________________
सुत्तागमे
[भगवई ५७० अबंधए ? गोयमा ! वंधए नो अबंधए, जइ बंधए किं देसबंधए सव्ववंधए ? गोयमा ! देसवंधए नो सव्ववंधए । जस्स णं भंते ! कम्सगसरीरस्स देसबंधे से णं भंते ! ओरालियसरीरस्स जहा तेयगस्स वत्तव्वया भणिया तहा कम्मगस्सवि भाणियव्वा जाव तेयासरीरस्स जाव देसवंधए नो सव्वबंधए ॥ ३५१॥ एएसि णं भंते ! सव्वजीवाणं ओरालियवेउव्वियआहारगतेयाकम्मासरीरगाणं देसवंधगाणं सव्ववंधगाणं अवंधगाण य कयरे २ जाव विसेसाहिया वा ? गोयमा ! सव्वत्थोवा जीवा आहारगसरीरस्स सव्ववंधगा १ तस्स चेव देसवंधगा संखेनगुणा २ वेउव्वियसरीरस्स सव्वबंधगा असंखेज्जगुणा ३ तस्स चेव देसवंधगा असंखेजगुणा ४ तेयाकम्मगाणं दुण्हवि तुल्ला अवंधगा अणंतगुणा ५ ओरालियसरीरस्स सव्ववंधगा अणंतगुणा ६ तस्स चेव अवंधगा विसेसाहिया ७ तस्स चेव देसवंधगा असंखेज्जगुणा ८ तेयाकम्मगाणं देसवंधगा विसेसाहिया ९ वेउव्वियसरीरस्स अवंधगा विसेसाहिया १० आहारगसरीरस्स अवंधगा विसेसाहिया ११ । सेवं भंते ! २ त्ति ॥ ३५२ ॥ अट्टमसयरूस नवसो उद्देसओ समत्तो॥
रायगिहे नगरे जाव एवं वयासी-अन्नउत्थिया णं भंते ! एवमाइक्खंति जाव एवं परुति-एवं खलु सील सेयं, सुयं सेयं, सुयं सेयं सीलं सेयं, से कहमेयं भंते ! एवं ? गोयमा ! जन्नं ते अन्नउत्थिया एवमाइक्खंति जाव जे ते एवमाहंसु मिच्छा ते एवमाहंसु, अहं पुण गोयमा! एवमाइक्खामि जाव परुवेसि, एवं खलु मए चत्तारि पुरिसजाया पण्णत्ता, तंजहा-सीलसंपन्ने णाम एगे णो सुयसंपन्ने १ सुयसंपन्ने नामं एगे नो सीलसंपन्ने २ एगे सीलसंपन्नेवि सुयसंपन्नेवि ३ एगे णो सीलसंपन्ने नो सुयसपन्ने ४, तत्थ णं जे से पढमे पुरिसजाए से णं पुरिसे सीलवं असुयवं, उवरए अविनायधम्मे, एस णं गोयमा ! मए पुरिसे देसाराहए पण्णत्ते, तत्थ णं जे से दोचे पुरिसजाए से णं पुरिसे असीलवं सुयवं, अणुवरए विनायधम्मे, एस णं गोयमा ! मए पुरिसे देसविराहए पण्णत्ते, तत्थ णं जे से तच्चे पुरिसजाए से णं पुरिसे सीलवं सुयवं, उवरए विन्नायधम्मे, एस णं गोयमा ! मए पुरिसे सव्वाराहए पन्नत्ते, तत्थ णं जे से चउत्थे पुरिसजाए से णं पुरिसे असीलवं असुयवं, अणुवरए अविण्णायधम्मे, एस णं गोयमा ! मए पुरिसे सव्वविराहए पन्नत्ते ॥ ३५३ ॥ कइविहा णं भंते ! आराहणा पण्णत्ता ? गोयमा! तिविहा आराहणा पण्णत्ता, तंजहा-नाणाराहणा दंसणाराहणा चरित्ताराहणा। णाणाराहणा णं भंते ! कइविहा पण्णत्ता? गोयमा ! तिविहा पण्णत्ता, तंजहा-उक्कोसिया मज्झिमा जहन्ना। दंसणाराहणा णं भंते ! कइविहा प० ? एवं चेव तिविहावि । एवं चरित्ताराहणावि । जस्स णं भंते !
