________________
४७४ सुत्तागमे
[भगवई गोयमा ! साउए संकमइ नो निराउए संकमइ । से णं भते ! आउए कहिं कडे कहिं समाइण्णे ?, गोयमा ! पुरिमे भवे कडे पुरिने भवे समाइण्णे, एवं जाव वेमाणियाणं दंडओ । से नूणं भंते ! जे जंभविए जोणि उववजित्तए से तमाउयं पकरेइ, तंजहा-नेरइयाउयं वा जाव देवाउयं वा ?, हंता गोयमा! जे जंभविए जोणि उववजित्तए से तमाउयं पकरेइ, तंजहा-नेरइयाउयं वा तिरि० मणु० देवाउयं वा, नेरइयाउयं पकरेमाणे सत्तविहं पकरेइ, तंजहा-रयणप्पभापुढविनेरइयाउयं वा जाव अहेसत्तमापुढविनेरइयाउयं वा, तिरिक्खजोणियाउयं पकरेमाणे पंचविहं पकरेइ, तंजहा-एगिदियतिरिक्खजोणियाउयं वा, भेदो सम्बो भाणियव्वो, मणुस्साउयं दुविहं, देवाउयं चउव्विह, सेवं भंते ! सेवं भंते ! त्ति ॥ १८३॥ पंचमे सए तइओ उद्देसो समत्तो ॥ .. __छउमत्थे णं भंते ! मणुस्से आउडिजमाणाई सद्दाइं सुणेइ, तंजहा-संखसहाणि
वा सिगस० संखियस० खरमुहिस० पोयास० परिपिरियास० पणवस० पडहस० भंभास० होरंभस० भेरिसदाणि वा झलरिस० दुंदुहिस० तयाणि वा वितयाणि वा घणाणि वा झुसिराणि वा ?, हंता गोयमा । छउमत्थे णं मणूसे आउडिजमाणाई सद्दाइं सुणेइ, तंजहा-संखसदाणि वा जाव झुसिराणि वा । ताई भंते ! किं पुट्ठाई सुणेइ अपुट्ठाई सुणेइ ?, गोयमा ! पुट्ठाइं सुणेइ नो अपुट्ठाई सुणेइ, जाव नियमा छद्दिसिं सुणेडू । छउमत्थे णं मणुस्से कि आरगयाइं सहाई सुणेइ पारगयाइं सद्दाई सुणेइ ?, गोयमा । आरगयाइं सद्दाइं सुणेइ नो पारगयाइं सहाई सुणेइ । जहा णं भंते ! छउमत्थे मणुस्से आरगयाई सद्दाई सुणेइ नो पारगयाई सद्दाई.सुणेइ तहा ण भंते ! केवली मणुस्से किं आरगयाइं सद्दाइं सुणेइ पारगयाइं सद्दाइं सुणेइ ?, गोयमा। केवली गं आरगयं वा पारगयं वा सव्वदूरमूलमणतियं सई जाणेइ पासेइ, से केणटेणं तं चेव केवली णं आरगयं वा पारगयं वा जाव पासइ ?, गोयमा ! केवली णं पुरच्छिमेणं मियंपि जाणइ अमियंपि जा० एवं दाहिणेणं पचत्थिमेणं उत्तरेणं उर्दू अहे मियंपि जाणइ अमियंपि जा० सव्वं जाणइ केवली सव्वं पासइ केवली सव्वओ, जाणइ पासइ.सव्वकालं जा० पा० सव्वभावे जाणइ केवली सव्वभावे पासइ केवली ॥ अणंते नाणे केवलिस्स अणंते दंसणे केवलिस्स निव्वुढे नाणे केवलिस्स निव्वुडे दंसणे केवलिस्स से तेणटेणं जाव पासइ ।। १८४ ॥ छउमत्ये गं भंते ! मणुस्से हसेज वा उस्सुयाएज वा ?, हता! हसेज वा उस्सुयाएज'वा, जहा णं भंते ! छउमत्थे मणुस्से हसेज जाव उस्सु० तहा णं केवलीवि हसेज वा उस्सुयाएज वा ?, गोयमा ! नो इणढे समढे, से केणटेणं भंते ! जाव
