________________
८७४ सुत्तागमे
[ भगवई पलिओवमा सिय असंखेजा पलिओवमा तिय अणंता पलिओवमा, एवं जाव ओसप्पिणी(ओ)वि उस्सप्पिणीवि । पोग्गलपरियहाणं पुच्छा, गोयमा ! णो संखेजा पलिओवमा णो असंखेज्जा पलिओवमा अणंता पलिओवमा । ओसप्पिणी णं भंते! किं संखेज्जा सागरोवमा जहा पलिओवमस्स वत्तव्वया तहा सागरोवमस्सवि, पोग्गलपरियट्टे णं भंते ! कि संखेज्जाओओसप्पिणीओ० पुच्छा, गोयमा ! णो संखेजाओ ओसप्पिणीओ णो असंखेजाओ अणंताओ ओसप्पिणीओ, पोग्गलपरियाणं भंते ! कि संखेजाओ ओसप्पिणीओ० पुच्छा, गोयमा । नो संखेजाओ नो असंखे. जाओ अणंताओ, पोग्गलपरियट्टे णंभंते ! कि संखेज्जाओ ओसप्पिणिउस्सप्पिणीओ० पुच्छा, गोयमा ! णो संखेज्जाओ ओसप्पिणिउस्सप्पिणीओ णो असंखेज्जाओ अणंताओ ओसप्पिणिउस्सप्पिणीओ, एवं जाव सव्वद्धा, पोग्गलपरियहाणं भंते ! किं संखेज्जाओ ओसप्पिणिउस्सप्पिणीओ० पुच्छा, गोयमा ! णो संखेज्जाओ ओसप्पिणिउस्सप्पिणीओ णो असंखेजाओ अणंताओ ओसप्पिणिउस्सप्पिणीओ । तीतद्धाण भंते ! कि संखेजा पोग्गलपरियट्टा० पुच्छा, गोयमा! नो संखेज्जा पोग्गलपरियट्टा नो असंखेज्जा अगंता पोग्गलपरियट्टा, एवं अणागयद्धावि, एवं सव्वद्धावि ॥७४६॥ अणागयद्धाण भंते ! कि संजाओ तीतद्धाओअसंखेन्जाओ० अणंताओ०? गोयमा! णो संखेजाओ तीतद्धाओ णो असंखेनाओ तीतद्धाओ णो अणंताओ तीतद्धाओं, अणागयद्धा णं तीतद्धाओ समयाहिया, तीतद्धा णं अणागयद्धाओ समयऊणा । सव्वद्धाणं भंते ! कि संखेज्जाओ तीतद्धाओ० पुच्छा, गोयमा ! णो संखेजाओ तीतद्धाओ णो असंखेजाओ तीतद्धाओ णो अणंताओ तीतद्धाओ, सव्वद्धा णं तीतद्धाओ साइरेगढुगुणा तीतद्धा णं सव्वद्धाओ थोबूणए अद्धे, सव्वद्धाणं भन्ते ! कि संखेजाओ अणागयद्धाओ० पुच्छा, गोयमा! णो संखेज्जाओ अणागयद्धाओ णो असंखेजाओ अणागयद्धाओ णो अणंताओ अणागयद्धाओ, सव्वद्धा णं अणागयद्धाओ थोत्रूणगढुगुणा अणागयद्धा णं सव्वद्धाओ साइरेगे अद्धे ॥ ७४७ ॥ कइविहा णं भंते ! णिओदा प० ? गोयमा ! दुविहा णिओदा प०, तं०-णिओ(य)गा य णिओयजीवा य, णिओदा णं भंते ! कइविहा प० ? गोयमा ! दुविहा प०, तंजहा-सुहुमनिओदा य वायरनिओ(दा)गा य, एवं निओदा भाणियव्वा जहा जीवाभिगमे तहेव निरवसेसं ॥ ७४८ ॥ कइविहे णं मंते ! णामे पन्नत्ते ? गोयना! छबिहे गामे पन्नत्ते, तंजहा-उदइए जाव सन्निवाइए। से कि तं उदइए णामे ? उदइए णामे दुविहे प०, तं०-उद(ड)ए य उदयनिप्फन्ने य, एवं जहा सत्तरसमसए पटमे उद्देसए भावो तहेव इहवि, नवरं इमं नामणाणत्तं, सेसं तहेव जाव सन्निवाइए । सेवं भंते ! २त्ति ॥ ७४९ ॥ पणवीसइमे सए पंचमो उद्देसो समत्तो ।।
