Suttagame 01

SR No.: 010590
Original Sutra Author: N/A
Author: Fulchand Maharaj
Publisher: Sutragam Prakashan Samiti
Total Pages: 1314
Language: Prakrit
Classification: Book_Devnagari, Agam, Canon, agam_acharang, agam_sutrakritang, agam_sthanang, agam_samvayang, agam_bhagwati, agam_gyatadharmkatha, agam_upasakdasha, agam_antkrutdasha, & agam_anutta
File Size: 89 MB

Page 598

५४६'
सुत्तागमे
भगवई
·
कालओ भावओ, दव्वओ णं आभिणिवोहियनाणी आएसेणं सव्वदव्वाईं जाणइ पासइ, खेत्तओ णं आभिणिवोहियणाणी आएसेणं सव्वखेत्तं जाणइ पासइ, एवं कालओवि, एवं भावओवि । सुयनाणस्स णं भंते ! केवइए विसए पण्णत्ते ? गोयमा ! से समासओ चउव्विहे पण्णत्ते, तंजहा - दव्वओ ४, दव्वओ णं मुयनाणी स्वउत्ते सव्वदव्वाईं जाणइ पासइ, एवं खेत्तओवि कालओवि, भावओ णं सुयनाणी उवउत्ते सव्वभावे जाणइ पासइ । ओहिनाणस्स णं भंते । केवइए विसए पन्नत्ते ? गोयमा ! से समासओ चविहे पण्णत्ते, तंजहा- दव्वओ ४, दव्वओ णं ओहिनाणी रुविद - व्वाईं जाणइ पासइ जहा नंदीए जाव भावओ । मणपजवनाणस्स णं भंते ! केवइए विसए - पण्णत्ते ? गोयमा से समासओ चउबिहे पण्णत्ते, तंजहा- दव्वओ ४, दव्वओ णं उज्जुमई अणंते अनंतपएसिए जहा नंदीए जात्र भावओ । केवलनाणस्स
1
भंते! केवइए विसए पण्णत्ते ? गोयमा ! से समासओ चउन्त्रिहे पन्नत्ते, तंजहादव्वओ खेत्तओ कालओ भावओ, दव्वओ णं केवलनाणी सव्वदव्वाईं जाणइ पासइ एवं जाव भावओ ॥ मइअन्नाणस्स णं भंते ! केवइए विसए पन्नत्ते ? गोयमा ! से समासओ चउव्विहे पन्नत्ते, तंजहा- दव्वओ खेत्तओ कालओ भावओ, दव्वओ णं मइअन्नाणी मइअन्नाणपरिगयाई दव्वाई जाणइ पासइ, एवं जाव भावओ मइअन्नाणी. मइअन्नाणपरिगए भावे जाणइ पासइ । सुयअन्नाणस्स णं भंते ! केवइए विसए पण्णत्ते ? गोयमा ! से समासओ चउव्विहे पण्णत्ते, तंजहा- दव्वओ ४, दव्वओ णं सुयअन्नाणी सुयअन्नाणपरिगयाईं दव्वाईं आघवेइ पन्नवेइ परूवेइ, एवं खेत्तओ कालओ, भावओ णं सुयअन्नाणी सुयअन्नाणपरिगए भावे आघवेइ तं चेव । विभंगणाणस्स णं भंते । केवइए विसए पण्णत्ते ? गोयमा ! से समासओ चउन्विहे पण्णत्ते, तंजहा- दव्वओ ४, दव्वओ णं विभंगनाणी विभंगनाणपरिगयाई दव्वाईं जाणइ पासइ, एवं जाव भावओ णं विभंगनाणी विभंगनाणपरिगए भावे जाणइ पासइ ॥ ३२१ ॥ णाणी णं भंते ! णाणीति कालओ केवच्चिरं होइ ? गोयमा ! नाणी विहे पण्णत्ते, तंजहा - साइए वा अपज्जवसिए साइए वा सपज्जवसिए, तत्थ णं जे से साइए सपज्जवसिए से जहनेणं अंतोमुहुत्तं उक्नोसेणं छावट्टि सागरोवमाईं साइरेगाईं। आभिणिवोहियणाणी णं भंते! आभिणिवोहिय० एवं नाणी आभिणिवोहियनाणी जाव केवलनाणी । अन्नाणी मइअन्नाणी सुयअन्नाणी विभंगनाणी, एएसिं दसण्हवि संचिट्टणा जहा कायठिईए ॥ अंतरं सव्वं जहा जीवाभिगमे ॥ अप्पाबहुगाणि तिन्नि जहा बहुवत्तव्वयाए ॥ केवइया णं भंते ! आभिणिवोहियणाणपज्जव पण्णत्ता ? गोयमा ! अणंता आभिणिवोहियणाणपज्जवा पण्णत्ता । केवइया णं भंते !