________________
वि०प० स० २० उ० १०]
सुत्तागमे
जिया संखेजगुणा, छक्कसमज्जिया संखेजगुणा, नोछक्कसमज्जिया संखेजगुणा । नेरइया णं भंते ! कि वारससमज्जिया १, नोवारससमज्जिया २, वारसएण य नोवारसएण य समज्जिया ३, वारसएहिं समजिया ४, वारसएहि य नोवारसएण य समजिया ५? गोयमा! नेरइया वारससमजियावि जाव वारसएहि य नोवारसएण य समजियावि, से केणटेणं भंते ! एवं जाव समज्जियावि ? गोयमा ! जेणं नेरइया वारसएणं पवेसणएणं पविसंति ते णं नेरइया वारससमज्जिया १, जे णं नेरइया जहनेणं एक्केण वा दोहिं वा तिहिं वा उक्कोसेणं एकारसएणं पवेसणएणं पविसंति तेणं नेरइया नोवारससमज्जिया २, जे ण नेरइया वारसएणं पवेसणएणं अन्नेण य जहनेणं एक्केण वा दोहि वा तिहिं वा उक्नोसेणं एकारसएणं पवेसणएणं पविसंति ते णं नेरइया वारसएण य नोवारसएण य समज्जिया ३, जे णं नेरइया णेगेहिं बारसएहिं पवेसणगं पविसंति ते णं नेरइया वारसएहिं समज्जिया ४, जे णं नेरइया णेगेहिं वारसएहिं अन्नेण य जहन्नेणं एक्केण वा दोहिं वा तिहिं वा उक्कोसेणं एकारसएणं पवेसणएणं पविसंति ते णं नेरइया वारसएहि य नोवारसएण य समज्जिया ५, से तेणटेणं जाव समज्जियावि, एवं जाव थणियकुमारा, पुढविकाइयाणं पुच्छा, गोयमा ! पुढविकाइया नो वारससमज्जिया १, नो नोवारससमज्जिया २, नो वारसएण य नोवारसएण य समज्जिया ३, वारसएहिं समजिया ४, वारसएहि य नो वार. सएण य समजियावि ५, से केणढेणं भंते ! जाव समज्जियावि ? गोयमा ! जे णं पुढविकाइया णेगेहि वारसएहिं पवेसणगं पविसंति ते णं पुढविकाइया वारसएहि समजिया, जे णं पुढविकाइया णेगेहिं वारसएहिं अन्नेण य जहन्नेणं एकेण वा दोहिं वा तिहिं वा उक्नोसेणं एकारसएणं पवेसणएणं पविसंति ते णं पुढविकाइया बारसएहि य नोवारसएण य समज्जिया, से तेणटेणं जाव समज्जियावि, एवं जाव वणस्सइकाइया, वेइंदिया जाव सिद्धा जहा नेरइया। एएसि णं भंते ! नेरइयाणं वारससमज्जियाणं० सव्वेसिं अप्पावहुगं जहा छक्कसमजियाणं नवरं वारसाभिलावो सेसं तं चेव । नेरइया णं भंते ! कि चुलसीइसमज्जिया १, नोचुलसीइसमज्जिया २, चुलसीईए य नोचुलसीईए य समज्जिया ३, चुलसीईहि समज्जिया ४, चुलसीईहि य नोचुलसीईए य समजिया ५? गोयमा । नेरइया चुलसीइसमज्जियावि जाव चुलसीईहि य नोचुलसीईए य समजियावि, से केणटेणं भंते ! एवं वुच्चइ जाव समजियावि ? गोयमा ! जे णं नेरइया चुलसी(ई)इएणं पवेसणएणं पविसंति ते णं नेरइया चुलसीइसमजिया १, जे णं नेरइया जहन्नेणं एक्केण वा दोहिं वा तिहिं वा उक्कोसेणं तेसीइपवेसणएणं पविसंति ते णं नेरइया नोचुलसीइसमज्जिया २, जे णं नेरइया चुलसी
