________________
वि० प० स०७ उ०७] सुत्तागमे
५२१ से तेणद्वेणं जाव भोगीवि, अवसेसा जहा जीवा जाव वेमाणिया। एएसि ण भंते ! जीवाणं कामभोगीणं नोकामीणं नोभोगीणं भोगीण य कयरे कयरेहिंतो जाव विसेसाहिया वा ?, गोयमा ! सव्वत्योवा जीवा कामभोगी नोकामीनोभोगी अणंतगुणा भोगी अगंतगुणा ॥ २८९ ॥ छउमत्थे णं भंते ! मणूसे जे भविए अन्नयरेसु देवलोएसु देवत्ताए उववजित्तए, से नूणं भंते ! से खीणभोगी नो पभू उठाणेणं कम्मेणं बलेणं वीरिएणं पुरिसकारपरक्कमेण विउलाई भोगभोगाइं भुंजमाणे विहरित्तए, से नूणं भंते ! एयमढे एवं वयह ?, गोयमा ! णो इणढे समढे, से केणटेणं भंते ! एवं वुच्चइ ? गोयमा । पभू णं से उट्ठाणेणवि कम्मेणवि बलेणवि वीरिएणवि पुरिसक्कारपरकमेणवि अन्नयराइं विपुलाइं भोगभोगाई भुंजमाणे विहरित्तए, तम्हा भोगी भोगे परिचयमाणे महानिजरे महापजवसाणे भवइ । आहोहिए णं भंते ! मणुस्से जे भविए अन्नयरेसु देवलोएसु एवं चेव जहा छउमत्थे जाव महापज्जवसाणे भवइ । परमाहोहिए णं भंते ! मणुस्से जे भविए तेणेव भवग्गहणेणं सिज्झित्तए जाव अंतं करेत्तए, से नूणं भंते ! से खीणभोगी सेसं जहा छउमत्थस्स । केवली णं भंते ! मणुस्से जे भविए तेणेव भवग्गणेणं एवं जहा परमाहोहिए जाव महापजवसाणे भवइ ॥ २९०॥ जे इमे भंते ! असन्निणो पाणा, तंजहा-पुढविकाइया जाव वणस्सइकाइया छट्ठा य एगइया तसा, एए णं अंधा मूढा तमंपविठ्ठा तमपडलमोहजालपडिच्छण्णा अकामनिकरणं वेयणं वेदंतीति वत्तव्वं सिया ?, हंता गोयमा ! जे इमे असन्निणो पाणा पुढविकाइया जाव वणस्सइकाइया छटा य जाव वेयणं वेदेंतीति वत्तव्वं सिया॥ अत्थि णं भंते ! पभूवि अकामनिकरणं वेयणं वेएइ ?, हंता गोयमा ! अत्थि, कहन्नं भंते ! पभूवि अकामनिकरणं वेयणं वेदेइ ?, गोयमा ! जे णं णो पभू विणा दीवेणं अंधकारंसि रूवाइं पासित्तए जे णं नो पभू पुरओ स्वाइं अणिज्झाइत्ता णं पासित्तए जेणं नो पभू मग्गओ रूवाई अणवयक्खित्ता णं पासित्तए [जे णं नो पभू पासओ रूवाई अणुलोइत्ता णं पासित्तए जे णं नो पभू उर्ल्ड रूवाई अणालोएत्ता गं पासित्तए जेणं नो पभू अहे रूवाइं अणालोएत्ता णं पासित्तए] एस णं गोयमा! पभूवि अकामनिकरणं वेयणं वेदेइ ॥ अत्थि णं भंते ! पभूवि पकामनिकरणं वेयणं वेदेइ ?, हंता ! अत्थि, कहन्नं भंते ! पभूवि पकामनिकरणं वेयणं वेदेइ ?, गोयमा ! जे णं नो पभू समुदस्स पारं गमित्तए जे णं नो पभू समुदस्स पारगयाइं रूवाइं पासित्तए जेणं नो पभू देवलोगं गमित्तए जेणं नो पभू देवलोगगयाइं रुवाइं पासित्तए एस णं गोयमा ! पभूवि पकामनिकरणं वेयणं वेदेइ । सेवं भंते ! सेवं भंते ! त्ति ॥ २९१ ॥ सत्तमस्स सयरस सत्तमो उद्देसओ समत्तो॥
