________________
भ०१-उ० ६]
सुत्तागमे चिठ्ठिजा, नो गाहावइकुलस्स चंदणिउयए चिठेजा, णो० सिणाणस्स वा वच्चस वा संलोए सपडिदुवारे चिठ्ठिज्जा णो गाहावइकुलस्स आलोयं वा थिग्गलं वा संधिं वा दगभवणं वा बाहाउ पगिज्झिय २ अंगुलियाए वा उद्दिसिय २ उण्णमिय २ अवनमिय २ णिज्झाइज्जा, णो गाहावई अंगुलियाए उद्दिसिय २ जाइजा, णो गाहावई अंगुलियए चालिय २ जाएजा, णो गाहावइं अंगुलियए तज्जिय २ जाएज्जा, णो गाहावई अंगुलियाए उक्खुलंपिय २ जाएजा, णो गाहावई वंदिय २ जाएज्जा, णो वयणं फरसं वइज्जा ॥ ५८० ॥ अह तत्थ कंचि भुंजमाणं पेहाए, तंजहा-गाहावई वा जाव कम्मकरिं वा से पुत्वामेव आलोइज्जा, “आउसो त्ति वा, भइणि त्ति वा दाहिसि मे एत्तो अन्नयरं भोयणजायं” से एवं वयंतस्स परो हत्थं वा मत्तं वा दव्वि वा भायणं वा सीओदगवियडेण वा, उसिणोदगवियडेण वा, उच्छोलेज वा, पहोएज्ज वा, से पुत्वामेव आलोएजा “आउसो त्ति, वा भइणित्ति वा, मा एयं तुम हत्थं वा, मत्तं वा, दव्चि वा, भायणं वा, सीओदगवियडेण वा उसिणोदगवियडेण वा, उच्छोलेहि वा पहोवेहि वा, अभिकंखसि मे दाउं एमेव दलयाहि" से सेवं वयंतस्स परो हत्यं वा (४) सीओदगवियडेण वा २ उच्छोलेत्ता पहोइत्ता आहट्ट दलएज्जा तहप्पगारेण पुरे कम्मकएणं हत्थेण वा (४) असणं वा (४) अफासुयं अणेसणिज्जं जाव- णो पडिगाहिज्जा, अह पुण एवं जाणिज्जा णो पुरेकम्मएणं उदउल्लेणं तहप्पगारेणं वा ससिणिद्धेण वा हत्थेण वा (४) असणं वा (४) अफासुयं जाव णो पडिगाहिजा अह पुण एवं जाणेजा णो उदउल्लेग ससिणिद्धणं सेसं तं चेव, एवं ससरक्खे, मट्टिया, ऊसे हरियाले, हिंगुलए, मणोसिला, अंजणे, लोणे, गेरुय, वन्निय, सेढिय, सोरठिय पिट्ठ कुक्कस उकुट्ट संसटेणं ॥ ५८१ ॥ अह पुण एवं जाणिज्जा, णो असंसद्धे, संसढे तहप्पगारेण संसटेण हत्थेण वा (४) असणं वा. (४) फासुयं जाव पडिगाहिजा ॥ ५८२ ॥ से भिक्खू वा (२) से जं पुण जाणेज्जा पिहुयं वा वहुरयं वा जाव चाउलपलंवं वा, असंजए भिक्खुपडियाए चित्तमंताए सिलाए जाव मक्कडासंताणाए कुर्दिसु वा,, कुट्टिति वा, कुट्टिस्संति वा, उप्फणिसु वा (३) तहप्पगारं पिहुयं वा, जाव चाउलपलंवं वा, अफासुयं जाव णो पडिगाहिज्जा ॥५८३॥ से भिक्खू वा (२) जाव समाणे से जं पुण जाणिज्जा विलं वा लोणं उब्भियं वा लोणं असंजए भिक्खुपडियाए चित्तमंताए सिलाए जाव संताणाए भिदिसु वा, भिदंति वा, भिंदिस्संति वा, रुच्चिसु वा (३) विलं वा लोणं उभियं वा लोणं अफासुयं जाव णो पडिगाहिज्जा ॥ ५८४ ॥ से भिक्खू वा जाव समाणे से जं पुण जाणेज्जा असणं वा (४) अगणिणिक्खित्तं तहप्पगारं
