________________
वि० प० स० २५ उ०२] सुत्तागमे यमीसासरीरकायजोए वेउब्वियसरीरकायजोए वेउव्वियमीसासरीरकायजोए आहारगसरीरकायजोए आहारगमीसासरीरकायजोए कम्मासरीरकायजोए १५॥ एयस्सणं भंते ! पन्नरसविहस्स जहन्नुकोसगस्स कयरे २ जाव विसेसाहिया वा ? गोयमा । सव्वत्योवे कम्मगसरीरस्स जहन्नए जोए १, ओरालियमीसगस्स जहन्नए जोए असंखेजगुणे २, वेउन्वियमीसगस्स जहन्नए जोए असंखेज्जगुणे ३, ओरालियसरीरस्स जहन्नए जोए असंखेजगुणे ४, वेउब्वियसरीरस्स जहन्नए जाए असंखेज्जगुणे ५, कम्मगसरीरस्स उकोसए जोए असंखेज्जगुणे ६, आहारगमीसगस्स जहन्नए जोए असंखेजगुणे ७, आहारगमीसगस्स उकोसए जोए असंखेज्जगुणे ८, ओरालियमीसगस्स वेउब्वियमी. सगस्स एएसि णं उकोसए जोए दोण्हवि तुल्ले असंखेजगुणे ९-१०, असच्चामोसमणजोगस्स जहन्नए जोए असंखेनगुणे ११, आहारगसरीरस्स जहन्नए जोए असंखेज्जगुणे १२, तिविहस्स मणजोगस्स चउब्विहस्स वइजोगस्स एएसि णं सत्तण्हवि तुल्ले जहन्नए जोए असंखेजगुणे १९, आहारगसरीरस्स उकोसए जोए असंखेजगुणे २०, ओरालियसरीरस्स वेउब्वियसरीरस्स चउव्विहस्स य मणजोगस्स चउम्विहस्स य वइजोगस्स एएसि णं दसण्हवि तुल्ले उक्कोसए जोए असंखेजगुणे ३०, सेवं भंते ! २ त्ति ॥ ७१८॥ पणवीसइमस्स सयस्स पढमो उद्देसो समत्तो॥ ___ कइविहा णं भंते ! दव्वा पन्नत्ता ? गोयमा ! दुविहा दव्वा प०, तं०-जीवदव्वा य अजीवदव्वा य, अजीवव्वा णं भंते ! कइविहा प०? गोयमा ! दुविहा प०, तंजहा-रूविअजीचव्वा य अरूविअजीवदव्वा य, एवं एएणं अभिलावेणं जहा अजीवपजवा जाव से तेणटेणं गोयमा ! एवं बुच्चइ ते णं नो संखेजा नो असंखेज्जा अणंता । जीवव्वा णं भंते ! कि संखेज्जा असंखेजा अणंता ? गोयमा ! नो संखेजा नो असंखेना अणंता, से केपटेणं भंते ! एवं वुच्चइ जीवदव्वा णं नो संखेजा नो असंखेज्जा अणंता ? गोयमा ! असंखेजा नेरइया जाव असंखेजा वाउकाइया, वणस्सइकाइया अणंता, असंखेज्जा वेइंदिया एवं जाव वेमाणिया, अणंता सिद्धा, से तेणटेणं जाव अणंता ॥ ७१९॥ जीवदव्वाणं भंते ! अजीवदव्वा परिभोगत्ताए हव्वमागच्छंति अजीवदव्वाणं जीवदव्या परिभोगत्ताए हव्वमागच्छंति ? गोयमा! जीवदव्वाणं अजीवदव्वा परिभोगत्ताए हव्वमागच्छंति नो अजीवदव्वाणं जीवदव्वा परिभोगत्ताए हव्वमागच्छंति, से केणटेणं भंते ! एवं वुच्चइ जाव हव्वमागच्छंति ? गोयमा ! जीवदव्वा णं अजीवदव्वे परियादियंति अजीव० २त्ता ओरालियं वेउव्वियं आहारगं तेयगं कम्मगं सोइंदियं जाव फासिंदियं मणजोगं वइजोगं कायजोगं आणापाणुत्तं च निव्व(त)त्तियंति, से तेणढेणं जाव हव्वमागच्छंति, नेरइयाणं भंते ! अजीवदव्वा परिभोग
