________________
वि. प० स० २१ व० ३] सुत्तागमे
८११ रोगाहणा प० ? गोयमा ! जहन्नेणं अंगुलस्स असंखेजइभागं उक्कोसेणं धणुहपुहुत्तं, ते णं भंते ! जीवा नाणावरणिज्जस्स कम्मस्स किं बंधगा अवंधगा? तहेव जहा उप्पलुद्देसए, एवं वेदेवि उदएवि उदीरणाएवि । ते णं भंते ! जीवा किं कण्हलेस्सा नीललेस्सा काउलेस्सा छब्बीसं भंगा, दिट्ठी जाव इंदिया जहा उप्पलुद्देसए, ते णं भंते ! साली वीही गोधूम जाव जवजवगमूलगीवे कालओ केवच्चिरं होइ ? गोयमा ! जहण्णेणं अंतोमुहुत्तं उक्कोसेणं असंखेनं कालं ॥ से णं भंते ! साली वीही गोधूम जाव जवजवगमूलगजीवे पुढवीजीवे पुणरवि साली वीही जाव जवजवगमूलगजीवेत्ति केवइयं कालं सेवेज्जा केवइयं कालं गइरागइ करेजा ? एवं जहा उप्पलुईसए, एएणं अभिलावेणं जाव मणुस्सजीवे, आहारो जहा उप्पलुइसे ठिई जहण्णेणं अंतोमुहुत्तं उक्कोसेणं वासपुहुत्तं, समुग्घायसमोहया उव्वट्टणा य जहा उप्पलुद्देसे । अह भते । सव्वपाणा जाव सव्वसत्ता साली वीही जाव जवजवगमूलगजीवत्ताए उववन्नपुव्वा ? हंता गोयमा ! असई अदुवा अणंतखुत्तो। सेवं भंते ! २ त्ति ॥ ६८७ ॥ एगवीसइमे सए पढमवग्गस्स पढमो उद्देसो समत्तो ॥२१-१-१॥ __ अह भंते ! साली वीही जाव जवजवाणं एएसि णं जे जीवा कंदत्ताए वक्कमंति ते णं भंते ! जीवा कओहितो उववजंति एवं कंदाहिगारेण सो चेव मूलुद्देसो अपरिसेसो भाणियन्वो जाव असइं अदुवा अणंतखुत्तो, सेवं भंते ! २ त्ति (२१-१-२) एवं खधेवि उद्देसओ णेयव्वो (२१-१.३) एवं तयाएवि उद्देसो भाणियव्वो (२१-१-४) सालेवि उद्देसो भाणियव्वो (२१-१-५) पवालेवि उद्देसो भाणियव्वो (२१-१-६) पत्तेवि रद्देसो भाणियव्वो (२१-१-७) एए सत्तवि उद्देसगा अपरिसेसं जहा मूले तहा णेयव्वा । एवं पुप्फेवि उद्देसओ णवरं देवो उववजइ जहा उप्पलुद्देसे चत्तारि लेस्साओ असीइ भंगा ओगाहणा जहण्णेणं अंगुलस्स असंखेज्जइभार्ग उकोसेणं अंगुलपुहुत्तं सेसं तं चेव, सेवं भंते ! २ त्ति (२१-१-८) जहा पुप्फे एवं फलेवि उद्देसओ अपरिसेसो भाणियव्वो (२१-१-९ ) एवं बीएवि उद्देसओ (२१-१-१०) एए दस उद्देसगा ॥ पढमो वग्गो समत्तो ॥ २१.१ ॥ अह भंते ! कलायमसूरतिलमुग्गमासनिप्फावकुलत्थआलिसंदगसइणपलिमंथगाणं एएसि णं जे जीवा मूलत्ताए वक्कमंति ते णं भंते ! जीवा कओहितो उववनंति ? एवं मूलादीया दस उद्देसगा भाणियव्वा जहेव सालीणं णिरवसेसं तहेव ॥ विइओ वग्गो समत्तो। ॥ २१-२॥ अह भंते ! अयसिकुसुंभकोदवकंगुरालगतुवरीकोदूसासणसरिसवमूलगवीयाणं एएसि ण जे जीवा मूलत्ताए वक्कमंति ते णं भंते ! जीवा कओहिंतो उववजंति ? एवं एत्थवि मूलादीया दस उद्देसगा जहेव सालीणं णिरवसेसं तहेव भाणि
