________________
वि० ५० स० १३ उ०२] सुत्तागमे
६०१ चेव नवरं इत्थीवेयगा न उववनंति पन्नत्तेसु य न भण्णंति, असन्नी तिसुवि गमएसु न भण्णंति, सेसं तं चेव, एवं जाव सहस्सारे, नाणत्तं विमाणेसु लेस्सासु य, सेसं तं चेव॥ आणयपाणएसु णं भंते! कप्पेसु केवइया विमाणावाससया पण्णत्ता ? गोयमा ! चत्तारि विमाणावाससया पण्णत्ता, ते णं भंते !, किं संखेजवित्थडा असंखेजवित्थडा? गोयमा । संखेजवित्थडावि असंखेजवित्थडावि,एवं संखेजवित्थडेसु तिन्नि गमगा जहा सहस्सारे असंखेजवित्थडेसु उववजतेसु य चयंतेसु य एवं चेव संखेज्जा भाणियव्वा पन्नत्तेसु असंखेजा नवरं नोइंदियोवउत्ता अणंतरोववन्नगा अणंतरोगाढगा अणंतराहारगा- अणंतरपजत्तगा य एएसिं-जहन्नेणं एको वा दो वा तिन्नि वा उक्कोसेणं. संखेजा प०, सेसा असंखेजा भाणियव्वा। आरणञ्चुएसु एवं चेव जहा आणयपाणएसु नाणत्तं विमाणेसु, एवं गेवेजगावि । कइ णं भंते ! अणुत्तरविमाणा पन्नत्ता ? गोयमा ! पंच अणुत्तरविमाणा पन्नत्ता, ते णं भंते ! किं संखेजवित्थडा असंखेजवित्थड़ा ? गोयमा! संखेजवित्थडे य असंखेज्जावित्थडा य, पंचसु णं भंते ! अणुत्तरविमाणेसु संखेजवित्थडे विमाणे एगसमएणं केवइया अणुत्तरोववाइया देवा उववजंति केवइया- सुक्कलेस्सा उववजंति पुच्छा तहेव, गोयमा! पंचसु णं अणुत्तरविमाणेसु संखेजवित्थडे अणुत्तरविमाणे एगसमएणं जहण्णेणं एक्को वा दो वा तिन्नि वा-उक्कोसेणं संखेज्जा अणुत्तरोववाइया देवा उववज्जति, एवं जहा गेवेजवि. माणेसु संखेजवित्थडेसु नवरं किण्हपक्खिया अभवसिद्धिया तिसु अन्नाणेसु एए न उववनंति न चयंति नवि पन्नत्तएसु भाणियव्वा अचरिमावि खोडिजति जाव संखेजा चरिमा प०, सेसं तं चेव, असंखेजवित्थडेसुवि एए न भन्नति नवरं अचरिमा अत्थि, सेसं जहा गेवेजएसु असंखेजवित्थडेसु जाव असंखेज्जा अचरिमा प० । चोसट्ठीए णं भंते ! असुरकुमारावाससयसहस्सेसु संखेजवित्थडेसु असुरकुमारावासेसु किं सम्महिट्ठी असुरकुमारा उववज्जति मिच्छादिट्ठी - एवं जहा रयणप्पभाए तिन्नि आलावगा भणिया तहा भाणियव्वा, एवं असंखेजवित्थडेसुवि तिन्नि गमगा, एवं जाव गेवेजविमाणेसु अणुत्तरविमाणेसु एवं चेव, नवरं तिसुविआलावएसु मिच्छादिट्ठी सम्मामिच्छादिट्टी य.न भन्नति, सेसं तं चेव । से नूणं भंते । कण्हलेस्से नील जाव सुक्कलेस्से 'भवित्ता कहलेस्सेसु देवेसु उववज्जति ? हंता गोयमा । एवं जहेव नेरइएसु पढमे उद्देसए तहेव भाणियव्वं, नीललेसाएवि जहेव नेरइयाणं, जहा नीललेस्साए एवं जाव पम्हलेस्सेसु सुक्कलेस्सेसु एवं चेव, नवरं लेस्सहाणेसु विसुज्झमाणेसु २ सुक्कलेस्सं परिणमइ २त्ता सुक्कलेस्सेसु देवेसु उववजति, से तेणटेणं जाव उववति । सेवं भंते ! सेवं भंते ! त्ति ॥४७२॥ तेरहमे सए बीओ उद्देसो समत्तो।।
