________________
।
-
वि०प० स० २५ उ०७] सुत्तागमे उकोसेणवि कोडिपुहुत्तं ॥ एएसि णं भंते ! सामाइयछेदोवठ्ठावणियपरिहारविसुद्धियसु. हुमसंपरायअहक्खायसंजयाणं कयरे २ जाव विसेसाहिया वा ? गोयमा । सव्वत्योवा सहुमसंपरायसंजया, परिहारविसुद्धियसंजया संखेजगुणा, अहक्खायसंजया संखेजगुणा, छेदोवट्ठावणियसंजया संखेजगुणा, सामाइयसंजया संखेजगुणा ३६ ॥७९॥ पडिसेवण दोसालोयणा य आलोयणारिहे चेन । तत्तो सामायारी पायच्छित्ते तवे चेक ॥१॥ कइविहा ण भंते ! पडिसेवणा प० ? गोयमा । दसविहा पडिसेवणा प०,तं०दम्प १ प्पमाद २ ऽणाभोगे ३, आउरे ४ आवती ५ ति य । संकिन्ने ६ सहसकारे, ७ भय ८ प्पओसा ९ य वीमंसा १० ॥१॥ दस आलोयणादोसा प०, तंजहाआकंपइत्ता १ अणुमाणइत्ता २ ज दिढे ३ वायरं च ४ सहुमं (च) वा ५। छन्नं ६ सद्दाउलयं ७ बहुजण ८ अव्वत्त ९ तस्सेवी १०॥ २ ॥ दसहिं ठाणेहिं संपन्ने अणगारे अरिहइ अत्तदोसं आलोइत्तए, तंजहा-जाइसंपन्ने १, कुलसंपन्ने २, विणयसंपन्ने ३, णाणसंपन्ने ४, सणसंपन्ने ५, चरित्तसंपन्ने ६, खंते ७, दंते ८, अमाई ९,अपच्छा. गुतावी १० । अहिं ठाणेहिं संपन्ने अणगारे अरिहइ आलोयणं पडिच्छित्तए, तंजहाआयारवं १,आहारवं २, ववहारवं ३, उव्वीलए ४, पकुव्वए ५, अपरिस्सावी ६, निजवए ७, अवायदंसी ८॥ ७९८ ॥ दसविहा सामायारी प०, तं०-इच्छा १ मिच्छा २ तहकारे ३,आवस्सिया य ४ निसीहिया ५ । आपुच्छणा य ६ पडिपुच्छा ७,छंदणा य ८ निमंतणा ९॥१॥ उवसंपया १० य काले, सामायारी भवे दसहा ॥ ७९९ ॥ दसविहे पायच्छित्ते प०, तं०-आलोयणारिहे पडिक्कमणारिहे तदुभयारिहे विवेगारिहे विउसग्गारिहे तवारिहे छेदारिहे मूलारिहे अणवठ्ठप्पारिहे पारंचियारिहे ॥ ८००॥ दुविहे तवे पन्नत्ते, तंजहा-वाहि(रि)रए य अभितरए य, से किं तं वाहिरए तवे ? वाहिरए तवे छव्विहे प०, तं०-अणसण ऊणोयरिया भिक्खायरिया य रसपरिचाओ । कायकिलेसो पडिसंलीणया (वज्झो तवो होइ) ॥१॥ से किं तं अणसणे ? अणसणे दुविहे प०, तं०-इत्तरिए य आवकहिए य, से कि तं इत्तरिए? इत्तरिए अणेगविहे पन्नत्ते, तंजहा-चउत्थे भत्ते छठे भत्ते अट्ठमे भत्ते दसमे भत्ते दुवालसमे भत्ते चउद्दसमे भत्ते अद्धमासिए भत्ते मासिए भत्ते दोमासिए भत्ते ते(ति)मासिए भत्ते जाव छम्मासिए भत्ते, सेत्तं इत्तरिए । से किं तं आवकहिए ? आवकहिए दुविहे प०,०-पाओवगमणे य भत्तपञ्चक्खाणे य,से कि तं पाओवगमणे ?' पाओवगमणे दुविहे प०, तं०-नीहारिमे य अणीहारिमे य निय(मा)मं अपडिक्कमे, से तं पाओवगमणे, से किं तं भत्तपच्चक्खाणे ? भत्तपञ्चक्खाणे दुविहे प०, तं०-नीहारिमे य अनीहारिमे य नियमं सपडिकमे, सेत्तं भत्तपन्चक्खाणे, सेत्तं आवकहिए, सेतं
