________________
'सुत्तागमे
[ भगवई
हमाणे तेसिं जीवपएसाणं किंचि आबाहं वा विबाहं वा उप्पायइ छविच्छेदं वा करेइ ? णो तिणट्ठे समट्ठे, नो खलु तत्थ सत्थं संक्रमई ॥ ३२४ ॥ कइ णं भंते ! पुढवीओ पण्णत्ताओ ? गोयमा ! अट्ठ पुढवीओ पन्नत्ताओ, तंजहा - रयणप्पभा जाव अहे सत्तमा पुढविईसिपव्भारां । इमा णं भंते! रयणप्पभापुढवी कि चरिमा अचरिमा ? चरिमपयं निरवसेसं भाणियव्वं जाव वैमाणिया णं भंते! फासचारमेण कि चरिमा अचरिमा ? गोयमा ! चरिमावि अचरिमावि । सेवं भंते ! २त्ति भगवं गो० ॥ ३२५ ॥ अटूमसए तइओ उद्देसो समत्तो ॥
रायगिहे जाव एवं वयासी कइ णं भंते । किरियाओ पन्नत्ताओ ? गोयमा ! पंच किरियाओ पन्नत्ताओ, तंजहा - काइया अहिगरणिया, एवं किरियापयं निरवसेसं भाणियव्वं जाव मायावत्तियाओ किरियाओ विसेसाहियाओ, सेवं भंते! सेवं भंते ! त्ति भगवं गोयमे० ॥ ३२६ ॥ अट्ठमसए चउत्थो उद्देसो समत्तो ॥
"
रायगिहे जाव एवं वयासी - आजीविया णं भंते ! थेरे भगवंते एवं वयासीसमणोवासगस्स णं भंते ! सामाइयकडस्स समणोवस्सए अच्छमाणस्स केइ भंड अवहरेजा से णं भंते । तं भंड अणुगवेसमाणे किं सयं भंड अणुगवेसइ परायगं भंडं अणुगवेसइ ? गोयमा ! सयं भंडं अणुगवेसइ नो परायगं भंड अणुगवेसेइ, तस्स णं भंते! तेहिं सीलव्वयगुणवेरमणपच्चक्खाणपोसहोववासेहिं से भंडे अभंडे भवइ ? हंता ! भवइ ॥ से केणं खाइ णं अट्ठेणं भंते ! एवं बुच्चइ सयं भंड अणुगवेसइ नो परायगं भंड अणुगवेसइ ? गोयमा ! तस्स णं एवं भवइ - णो मे हिरन्ने नो मे सुवन्नेनो मे कंसे नो मे दूसे नो मे विउलघणकणगरयणमणिमोत्तियसंखसिलप्पवालरत्तरयणमाइए संतसारसावएजे, ममत्तभावे पुण से अपरिण्णाए भवई, से तेणट्टेणं गोयमा ! एवं वुच्चइ सयं भंडं अणुगवेसइ नो परायगं भंड अणुगवेसइ ॥ समणोवासगस्स णं भंते ! सामाइयकडस्स समणोवस्सए अच्छमाणस्स केइ जायं चरेज्जा से णं भंते ! कि जायं चरइ अजायं चरइ ? गोयमा ! जायं चरइ नो अजायं चरइ, तस्स णं भंते । तेहिं सीलव्वयगुणवेरमणपच्चक्खाणपोसहोववासेहिं सा जाया अजाया भवइ ? हंता ! भवइ, से केणं खाइ णं अट्टेणं भंते ! एवं बुच्चइजायं चरइ नो अजायं चरइ? गोयमा । तस्स णं एवं भवइ - णो मे माया णो मे पिया णो मे भाया णो से भगिणी णो मे भज्जा णो मे पुत्ता णो मे धूया नो मे गुन्हा, पेजवंधणे पुण से अवोच्छिन्ने भवइ, से तेणद्वेणं गोयमा ! जाव नो अजाय नए ॥ ३२७ ॥ समणोवासगस्स णं भंते ! पुव्वामेव थूलए पाणाइवाए अपच्चए भवइ से णं भंते । पच्छा पचाइक्लमाणे कि करेइ ? गोयमा ! तीयं पडिक्क
५४८
