________________
वि० प० स० २० उ०९]
सुत्तागमे
८०५
तित्थे अणुसज्जिस्सइ ॥ ६७८ ॥ जहा णं भंते । जंबुद्दीवे दीवे भारहे वासे इमीसे
ओसप्पिणीए देवाणुप्पियाणं एकवीसं वाससहस्साइं तित्थे अणुसिजिस्सइ तहा णं भंते ! जंबुद्दीवे दीवे भारहे वासे आगमेस्साणं चरिमतित्थगरस्स केवइयं कालं तित्थे अणुसज्जिस्सइ ? गोयमा ! जावइए णं उसभस्स अरहओ कोसलियस्स जिणपरियाए एवइयाई संखेजाइं आगमेस्साणं चरिमतित्थगरस्स तित्थे अणुसज्जिस्सइ ॥६७९॥ तित्थं भंते ! ति(त्थे)त्यं तित्वगरे तित्थं ? गोयमा! अरहा ताव नियमं तित्थगरे, तित्यं पुण चाउवन्नाइन्ने समणसघे, तं०-समणा समणीओ सावगा सावियाओ ॥६८०॥ पवयणं भंते ! पवयणं पावयणी पवयणं ? गोयमा ! अरहा ताव नियम पावयणी, पवयणं पुण दुवालसंगे गणिपिडगे, तं०-आयारो जाव दिहिवाओ ॥ जे इमे भंते ! उग्गा भोगा राइन्ना इक्खागा नाया कोरव्वा एए णं अस्सिं धम्मे ओगाहंति अस्सि० २त्ता अट्टविहं कम्मरयमलं पवाहेति पवाहित्ता तओ पच्छा सिझंति जाव अंतं करेंति ? हंता गोयमा ! जे इमे उग्गा भोगा तं चेव जाव अंतं करेंति, अत्थेगइया अन्नयरेसु देवलोएसु देवत्ताए उववत्तारो भवंति । कइविहा णं भंते ! देवलोया प० ? गोयमा! चउबिहा देवलोया प०, तं०-भवणवासी, वाणमंतरा, जोइसिया, वेमाणिया । सेवं भंते ! २ त्ति ॥ ६८१ ॥ वीसइमे सए अट्ठमो उद्देसो समत्तो । ___ कइविहा णं भंते ! चारणा प० ? गोयमा । दुविहा चारणा प०, तंजहा-विजाचारणा य जंघाचारणा य, से केणटेणं भंते ! एवं वुच्चइ विजाचारणा विजाचारणा ? गोयमा! तस्स णं छटुंछट्टेणं अनिक्खित्तेणं तवोकम्मेणं विजाए उत्तरगुणलद्धिं खममाणस्स विजाचारणलद्धी नाम लद्धी समुप्पज्जइ, से तेणटेणं जाव विजाचारणा २, विजाचारणस्स णं भंते ! कहं सीहा गई कहं सीहे गइविसए पण्णत्ते ? गोयमा ! अयन्नं जंबूदीवे दीवे जाव किचिविसेसाहिए परिक्खेवेणं देवे णं महिड्डिए जाव महेसक्खे जाव इणामेवत्तिकट्ठ केवलकप्पं जंबुद्दीवं दीवं तिहिं अच्छरानिवाएहि तिक्खुत्तो अशुपरियट्टित्ताणं हव्वमागच्छेजा, विज्जाचारणस्स णं गोयमा ! तहा सीहा गई तहा सीहे गइविसए पण्णत्ते । विजाचारणस्स णं भंते ! तिरियं केवइए गइविसए पण्णत्ते ? गोयमा ! से णं इओ एगेणं उप्पाएणं माणुसुत्तरे पव्वए समोसरणं करेइ करेत्ता बिइएणं उप्पाएणं नंदीसरवरे दीवे समोसरणं करेइ करेत्ता तओ पडिनियत्तइ २ त्ता इहमागच्छइ, विज्जाचारणस्स णं गोयमा ! तिरियं एवइए गइविसए पण्णत्ते, विज्जाचारणस्स णं भंते । उर्दू केवइए गइविसए पण्णत्ते ? गोयमा । से णं इओ एगेणं उप्पाएणं नंदणवणे समोसरणं करेइ करेत्ता विइएणं उप्पाएणं पंडगवणे समोसरणं करेइ करेत्ता तओ पडिनियत्तइ २ त्ता इहमागच्छइ,
