________________
वि०प० स० २५ उ० ४]
सुत्तागमे
लस्स णं भंते ! सव्वेयस्स केवइयं कालं अंतर होइ ? गोयमा ! सट्ठाणंतरं पडच्च जहमेणं एवं समयं उक्कोसेणं असंखेनं कालं, परहाणंतरं पडच्च जहन्नेणं एक समय उक्कोसेणं असंखेज कालं । निरेयस्स केवइयं कालं अंतर होइ ? सट्टाणंतरं पडुच्च जहाणेणं एक समयं उकोसेणं आवलियाए असंखेज्जइभागं, परहाणंतरं पडुच्च जहन्नेणं एवं समयं उकोसेणं असंखेजं कालं । दुपएसियस्स गं भंते ! खंधस्स देसेयस्स केवइयं कालं अंतरं होइ ? गोयमा ! सट्टाणंतरं पडुच्च जहन्नेणं एकं समयं उक्कोसेणं असंखेनं कालं, परठाणंतरं पडुच्च जहन्नेणं एवं समयं उक्कोसेणं अणंतं कालं, सव्वेयस्स केवइयं कालं? एवं चेव जहा देसेयस्स, निरेयस्स केवइयं कालं० ? सट्टाणंतरं पडच्च जहन्नेणं एक समयं उकोसेणं आवलियाए असंखेजइभागं, परट्ठाणंतरं पडुच्च जहन्नेणं एवं समयं उनोसेणं अणंतं कालं, एवं जाव अणंतपएसियस्स ॥ परमाणुपोग्गलाणं भंते ! सव्वेयाणं केवइयं कालं अंतरं होइ ? गोयमा ! नत्थि अंतरं, निरेयाणं केवइयं०? नत्थि अंतरं, दुपएसियाणं भंते ! खंधाणं देसेयाणं केवइयं कालं.? नत्थि अंतरं, सव्वेयाणं केवइयं कालं० ? नत्थि अतरं, निरेयाणं केवइयं कालं० ? नत्थि अंतरं, एवं जाव अणंतपएसियाणं । एएसि णं भंते ! परमाणुपोग्गलाणं सव्वेयाणं निरेयाण य कयरे २ जाव विसेसाहिया वा ? गोयमा ! सव्वत्थोवा परमाणुपोग्गला सव्वेया, निरेया असंखेजगुणा । एएसि णं भंते ! दुपएसियाणं खंधाणं देसेयाणं सव्वेयाणं निरेयाण य कयरे २ जाव विसेसाहिया वा ? गोयमा ! सव्वत्थोवा दुपएसिया खंधा सम्वेया, देसेया असंखेजगुणा, निरेया असंखेजगुणा, एवं जाव असंखेजपएसियागं खंधाणं । एएसि णं भंते ! अणंतपएसियाणं खंधाणं देसेयाणं सव्वे. याणं निरेयाण य कयरे २ जाव विसेसाहिया वा ? गोयमा ! सव्वत्थोवा अणंतपएसिया खंधा सव्वेया, निरेया अगंतगुणा, देसेया अणंतगुणा । एएसि णं भंते ! परमाणुपोग्गलाणं संखेजपएसियाणं असंखेजपएसियाणं अणंतपएसियाण य खंधाणं देसेयाणं सव्वेयाणं निरेयाणं दव्वठ्ठयाए पएसठ्ठयाए दवट्ठपएसट्टयाए कयरे २ जाव विसेसाहिया वा? गोयमा! सव्वत्थोवा अणंतपएसिया खंधा सव्वेया दव्वट्ठयाए १, अणंतपएसिया खंधा निरेया दव्वठ्ठयाए अणंतगुणा २, अणंतपएसिया खंधा देसेया दव्वट्ठयाए अणंतगुणा ३,असंखेजपएसिया खंधा सव्वेया दव्वट्ठयाए अ(णंत)संखेनगुणा ४, संखेजपएसिया खंधा सव्वेया दव्वट्ठयाए असंखेजगुणा ५, परमाणुपोग्गला सव्वेया दव्वट्ठयाए असंखेनगुणा ६, संखेजपएसिया खंधा देसेया दव्वयाए असंखेनगुणा ७, असंखेजपएसिया खंधा देसेया दवट्ठयाए असंखेजगुणा ८, परमाणुपोग्गला निरेया दवट्टयाए असंखेनगुणा ९, संखेजपएसिया खंधा निरेया दव्व
