________________
वि० ५० स० २५ उ०६]
सुत्तागमे
८७७
अन्नयरं पडिसेवेजा, उत्तरगुणपडिसेवमाणे दसविहस्स पच्चक्खाणस्स अन्नयरं पडिसेवेज्जा । वउसे णं पुच्छा, गोयमा ! पडिसेवए होज्जा णो अपडिसेवए होजा, जइ पडिसेवए होज्जा कि मूलगुणपडिसेवए होजा उत्तरगुणपडिसेवए होजा? गोयमा ! णो मूलगुणपडिसेवए होजा उत्तरगुणपडिसेवए होजा, उत्तरगुणपडिसेवमाणे दसविहस्स पच्चक्खाणस्स अन्नयरं पडिसेवेजा, पडिसेवणाकुसीले जहा पुलाए। कसायकुसीले णं पुच्छा, गोयमा । णो पडिसेवए होजा अपडिसेवए होजा, एवं नियंठेवि, एवं सिणाएवि ६ ॥ ७५४ ॥ पुलाए णं भंते! कइसु नाणेसु होजा? गोयमा ! दोसु वा तिस वा होजा, दोसु होजमाणे दोमु आभिणिचोहियनाणे सुअनाणे होजा, तिसु होजमाणे तिसु आभिणिवोहियनाणे सुयनाणे
ओहिनाणे होजा, एवं वउसेवि, एवं पडिसेवणाकुसीलेवि, कसायकुसीले णं पुच्छा, गोयमा ! दोसु वा तिसु वा चउसु वा होजा, दोसु होजमाणे दोसु आभिणिवोहियनाणे सुयनाणे होजा, तिसु होजमाणे तिसु आभिणिवोहियनाणसुयनाणओहिनाणेसु होजा अहवा तिसु होजमाणे आभिणिवोहियनाणसुयनाणमणपजवनाणेसु होजा, चउसु होजमाणे चउसु आभिणिवोहियनाणसुयनाणओहिनाणमणपजवनाणेसु होजा, एवं नियंठेवि । सिणाए णं पुच्छा, गोयमा ! एगंमि केवलनाणे होज्जा ।। ७५५ ॥ पुलाए णं भंते ! केवइयं सुयं अहिज्जेजा ? गोयमा! जहन्नेणं नवमस्स पुवस्स तइयं आयारवत्थु, उक्नोसेणं नव पुव्वाइं अहिजेजा । वउसे णं पुच्छा, गोयमा ! जहन्नेणं अट्ठ पवयणमायाओ उकोसेगं दस पुव्वाइं अहिजेजा । एवं पडिसेवगाकुसीलेवि । कसायकुसीले णं पुच्छा, गोयमा ! जहन्नणं अट्ठ पवयणमायाओ उक्नोसेणं चउद्दस पुव्वाई अहिजेजा, एवं नियंठेवि । सिणाए णं पुच्छा, गोयमा ! सुयवइरित्ते होजा ७॥७५६॥ पुलाए णं भंते ! किं तित्थे होजा अतित्थे होजा? गोयमा ! तित्थे होजा णो अतित्थे होजा, एवं वउसेवि, एवं पडिसेवणाकुसीलेवि । कसायकुसीले पुच्छा, गोयमा ! तित्थे वा होजा अतित्थे वा होजा, जइ अतित्थे होजा किं नित्थयरे होज्जा पत्तेयबुद्धे होजा ? गोयमा ! तित्यगरे वा होजा पत्तेयबुद्धे वा होजा, एवं नियंठेवि, एवं सिणाएवि ८॥७५७॥ पुलाए णं भंते ! किं सलिगे होजा अन्नलिंगे होजा गिहिलिंगे होज्जा ? गोयमा! दव्वलिंगं पड़च्च सलिंगे वा होजा अन्नलिंगे वा होजा गिहिलिंगे वा होजा, भावलिगं पडुच्च निय(म)मा सलिंगे होजा, एवं जाव सिणाए ९॥७५८॥ पुलाए णं भंते! कइसु सरीरेसु होजा? गोयमा ! तिसु ओरालियतेयाकम्मएसु होज्जा, बउसे णं भंते ! पुच्छा, गोयमा! तिसु वा चउसु वा होजा, तिलु होजमाणे तिसु ओरालियतेयाकम्मएपु होजा, चउसु होजमाणे चउसु ओरालिय
