________________
वि०प० स० २० उ०७]
सुत्तागमे
आउकाइयत्ताए उववाएयव्वो, एवं जाव अणुत्तरविमाणाणं ईसिप्पन्भाराए पुढवीए अंतरा समोहए जाव अहेसत्तमाए घणोदहिवलएसु उववाएयव्वो ॥ ६७१ ॥ बाउकाइए णं भंते ! इमीसे रयणप्पभाए पुढवीए सक्करप्पभाए पुटवीए अंतरा समोहए समोहणित्ता जे भविए सोहम्मे कप्पे वाउक्काइयत्ताए उववजित्तए एवं जहा सत्तरसमस ए वाउकाइयउद्देसए तहा इहवि, नवरं अंतरेसु समोहणा नेयव्वा सेसं तं चेव जाव अणुत्तरविमाणाणं इसिप्प भाराए य पुढवीए अंतरा समोहए समोहणित्ता जे भविए घणवायतणुवाए घणवायतणुवायवलएसु वाउक्काइयत्ताए उववज्जित्तए सेसं तं चेव जाव से तेणटेणं जाव उववजेजा। सेवं भंते ! २ त्ति ॥ ६७२ ॥ वीसइमस्स सयस्स छहो उद्देसो समत्तो॥ ___कइविहे णं भंते! बंधे प०? गोयमा ! तिविहे वंधे प०, तं०-जीवप्पओगवंधे, अणंतरवंधे, परंपरवंधे । नेरइयाणं भंते ! कइविहे वंधे प० ? एवं चेव, एवं जाव वेमाणियाणं । नाणावरणिज्जस्स णं भंते! कम्मस्स कइविहे बंधे प० ? गोयमा ! तिविहे वधे प०, त०-जीवप्पओगवंधे, अणंतरवंधे, परपरवंधे, नेरइयाणं मंते! नाणावरणिज्जस्स कम्मस्स कइविहे बंधे प० ? एवं चेव, एवं जाव वेमाणियाणं, एवं जाव अंतराइयस्स । णाणावरणिज्जोदयस्स णं भंते ! कम्मस्स कइविहे वंवे प० ? गोयमा ! तिविहे वंधे प० एवं चेव, एवं नेरइयाणवि एवं जाव वेमाणियाणं, एवं जाव अतराइयउदयस्स, इत्थीवेयस्स णं भंते ! कइविहे बंधे प० ? गोयमा ! तिविहे बंधे प० एवं चेव, असुरकुमाराणं भंते ! इत्थीवेयस्स कइविहे वंधे प० ? गोयमा ! तिविहे वधे प० एवं चेव, एवं जाव वेमाणियाणं, नवरं जस्स इत्थिवेदो अस्थि, एवं पुरिसवेयस्स वि, एवं नपुंसगवेयस्सवि जाव वेमाणियाण, नवरं जस्स जो अस्थि वेदो, दंसणमोहणिज्जस्स णं भंते ! कम्मस्स कइविहे वंधे प० ? एवं चेव निरंतरं जाव वेमाणियाणं, एवं चरित्तमोहणिज्जस्सवि जाव वेमाणियाणं, एवं एएणं कमेणं ओरालियसरीरस्स जाव कम्मगसरीरस्स, आहारसन्नाए जाव परिग्गहसण्णाए, कण्हलेस्साए जाव सुक्कलेस्साए, सम्मदिट्ठीए मिच्छादिट्ठीए सम्मामिच्छादिट्ठीए, आभिणिवोहियणाणस्स जाव केवलनाणस्स, मइअन्नाणस्स सुयअन्नाणस्स विभंगनाणस्स, एवं आभिणिवोहियणाणविसयस्स णं भंते ! कइविहे वंधे प० जाव केवलनाणविसयस्स मइअन्नाणविसयरस सुयअन्नाणविसयस्स विभंगणाणविसयस्स एएसिं सव्वेसिं पयागं तिविहे बंधे प०, सव्वेते चउव्वीस दंडगा भाणियव्वा, नवर जाणियन्व जस्स नइ अत्थि जाव वेमाणियाणं भंते ! विभंगणाणविसयस्स कइविहे वंधे प० ? गोयमा! तिविहे वंधे प०, तं०-जीवप्पओगवंधे, अणंतरवंधे, परंपरवंधे, सेवं भंते । २ त्ति जाव विहरइ ।। ६७३ ॥ वीसइमस्स सयस्स सत्तमो उद्देसो समत्तो॥
