________________
सुत्तागमे
[भगवई
अणुओगदारे तहा यव्वं पमाणं जाव तेण परं नो अत्तागमे नो अनंतरागमे परंपरागमे ॥ १९२॥ केवली णं भंते ! चरिमक्रम्मं वा चरिमणिजरं वा जाणइ पासइ ?, हंता गोयमा ! जाणइ पासइ । जहा णं भंते । केवली चरिमकम्मं वा जहा णं अंतकरेणं आलावगो तहा चरिमकम्मेणवि अपरिसेसिओ णेयव्वो ॥१९३॥ केवली णं भंते! पणीयं मणं वा वई वा धारेजा ?, हंता ! धारेजा, जहा णं भंते । केवली पणीयं मणं वा वरं वा धारेजा ते णं वेमाणिया देवा जाणंति पासंति ?, गोयमा ! अत्थेगइया जाणंति पा० अत्थेगइया न जाणंति न पा०; से केणद्वेणं जाव ण जाणंति ण पासंति ?, गोयमा ! वेमाणिया देवा दुविहा पण्णत्ता, तंजहामाइमिच्छादिट्टिउववन्नगा ये अमाइसम्मदिट्टिउववन्नगा य, तत्थ णं जे ते माइमिच्छादिट्ठिउववन्नगा तें न जाणंति न पासंति, तत्थ णं जे ते अमाइसम्मदिट्टिउव• • वन्नगा ते णं जाणंति पासंति, से केणद्वेणं एवं बु० अमाई सम्मदिट्ठी जाव पा० गोमा ! अमाई सम्मदिट्टी दुविहा पण्णत्तां - अणंतरोववन्नगा य परंपरोववन्नगा य तत्थ अणंतरोववन्नगा न जा० परंपरोववन्नगा जाणंति, से केणट्टेणं भते । एवं० परंपरोववन्नगा जाव जाणंति ?, गोयमा ! परंपरोववन्नगा दुंविहा पण्णत्ता-पजत्तेगा य अपजत्तगा य, पजत्ता जा० अपजत्तो न जा०, एवं अणंतरपरंपरपज्जत्तअपजत्ता य उवउत्ता अणुवउत्ता, तत्थे णं जे ते उवत्ता ते जा० पा० से. तेणद्वेणं तं चैव ॥ १९४ ॥ पर्भू णं भंते ! अणुत्तरोववाइया देवा तत्थगया चेव समाणा इहगए केवलिणां सद्धिं आलावं वा संलावं वा करेत्तए ?, हंता ! पभू से केणट्टेण जाद पभू णं अणुत्तरोववाइया देवा जाव करेत्तएं ?, गोयमा ! जण्णं अणुत्तरोववाइया देवा तत्थगया चेव समाणा अहं वा हेउ वा पसिणं वा वागरणं वा कारणं वा पुच्छंति तण्णं इहगए केवली अहं वा जाव वागरणं वा बागरेइ से तेणद्वेणं । जन्नं भंते ! इहगए चेव केवली अहं वा जाव वागरेइ तण्णं अणुत्तरोववाइया देवा तत्थगया चेव संमाणा जा० पा० ?, हंता ! 'जाणंति पासंति, से केणट्टेर्ण जाव पासंति ?, गोयमा । तेसि णं देवानं अनंताओ मणोदव्ववग्गणाओ लद्धाओ पत्ताओं अभिसमन्नागयाओं भवंति से तेणद्वेगं जण्णं इहगए केवली जाव पा० ॥ १९५ ॥ अणुत्तरोववाइया णं भंते! देवा किं उदिन्नमोहा उवसंतमोहा खीणमोहा ?, गोयमा ! नो उदिन्नमोहा उवसंतमोहा णो खीणमोहा ॥ १९६ ॥ केवली णं भंते! आयाहिं जा० पा० ?, गोयमा । णो तिणट्ठे स०, से केणट्टेणं जाव केवली णं आयाहिं न जाणइ न पासइ ?, गोयमा । केवली णं पुरच्छिमेणं मियंपि जाणइ अमियंपि जा० जाव निव्वुडे दंसणे केवलिस्स से तेण० ॥ १९७ ॥ केवली णं
४७८
