________________
सुत्तागमे
[ भगवई मा० २ त्ता सहि भत्ताइं अणसणाए छेदेइ स० २ त्ता आलोइयपडिळते जाव कालं किचा सोहम्मे कप्पे सोहम्मवडिसए विमाणे उववायसभाए देवसयणिज्जसि जाव सक्के देविंदत्ताए उववन्ने, तए णं से सक्ने देविंदे देवराया अहुणोववणे सेसं जहा गंगदत्तस्स जाव अंतं काहिइ, नवरं ठिई दो सागरोवमाई प० सेसं तं चेव । सेवं भंते ! २ त्ति ॥ ६१६ ॥ अट्ठारसमस्स सयस्स वीओ उद्देसो समत्तो।
तेणं कालेणं तेणं समएणं रायगिहे नामं नयरे होत्था वन्नओ, गुणसिलए उजाणे वन्नओ जाव परिसा पडिगया, तेणं कालेणं तेणं समएणं समणस्स भगवओ महावीरस्स जाव अंतेवासी मागंदियपुत्ते नाम अणगारे पगइभदए जहा मंडियपुत्ते जाव पजुवासमाणे एवं वयासी-से नूणं भंते ! काउलेस्से पुढविकाइए काउलेस्सेहिंतो पुढविकाइएहितो अणंतरं उव्वट्टित्ता माणुसं विग्गहं लभइ मा० २ त्ता केवलं बोहिं बुज्झइ के० २ त्ता तओ पच्छा सिज्झइ जाव अंतं करेइ ? हंता मागंदियपुत्ता । काउलेस्से पुढविकाइए जाव अंतं करेइ । से नूणं भंते ! काउलेस्से आउकाइए काउलेस्सेहितो आउकाइएहितो अणंतरं उव्वट्टित्ता माणुसं विग्गहं लभइ मा० २ त्ता केवलं वोहिं वुज्झइ जाव अंतं करेइ ? हंता मागंदियपुत्ता ! जाव अंतं करेइ । से नूणं भंते ! काउलेस्ले वणस्सइकाइए एवं चेव जाव अंतं करेइ, सेवं भंते ! २ त्ति मागंदियपुत्ते अणगारे समणं भगवं महावीरं जाव नमंसित्ता जेणेव समणे निरगंथे तेणेव उवागच्छइ २ त्ता समणे निग्गंथे एवं वयासी-एवं खलु अजो ! काउलेस्से पुढविकाइए तहेव जाव अंतं करेइ, एवं खलु अन्जो ! काउलेस्से आउक्काइए जाव अंतं करेइ, एवं खलु अजो | काउलेस्से वणस्सइकाइए जाव अंतं करेइ, तए णं ते समणा निग्गंथा मा(क)गंदियपुत्तस्स अणगारस्स एवमाइक्खमाणस्स जाव एवं परूवेमाणस्स एयमद्वं नो सद्दहति ३ एयमढे असहमाणा ३ जेणेव समणे भगवं महावीरे तेणेव उवागच्छंति २त्ता समणं भगवं महावीरं वंदति नमसंति वं० २ त्ता एवं वयासी-एवं खलु भंते ! मागंदियपुत्ते अणगारे अम्हं एवमाइक्खइ जाव परुवेइएवं खलु अजो ! काउलेस्से पुढविकाइए जाव अंतं करेइ, एवं खलु अज्जो ! काउलेस्से आउकाइए जाव अंतं करेइ, एवं खलु० वणस्सइकाइएवि जाव अंतं करेइ, से कहा मेयं भंते! एवं? अज्जोत्ति समणे भगवं महावीरे ते समणे निग्गंथे आमंतेत्ता एवं वयासी-जण्णं अजो ! मागंदियपुत्ते अणगारे तुज्झे एवं आइक्खइ जाव परूवेइएवं खलु अज्जो ! काउलेस्से पुढवीकाइए जाव अंतं करेइ, एवं खलु अज्जो ! काउलेस्से आउकाइए जाव अंतं करेइ, एवं खलु अज्जो ! काउलेस्से वणस्सइकाइएवि जाव अंतं करेइ, सच्चे णं एसमढे, अहंपि णं अज्जो ! एवमाइक्खामि ४-एवं खलु'
