविणए ? कायविणए दुविहे प०, तं०-पसत्थकायविणए य अप्पसत्यकायविणए
