________________
वि० प० स० १० उ० ६ ]
सुत्तागमे
६२१
पन्नत्ताओ, तंजहा - विजया वेजयंती जयंती अपराजिया, तत्थ णं एग़मेगाए देवीए सेसं तं चेव जहा चंदस्स, नवरं इंगालवडेंसए विमाणे इंगालगंसि सीहासणंसि सेसं तं चेव, एवं वियालगस्सवि, एवं अट्ठासी (ई) एवि महागहाणं भाणियव्वं - जाव भावकेउस्स, नवरं वडेसगा सीहासणाणि य सरिसनामगाणि, सेसं तं चेव । सक्क णं भंते! देविंदस्स देवरन्नो पुच्छा, अजो ! अट्ठ अग्गमहिसीओ पन्नत्ताओ, तंजहापउमा सिवा से (वा) या अंजू अमला अच्छरा नवमिया रोहिणी, तत्थं णं एगमेगाए देवीए सोलस, सोलस देविसहस्सा परिवारो पन्नत्तो, पभू णं ताओ एगमेगा देवी अन्नाई सोलस २ देविसहस्स परियारं विउव्वित्तए, एवामेव सपुव्वावरेणं अट्ठावीसुत्तरं देविसयसहस्सं परियारं विउव्वित्तए, सेत्तं तुडिए । पभू णं भंते! सक्ने देविदे देवराया सोहम्मे कप्पे सोहम्मवडेसए विमाणे सभाए सुहम्माए सक्कसि सीहास - णंसि तुडिएणं सद्धिं सेसं जहां चमरस्स नवरं परिवारो जहा मोउद्देसए । सक्कस्स णं भंते! देविदस्स देवरन्नो सोमस्स महारन्नो कइ अग्गमहिसीओ पुच्छा, अजो ! चत्तारि अग्गमहिसीओ पन्नत्ताओ, तंजहा - रोहिणी मयणा चित्ता सोमा, तत्थ णं एगमेगा॰ सेसं जहा चमरलोगपालाणं, नवरं सयंपभे विमाणे सभाए सुहम्माए सोमंसि सीहासणंसि, सेसं तं चेव, एवं जाव वेसमणस्स, नवरं विमाणाईं जहा तइयसए । ईसाणस्स णं भंते ! पुच्छा, अज्जो । अट्ठ अग्गमहिसीओ प०, तंजहा - कण्हा कण्हराई रामा रामरक्खिया वसू वसुगुत्ता वसुमित्ता वसुंधरा, तत्थ णं एगमेगाए० सेसं जहा सक्क्स्स । ईसाणस्स णं भंते ! देविदस्त देवरण्गो, सोमस्स महारण्णो कइ अग्गमहिसीओ पुच्छा, अज्जो । चत्तारि अग्गमहिसीओ प०, तंजहा - पुढवी राई रयणी विज्जू, तत्थ णं०, सेसं जहा सक्क्स्स लोगपालाणं, एवं जाव वरुणस्स, नवरं विमाणा जहा चउत्थसए, सेसं तं चैव, जाव नो चेव णं मेहुणवत्तियं । सेवं भंते ! सेवं भंते! त्ति जाव विहरइ ॥४०५॥ दसमसर पंचमो उद्देसो समत्तो ॥ क्रहि णं भंते! सक्कस्स देविंदस्स देवरन्नो सभा सुहम्मा पन्नत्ता ? गोयमा ! जंबुद्दीवे २ मंदरस्स पव्वयस्स दाहिणेणं इमीसे रयणप्पभाए पुढवीए एवं जहा रायप्पसेणइज्जे जांव पंच वडेंसगा पन्नत्ता, तंजहा - असोगवडेंसए जाव मज्झे सोहम्मवडेंसए, से णं सोहम्मवडेंसए महाविमाणे अद्धतेरस जोयणसयसहस्साइं आयामविक्खंमेणं, एवं जह सूरियाभे तहेब माणं तहेब उबवाओ । सक्कस्स य अभिसेओ तहेव जह सूरियाभस्स ॥ १ ॥ अलंकारो तहेव जाव आयरक्खदेवत्ति, दो सागरोवमाई ठिई। सक्के णं भंते ! देविदे देवराया केमहिडिए जाव केम (हेस) हासोक्खे ? ग़ोयमा ! महिडिए जाव महासोक्खे, से णं तत्थ बत्तीसार विमाणावाससयसहस्ताणं
