________________
वि० प० स० २५ उ० ३]
सुत्तागमे
करणं ते! संठाणा प० ? गोयमा ! छ संठाणा प०, तं० - परिमंडले वट्टे तंसे चउरंसे आयए अणित्यंधे, परिमंडला णं भंते! संठाणा दव्वट्टयाए किं संखेजा असंखेजा अनंता ? गोयमा ! नो संखेजा नो असंखेजा अणंता, वट्टा णं भंते! संठाणा० एवं चेव, एवं जाव अणित्थंथा, एवं पएसट्टयाएवि, एवं दव्वद्वप सट्टयाएवि, एएसि णं भंते ! परिमंडलवट्टतंसचउरंसआययअणित्थंथाणं संठाणाणं दव्वद्वयाए पएसट्टयाए दव्वहपसट्टयाए कयरे २ हिंतो जाव विसेसाहिया वा ? गोयमा ! सव्वत्थोवा परिमंडला संठाणा दव्वट्टयाए, वट्टा संठाणा दव्वट्टयाए संखेज्जगुणा, चउरंसा संठाणा दव्वट्टयाए संखेज्जगुणा, तसा संठाणा दव्वट्टयाए संखेज्जगुणा, आययसंठाणा दव्वट्टयाए संखेज्ज - गुणा, अणित्थंथा संठाणां दव्वट्टयाए असंखेज्जगुणा, पएसइयाए - सव्वत्थोवा परिमंडला संठाणा पएसट्टयाए, वट्टा संठाणा पएसध्याए संखेज्जगुणा, जहा दव्वट्टयाए तहा पएसडयाएवि जाव अणित्थंथा संठाणा पएसट्टयाए असंखेजगुणा, दव्वट्ठपएसट्टयाए सव्वत्थोवा परिमंडला संठाणा दव्वट्टयाए सो चेव गमओ भाणियव्वो जाव अणित्थंथा सठाणा दव्वट्टयाए असंखेजगुणा, अणित्थंथेहिंतो संठाणेहिंतो दव्वट्टयाए (हिंतो ) परिमंडला संठाणा पएसट्टयाए असंखेजगुणा, वट्टा संठाणा पएसट्टयाए संजगुणा, सो चेव एसट्टयाए गमओ भाणियव्वो जाव अणित्थंथा संठाणा पएसयाए असंखेजगुणा ॥ ७२३ ॥ कइ णं भंते | संठाणा पन्नत्ता ? गोयमा ! पंच संठाणा प०, तं० - परिमंडले जाव आयए । परिमंडला णं भंते ! संठाणा किं संखेज्जा असंखेजा अनंता ? गोयमा ! नो संखेज्जा नो असंखेजा अनंता, वट्टा णं भंते ! संठाणा किं संखेजा ० ? एवं चेव, एवं जाव आयया । इमीसे णं भंते ! रयणप्पभाए पुढवीए परिमंडला संठाणा किं संखेजा असंखेजा अणंता ? गोयमा ! नो संखेजा नो असंखेजा अणता, वट्टा णं भंते! संठाणा किं संखेज्जा असंखेज्जा ०? एवं चेव, एवं जाव आयया । सकरप्पभाए णं भंते ! पुढवीए परिमंडला संठाणा एवं चेव, एवं जाव आयया, एवं जाव असत्तमाए । सोहम्मे णं भंते ! कप्पे परिमंडला संठाणा एवं चेव, एवं जाव अच्चुए, गेवेज्जगविमाणाणं भंते ! परिमंडलसंठाणा एवं चेव, एवं अणुत्तरविमाणेसुवि, एवं ईसिप्पब्भाराएवि ॥ जत्थ णं भंते ! एगे परिमंडले संठाणे जवमज्झे तत्थ परिमंडला संठाणा कि संखेज्जा असंखेज्जा अनंता ? गोयमा ! नो संखेजा नो असंखेज्जा अनंता । वाणं भंते! संठाणा किं संखेजा असंखेजा अनंता ? एवं चेव, एवं जाव आयया । जत्थ णं भंते । एगे वट्टे संठाणे जवमज्झे तत्थ परिमंडला संठाणा एवं चेव, वट्टा संठाणा एवं चैव, एवं जाव आयया, एवं एक्केकेणं संठाणेणं पंचवि चारेयव्वा, जत्थ णं भंते! इमीसे रयणप्पभाए पुढवीए एगे परिमंडले संठाणे जवमज्झे तत्थ
८५५
