________________
}
वि० प० स० १८ उ० ४ ]
सुत्तागमे
७६९
मागंदियत्ता | असंखेजइभागं आहारंति अनंतभागं निजरेंति, चंक्रिया णं भंते ! केइ तेसु निज्जरापोग्गले आसइत्तए वा जाव तुयट्टित्तए वा ? णो इणट्ठे समहे, अणाहरणमेयं वुइयं समणाउसो ! एवं जाव वेमाणियाणं । सेवं भंते ! सेवं भंते ! ति ॥ ६२१ ॥ अट्टारसमस्स सयस्स तइओ उद्देसो समत्तो ॥
तेणं काळेणं तेणं समएणं रायगिहे जाव भगवं गोयमे एवं वयासी - अह भंते ! पाणाइवाए मुसावाए जाव मिच्छादंसणसले, पाणाइवायवेरमणे मुसावाय० जाव मिच्छादंसणसवेरमणे, पुढविक्का इए जाव वणस्सइकाइए, धम्मत्थिकाए अधम्मत्थि - काए आगासत्थिकाए जीवे असरीरपडिवद्धे परमाणुपोग्गले सेलेसिं पडिवन्नए अणगारे सव्वे य वायरवोदिधरा कलेवरा एए णं दुविहा जीवदव्वा य अजीवदव्वा य जीवाणं परिभोगत्ताए हव्वमागच्छंति ? गोयमा ! पाणाइवाए जाव एए णं दुविहा जीवदव्वा य अजीवदव्वा य अत्येगइया जीवाणं परिभोगत्ताए हव्वमागच्छंति, अत्थेगइया जीवाणं जाव नो हव्वमागच्छंति, से केणट्टेणं भंते ! एवं वुच्चर पाणाइवाए जाव नो हव्वमागच्छंति ? गोयमा ! पाणाइवाए जाव मिच्छादंसणसले, पुढविकाइए जाव वणस्सइकाइए, सव्वे य वायरवोंदिधरा कलेवरा एए णं दुविहा जीवदव्वा य अजीवदव्वा य जीवाणं परिभोगत्ताए हव्वमागच्छंति, पाणाइवायवेरमणे जाव मिच्छादंसण सहविवेगे, धम्मत्थिकाए अधम्मत्थिकाए जाव परमाणुपोग्गले सेलेसिं पडिवन्नए अणगारे एए णं दुविहा जीवदव्वा य अजीवदव्वा य जीवाणं परिभोगत्ताए नो हव्वमागच्छन्ति, से तेणद्वेणं जाव नो हव्वमागच्छति ॥ ६२२ ॥ कइ णं भंते ! कसाया पन्नत्ता ? गोयमा ! चत्तारि कसाया प०, तं० - कसायपयं निरवसेसं भाणि - यव्वं जाव निज्जरिस्संति लोमेणं ॥ कइ णं भंते ! जुम्मा पन्नत्ता ? गोयमा ! चत्तारि जुम्मा पन्नत्ता, तं०- कडजुम्मे तेओगे दावरजुम्मे कलिओगे, से केणद्वेगं भंते ! एवं चुच्चइ जाव कलिओगे ? गोयमा ! जे णं रासी चउक्कएणं अवहारेणं अवहीरमाणे चउपज्जवसिए सेत्तं कडजुम्मे, जेणं रासी चउक्कएणं अवहारेणं अवहीरमाणे तिपज्जवसिए सेत्तं तेओगे, जेणं रासी चउकएणं अवहारेणं अवहीरमाणे (२) दुपज्जव - सिए सेत्तं दावरजुम्मे, जेणं रासी चउक्कएणं अवहारेणं अवहीरमाणे एगपजवसिए सेत्तं कलिओगे, से तेणट्टेणं गोयमा । एवं बुच्चई जाव कलिओगे || नेरइया णं भंते ! कि कडजुम्मा तेओगा दावरजुम्मा कलिओगा ? गोयमा ! जहन्नपए कडजुम्मा, उक्नोसपएं तेओगा, अजहण्णमणुक्कोसपए सिय कडजुम्मा जाव सिय कलिओगा, एवं जाव थणियकुमारा । वणस्सइकाइयाणं पुच्छा, गोयमा ! जहन्नपए अपया उक्लोस - पए य अपया अजहण्णमणुकोसपए सिय कडजुम्मा जाव सिय कलिओगा । बेइंदि४९ सुत्ता०
