________________
सुत्तागमे ।
[भगवई म्मासरीरप्पओगवंधे णं भंते ! कस्स कम्मस्स उदएणं 2 गोयमा ! दसणपडिणीययाए एवं जहा णाणावरणिज नवरं सणनाम घेत्तव्यं जाव दंसणविसंवायणाजोगेणं दरिसणावरणिजकम्मासरीरप्पओगनामाए कम्मस्स उदएणं जाव पओगवंधे । सायावेयणिजकम्मासरीरप्पओगवंधे णं भंते ! कस्स कम्मस्स उदएणं ? गोयमा ! पाणाणुकंपयाए भूयाणुकंपयाए एवं जहा सत्तमसए दसमोद्देसए जाव अपरियावणयाए सायावेयणिजकम्मासरीरप्पओगनामाए कम्मस्स उदएणं सायावेयणिनकम्मा जाव वंधे। असायावेयणिज्जपुच्छा, गोयमा ! परदुक्खणयाए परसोयणयाए जहा सत्तमसए दसमोद्देसए जाव परियावणयाए असायावेयणिजकम्मा जाव पओगबंधे। मोहणिजकम्मासरीरप्पओगपुच्छा, गोयमा! तिव्वकोहयाए, तिव्वमाणयाए, तिव्वमाययाए, तिव्वलोहयाए, तिव्वदंसणमोहणिज्जयाए, तिव्वचरित्तमोहणिजयाए,मोहणिजकम्मासरीरप्पओग जाव पओगवंधे । नेरइयाउयकम्मासरीरप्पओगवंधे णं भंते ! पुच्छा, गोयमा ! महारंभयाए, महापरिग्गहयाए, कुणिमाहारेणं, पंचिंदियवहेणं, नेरझ्याउयकम्मासरीरप्पओगनामाए कम्मस्स उदएणं नेरइयाउयकम्मासरीर जाव पओगबंधे । तिरिक्खजोणियाउयक्रम्मासरीरप्पओगपुच्छा, गोयमा ! माइल्याए, नियडिल्ल्याए, अलियवयणेणं, कूडतुलकूडमाणेणं, तिरिक्खजोणियाउयकम्मासरीर जाव पओगवंधे। मणुस्सआउयकम्मासरीरपुच्छा, गोयमा ! पगइभद्दयाए, पगइविणीययाए, साणुकोसयाए, अमच्छरियाए, मणुस्साउयकम्मा जाव पओगवंधे । देवाउयकम्मासरीरपुच्छा, गोयमा ! सरागसंजमेणं, संजमासंजमेणं, वालतवोकम्मेणं, अकामनिजराए, देवाउयकम्मासरीर जाव पओगवंधे ॥ सुभनामकम्मासरीरपुच्छा, गोयमा ! कायउजुययाए, भावुज्जुययाए, भासुजुययाए, अविसंवायणाजोगेणं, सुभनामकम्मासरीर जाव पओगवंधे ॥ असुभनामकम्मासरीरपुच्छा, गोयमा! कायअणुज्जुययाए, भावअणुज्जुययाए, भासअणुज्जुययाए, विसंवायणाजोगेणं, असुभनामकम्मा जाव पओगवंधे। उच्चागोयकम्मासरीरपुच्छा, गोयमा ! जाइअमएणं, कुलअमएणं, बलअमएणं, रूवअमएणं, तवअमएणं, सुयअमएणं, लाभअमएणं, इस्सरियअमएणं, उच्चागोयकम्मासरीर जाव पओगबंधे, नीयागोयकम्मासरीरपुच्छा, गोयमा! जाइमएणं, कुलमएणं, बलमएणं, जाव इस्सरियमएणं, णीयागोयकम्मासरीर जाव पओगवंधे । अंतराइयकम्मासरीरपुच्छा, गोयमा! दाणंतराएणं, लाभंतराएणं, भोगंतराएणं, उवभोगंतराएणं, वीरियंतराएणं, अंतराइयकम्मासरीरप्पओगनासाए कम्मस्स उदएणं अंतराइयकम्मासरीरप्पओगबंधे ॥ णाणावरणिजकम्मासरीरप्पओगवंधे णं भंते! कि देसवंधे सव्ववंधे ? गोयमा ! देसवंधे णो सव्वबंधे, एवं जाव
मणुस मच्छरियाए,
संजमासंजमेण, सरीरपुच्छा
